कराड, दि. 16 : रस्ते विकास महामंडळाने बांधा, वापरा आणि हस्तांतरित करा, या तत्वावर शेंद्रे (सातारा) ते कागल या राष्ट्रीय महामार्ग क्र. 4 चे चौपदरीकरण करण्यात आले. ते करत असताना महामार्गाकडेची अनेक गावे व शहरालगत सर्व्हिस रस्त्यातून महामार्गावर प्रवासी अथवा वाहने येवू नये, याकरिता लोखंडी संरक्षक कठडे बसविण्यात आले आहेत. मात्र नागरिकांनी दूरवरुन वळून जाण्याऐवजी शॉर्टकटने जाता यावे, याकरिता संरक्षक कठड्याची मोडतोड केली आहे.

कराड, दि. 16 : ओगलेवाडी येथील ओगले ग्लास कारखान्याच्या फलकाची मोडतोड केल्यामुळे 4 हजार रुपयांचे नुकसान झाल्याप्रकरणी हजारमाचीचे पोलीस पाटील मुकुंद नामदेव कदम यांनी जयवंत आत्माराम पाटील, विजय भगवान पाटील, दिलीप भीमराव जाधव यांच्याविरुध्द शहर पोलीस ठाण्यात तक्रार दाखल केली असून पोलिसांनी अदखलपात्र गुन्हा नोंदवला आहे. हवालदार गायकवाड तपास करत आहेत.

कराड, दि. 16 : कोल्हापूर नाक्याकडून कृष्णा हॉस्पिटलकडे जाणाऱ्या रिक्षात बसलेल्या रचना जगताप (रा. कोडोली, ता. कराड) यांची मौल्यवान वस्तू असलेली बॅग रिक्षात विसरली होती. ती रिक्षाचालक फारुक शेख (रा. गोटे) यांनी त्यांना परत केली. या प्रामाणिकपणाबद्दल महिलेने रिक्षाचालकाचे कौतुक केले.

चाफळ, दि. 16 : मित्रास शिवीगाळ का केलीस, अशी विचारणा केल्याच्या कारणावरून चिडून जावून चौघा जणांनी इंडिका कारमधून बाहेर ओढून एकास लाथाबुक्क्या व काठीने जबर मारहाण करून जखमी केल्याची घटना माजगाव, ता. पाटण येथे मंगळवार, दि. 15 रोजी रात्री 9.15 वाजण्याच्या सुमारास घडली. अनिल शिवाजी साळवे (वय 23) असे जखमी झालेल्या युवकाचे नाव असून मारहाण करणाऱ्या चौघांवर चाफळ पोलिसांत गुन्हा दाखल करण्यात आला आहे. याबाबत परस्पर विरोधी तक्रारी दाखल करण्यात आल्या आहेत.

कराड, दि. 16: सातारा जिल्ह्यात खरीप हंगामासाठी आवश्यक बियाणे व खते उपलब्ध करण्यात आली असून जिल्हा परिषद कृषी विभाग व महाराष्ट्र शासन कृषी विभागाच्या संयुक्त विद्यामाने बियाणे, खते व इतर कृषी निविष्ठांची कोठेही कमतरता भासू नये याचे नियोजन करण्यात आले आहे. शेतकऱ्यांसाठी स्वतंत्र कक्षाची स्थापना करण्यात आली असून शेतकऱ्यांनी आपल्या प्रश्नांबाबत या कक्षाशी संपर्क साधावा, असे आवाहन जिल्हा परिषदेच्या अध्यक्षा सौ. अरुणादेवी पिसाळ यांनी केले.

सुरवडी, दि. 16 : साखरवाडी प्राथमिक आरोग्य केंद्रामध्ये नुकत्याच आयोजित करण्यात आलेल्या  बिनटाका स्त्री कुटुंब कल्याण शस्त्रक्रिया मेगा कॅंपमध्ये 77 शस्त्रक्रिया यशस्वीरित्या पूर्ण करण्यात आल्याची माहिती वैद्यकीय अधिकारी डॉ. वाय.एच. नरुटे यांनी दिली. साखरवाडी प्राथमिक आरोग्य केंद्राने प्रत्येकवर्षी कुटुंब कल्याण शस्त्रक्रिया, प्रसुती, लसीकरण, टी. बी.

महाबळेश्वर, दि. 16 : महाबळेश्वरातील पेट्रोल व डिझेल पंप चालकांच्या मनमानी कारभारामुळे येथे येणाऱ्या वाहनधारक पर्यटकांची गैरसोय होत आहेत. या पंप चालकांच्या कारभाराविरुध्द महाबळेश्वर येथील शिवसेनेनेतर्फे तहसीलदार नीलप्रसाद चव्हाण यांच्याकडे निवेदन दिले असून यामध्ये सुधारण न  झाल्यास शिवसेना या पंप चालकांच्या विरोधात तीव्र आंदोलन करतील, असा इशारा शहरप्रमुख विजय नायडू यांनी दिला आहे. येथे भारत पेट्रोलियम व हिंदुस्थान पेट्रोलियमचे पंप आहेत.

औंध, दि. 16 : औंध जिल्हा परिषद गटाची टंचाई आढावा बैठक आ. जयकुमार गोरेे यांच्या अध्यक्षतेखाली नुकतीच झाली. यावेळी चारा व पाणी टंचाई, रोजगार हमीच्या कामावरुन  आ. गोरे यांनी अधिकाऱ्यांची झाडाझडती घेतली. शेतकऱ्यांना केल्या जाणाऱ्या चारा पुरवठ्याबाबत तीव्र नाराजी व्यक्त करुन चारा वाटप व रोजगार हमी योजनेच्या कामाबाबत योग्य नियोजन करण्याचे आदेश आ. जयकुमार गोरे यांनी अधिकाऱ्यांना दिले.

सातारारोड, दि.16 : स्व.यशवंतराव चव्हाण साहेबांचे राजकारण व आत्ताचे राजकारण यामध्ये प्रचंड तफावत आहे. कोरेगाव तालुक्यात गेल्या काही वर्षात वेगळीच प्रथा सुरू करण्याचे काम सुरू होते. जिल्हा परिषद व पंचायत समितीच्या निवडणुकीत जनतेने राजकारण बाजूला ठेवून वेगळी दिशा देणाऱ्यांना रोखण्याचे काम केले, हा तालुक्याच्या दृष्टीने दिशादर्शक निर्णय आहे, असे प्रतिपादन कॉंग्रेसचे तालुकाध्यक्ष ऍड. विजयराव कणसे यांनी केले.

कराड, दि. 16 : कराड तालुक्यातील शेरे आणि दुशेरे येथील कृष्णा नदीपात्रात बेसुमार वाळू उपसा करण्यासाठी जिलेटीन स्फोट केल्यामुळे दोन्ही गावातील असंख्य घरांच्या भिंतींना तडे जावून घरे खिळखिळी तर अनेक घरे ढासळून मोठी हानी झाली. या प्रकरणी तहसीलदारांनी आदेश देवूनही मंडलाधिकाऱ्यांनी वाळू ठेकेदारांविरुध्द गुन्हे दाखल करण्यास टाळाटाळ केल्यामुळे ग्रामस्थांतून संतप्त प्रतिक्रिया उमटू लागल्या आहेत.