नवी दिल्ली, दि. 16 (वृत्तसंस्था) : किंग्ज इलेव्हनवर मंगळवारी मिळवलेल्या विजयाने प्ले-ऑफमधील स्थान निश्चित झाल्याने निश्ंिचत झालेल्या दिल्ली डेअरडेव्हिल्सचा मुकाबला उद्या घरच्या मैदानावर रॉयल चॅलेंजर्स बंगलोरशी होत आहे. प्ले-ऑफमधील स्थानासाठी उतावीळ झालेले आरसीबी दिल्लीच्या आव्हानाला कसे सामोरे जातात त्याची उत्सुकता आहे. उद्याच्या सामन्यात उतरताना दिल्लीच्या खेळाडूंवर अजिबात दडपण नसेल. हीच गोष्ट आरसीबीसाठी अधिक धोकादायक ठरू शकेल.

आसू दि. 16 : जिल्हा परिषदेच्या येथील  प्राथमिक शाळेतील तीन विद्यार्थ्यांची राष्ट्रीय क्रीडा प्रबोधिनी, बालेवाडी (पुणे) येथील प्रशिक्षणासाठी निवड झाली आहे. आदित्य नवनाथ थिटे याने 2 मिनिट 49 सेकंदामध्ये आणि कुमारी साक्षी संजय फाळके हिने 3 मिनीट 1 सेकंदामध्ये 800 मिटर धावण्याची शर्यत पूर्ण केली. सरलष्करनगर (आसू) शाळेतील विद्यार्थिनी कु.

स्पॉट फिक्सिंग प्रकरण नवी दिल्ली, दि. 16 (वृत्तसंस्था) : वृत्तवाहिनीने केलेल्या स्टिंग ऑपरेशनमुळे नुकत्याच उघड झालेल्या आयपीएल स्पॉट फिक्सिंग प्रकरणी बीसीसीआयने फ्रॅंचायझी मालकांना "क्लीन चिट' दिली आहे. स्पॉट फिक्सिंगमध्ये फ्रॅंचायझी मालकांचा सहभाग असल्याचे म्हणणे चुकीचे ठरेल, असे बीसीसीआयचे अध्यक्ष एन. श्रीनिवासन म्हणाले. एका वृत्तवाहिनीने स्टिंग ऑपरेशनद्वारे आयपीएलमधील स्पॉट फिक्सिंग उघडकीस आणले.

नवी दिल्ली, दि. 16 (वृत्तसंस्था) : उमेश यादवचे तीन बळी आणि महेला जयवर्धनेचे संयमी अर्धशतक यांच्या जोरावर दिल्ली डेअरडेव्हिल्सने किंग्ज इलेव्हन पंजाबचा मंगळवारी रात्री 5 गडी राखून पराभव केला. या विजयाने दिल्ली डेअरडेव्हिल्सने आयपीएल प्ले-ऑफमधील प्रवेश निश्चित करण्याचा बहुमान सर्वप्रथम मिळवला. परविंद अवानाने 3 बळी घेऊन दिल्लीला हादरवल्यानंतर महेला जयवर्धनेने 49 चेंडूत नाबाद 56 धावा करुन विजय मिळवून दिला.

कानपूर, दि.16(वृत्तसंस्था) : एका वृत्तवाहिनीच्या स्टिंग ऑपरेशनमुळे चकित व उद्विग्न झालेला उत्तर प्रदेशचा क्रिकेटपटू शालभ श्रीवास्तवने जखमी खेळाडू सामने निश्चित करू शकतो का, असा प्रश्न उपस्थित केला आहे. फक्त अनोळखी माणसांसमोर मन खुले केल्याची किंमत आपल्याला मोजावी लागत असल्याचे सांगून त्याने आपण निर्दोष असल्याचा दावा केला आहे.

धर्मशाला, दि. 16 (वृत्तसंस्था) : सलग तीन विजयां-मुळे आत्मविश्वासात भर पडलेल्या चेन्नई सुपरकिंग्जचे आता प्ले-ऑफमधील प्रवेशाचे लक्ष्य आहे. मात्र त्यांचा उद्याच्या सामन्यातील प्रतिस्पर्धी किंग्ज इलेव्हनपुढील आव्हान कठीण आहे. दिल्लीकडून झालेल्या पराभवामुळे या संघाला प्ले-ऑफमधील स्थानासाठी चमत्कार हवा आहे. आयपीएलचा शेवटचा टप्पा जवळ आला असताना प्ले-ऑफमधील उर्वरित तीन स्थानांसाठी भलतीच चुरस निर्माण झाली आहे.

नवी दिल्ली, दि.16 (वृत्तसंस्था) : आयपीएल स्पॉट फिक्सिंगमधील दोषी खेळाडूंचे निलंबन पुरेसे नाही. या भ्रष्टाचारचे मूळ उखडून काढण्यासाठी बीसीसीआयने आणखी पावले उचलावीत, अशी सूचना केंद्रीय क्रीडामंत्री अजय माकन यांनी केली. ते म्हणाले, या खेळाडूंना निलंबित केले म्हणजे क्रिकेट मंडळ या समस्येच्या मुळाशी गेले असे नव्हे. त्यांनी या समस्येच्या तळाशी जाण्यासाठी उपाय योजावेत. बीसीसीआयची स्वतंत्र कार्यप्रणाली असावी आणि त्यांनी क्रीडा संघटना म्हणून काम करावे.

क्विंगडाओ, दि.16 (वृत्तसंस्था) : भारताची पाचवेळची जगज्जेती महिला बॉक्सर मेरी कोमला चीनमध्ये सुरू असलेल्या जागतिक महिला बॉक्सिंग स्पर्धेच्या उपांत्यपूर्व फेरीत निकोला ऍडम्सकडून पराभवाचा धक्का बसला. या पराभवामुळे तिचा ऑलिम्पिक प्रवेश धोक्यात आला असला तरी नशिबाने साथ दिली तर ती लंडन ऑलिम्पिकमध्ये भारताचे प्रतिनिधित्व करू शकते. जागतिक महिला बॉक्सिंग स्पर्धेची सुरुवात 2001 साली झाल्यानंतर मेरी कोमला प्रथमच पदकाविना मायदेशी परतावे लागणार आहे.

कोलकाता, दि. 15 (वृत्तसंस्था) : शादाब जकाती आणि माईक हसी यांच्या प्रदर्शनानंतर ड्‌वेन ब्राव्होने अखेरच्या चेंडूवर ठोकलेल्या षटकारामुळे चेन्नई सुपरकिंग्जने आयपीएल स्पर्धेत कोलकाता नाईट रायडर्सला पाच गडी राखून पराभूत करत सलग तिसऱ्या विजयाबरोबर प्ले ऑफमध्ये प्रवेश करण्याकडे पाऊल टाकले. केकेआर संघाने गौतम गंभीरच्या 62 धावांच्या खेळीनंतरही 6 गड्यांच्या मोबदल्यात 158 धावांपर्यंत मजल मारली.

शिखर शिंगणापूर, दि. 15 : शालेय राज्यस्तरीय ट्वेंटी-20 क्रिकेट स्पर्धेसाठी जाणाऱ्या सातारा जिल्हा संघाला शंभू महादेव देवस्थान आणि परिसरातील क्रिकेटप्रेमींच्यावतीने शुभेच्छा देण्यात आल्या. या संघाने जम्मू-काश्मीर येथील राष्ट्रीय स्पर्धेतही बाजी मारावी यासाठी शंभू महादेवाला साकडे घातले.