Dainik Aikya - Published from Satara (Maharashtra,India) Published on,
 
Search Tag:     From Date:     To Date:     Section:    
Total Results: 4
5वाई, दि. 28 ः येथील भद्रेश्‍वर पुलानजीक सावंत वीटभट्टीसमोर दुचाकी व चारचाकीच्या झालेल्या अपघातात दुचाकीस्वार जागीच ठार झाला. सतीश शिवाजी वानखेडे (वय 32, रा. मांढरदेव, ता. वाई) असे मृताचे नाव आहे. याबाबत घटनास्थळावरून व पोलीस ठाण्यातून मिळालेली माहिती अशी, की मांढरदेव येथील सतीश वानखेडे हे दुपारी 12.30 च्या सुमारास बुलेट (क्र. एम. एच. 11 सीजी 7650) गाडीवरून खानापूरला क्रिकेट खेळण्यासाठी चालले असताना पुण्याहून महाबळेश्‍वरकडे निघालेल्या फॉर्च्युनर कार (क्र. एम. एच. 02 सीएल 5121) व बुलेट यांची समोरा समोर जोरदार धडक झाल्याने सतीश वानखेडे गंभीर जखमी झाले. या अपघातात दोन्ही वाहनांचे प्रचंड नुकसान झाले.      वानखेडे यांना उपचारासाठी डॉ. जयघोष कद्दू यांच्या गीतांजली हॉस्पिटलमध्ये आणण्यात आले. परंतु त्यांचा उपचारापूर्वीच मृत्यू झाला होता. सहाय्यक पोलीस निरीक्षक बबन एडगे तपास करीत आहेत.  सतीश वानखेडे यांचे मांढरदेव येथे पूजेच्या साहित्याचे दुकान असून त्यांच्या पश्‍चात आई, वडील, पत्नी, दीड वर्षाचा मुलगा,  चार वर्षाची मुलगी व चार बहिणी असा परिवार आहे.
Tuesday, May 29, 2018 AT 08:40 PM (IST)
5फलटण, दि. 16 : येथील कुरेशीनगरमधील जुन्या कत्तलखान्यावर फलटण पोलिसांनी कालरात्री अचानक टाकलेल्या धाडीत 21 जनावरे आणि 70 ते 80 जनावरांची मुंडकी आढळून आल्याने बंद करण्यात आलेल्या या कत्तलखान्यात विनापरवाना जनावरांची कत्तल सुरू असल्याचे उघडकीस आले असून हा कत्तलखाना केवळ कागदावरच बंद असल्याचे दिसून आले आहे. फलटण शहर पोलिसांनी याबाबत दिलेल्या माहितीनुसार कुरेशीनगर येथील नगरपालिका शाळेच्या पाठीमागील जुन्या कत्तलखान्यावर उपविभागीय पोलीस अधिकारी रमेश चोपडे, परिविक्षाधीन पोलीस अधीक्षक पवन बनसोड, सहाय्यक पोलीस निरीक्षक शिंगटे, पोलीस उपनिरीक्षक दळवी, प्राणी कल्याण अधिकारी यतींद्र जैन व अन्य अधिकार्‍यांनी मंगळवार, दि. 16 रोजी रात्री 12.40 च्या सुमारास धाड टाकली असता या ठिकाणी 21 जनावरे आणि मारलेल्या जनावरांची मुंडकी आढळून आली. या प्रकरणी इम्तियाज मेहबूब बेपारी(रा. कुरेशीनगर) याच्याविरुध्द गुन्हा दाखल करण्यात आला असून अन्य काहीजण तेथून पळून जाण्यात यशस्वी झाले. या कत्तलखान्यात 21 गोवंशीय जनावरे आढळून आली.
Thursday, May 17, 2018 AT 08:55 PM (IST)
प व्यापार्‍यांना दमबाजी प कारवाई करण्याची मागणी बाळकृष्ण गुरव 5मसूर, दि. 9 : मसूरमध्ये फुकट चंबू बाबूरावांचा उच्छाद  माजला आहे. दुकानदारांना दमबाजी करून प्रसंगी मारहाण करण्याची धमकी देत किंमती वस्तूंवर डल्ला मारणार्‍या फुकट चंबूंची भाईगिरी सध्या चर्चेचा विषय ठरला आहे. या घटनांमुळे मसूरमधील व्यावसायिक भीतीच्या छायेखाली वावरत आहेत. तक्रारी होऊनही पोलिसांचे दुर्लक्ष आणि किरकोळ कारवाईमुळे हे फुकट चंबू चांगलेच मस्तावले आहेत.  यामुळे दाद कोणाकडे मागायची असा व्यावसायिकांना प्रश्‍न पडला आहे. या सर्व गंभीर प्रकारांचा मसूर ग्रामस्थांनी तीव्र शब्दात निषेध नोंदवला आहे. पोलिसांना यावर पायबंद घालता येत नसेल तर कायदा हातात घेऊन या ‘फुकट चंबूं’चा सोक्षमोक्ष लावण्याचा निर्धारही ग्रामस्थांनी आता केला आहे. याबाबत वस्तुस्थिती अशी, की आसपासच्या छोट्या- मोठ्या 35 गावांचे मसूर केंद्रस्थान आहे. इथे स्थानिक व बाहेरगावच्या शेकडो लोकांचे विविध व्यवसाय आहेत. यामध्ये कापड व्यवसाय, बेकरी, किराणा दुकानदार,  वडापाव व फळ विक्रेत्यांचे जाळे यासह हॉटेल्स, चायनीज गाड्या असे अनेक प्रकारचे व्यावसायिक येथे आहेत.
Thursday, May 10, 2018 AT 08:50 PM (IST)
खटाव तालुक्यातील पाच युवकांची फसवणूक 5वडूज, दि. 9 : लष्करात नोकरी लावतो म्हणून खटाव तालुक्यातील पाच युवकांची 9 लाख रुपयांची फसवणूक केल्याची फिर्याद वडूज पोलीस ठाण्यात नोंद असून संशयित राजकुमार बजरंग काटकर (वय 48, रा. कुकुडवाड, ता. माण) यास पोलिसांनी अटक केली आहे. याबाबत पोलिसांकडून समजलेली माहिती अशी, राजकुमार बजरंग काटकर याने सुहास दत्तात्रय कुंभार, दुर्गेश विलास हजारे, पंकज धनंजय माने (तिघे रा. वडूज, ता. खटाव) व सतीश शंकर फडतरे (रा. उंबर्डे, ता. खटाव) या चौघांकडून प्रत्येकी दोन लाख रुपये तर आकाश सूर्याजी माने (रा. शिरसवडी) याच्याकडून एक लाख रुपये घेतले. त्यांना सातारा येथे झालेल्या लष्कर भरतीतून नोकरी लावतो, असे सांगून काटकर याने फसवणूक केल्याचे त्यांच्या लक्षात आले. त्यामुळे आकाश माने याने पैसे परत देण्याचा तगादा लावला असता काटकरने त्याला एक लाख रुपयांचा धनादेश दिला. तो धनादेश न वटल्याने आकाशने 6 एप्रिल रोजी काटकरकडे एक लाख रुपयांची मागणी केली असता, काटकरने बंदुकीचा धाक दाखवला. तू परत पैसे मागितले तर तुला इथेच मारून टाकीन. मी पैसे देणार नाही.
Tuesday, April 10, 2018 AT 08:51 PM (IST)
 
© Copyrights 2010 Dainik Aikya.com - All rights reserved.
of
Powered By: