Dainik Aikya - Published from Satara (Maharashtra,India) Published on,
 
Search Tag:     From Date:     To Date:     Section:    
Total Results: 17
5भुईंज, दि. 15 : सातारा लोकसभा मतदारसंघासाठी 12 दिवस आधीच मतदान करून आयएफएस अधिकारी तथा केनियतील भारताचे उपउच्चायुक्त राजेश स्वामी व त्यांच्या पत्नी सौ. संजीवनी स्वामी हे दोघे या मतदारसंघात मतदान करणारे पहिले मतदार ठरले आहेत. सातारा लोकसभा मतदारसंघासाठी दि. 23 रोजी मतदान होणार आहे. परदेशातील भारतीय दुतावासात कार्यरत असणार्‍या अधिकार्‍यांना पोस्टल मतदान करण्याची सुविधा असते. त्याकरिता प्रत्येक दुतावसात एका मतदान अधिकार्‍याची नियुक्ती केलेली असते. मात्र परदेशस्थित अधिकार्‍यांना त्यासाठी आधी ऑनलाईन नोंदणी करावी लागते. त्याप्रमाणे मूळ भुईंज येथील स्वामी यांनी केनियात ती केली होती. शुक्रवार, दि. 12 रोजी त्यांना मतपत्रिका उबलब्ध करून देण्यात आल्या. त्यानुसार स्वामी दाम्पत्याने मतदान करून त्या मतपत्रिका सातारा जिल्हा निवडणूक अधिकार्‍यांकडे पाठवल्या. परदेशात खासगी उद्योग, नोकरीनिमित्त स्थायिक असलेल्या व्यक्तींना अद्याप पोस्टल मतदानाचा अधिकार नाही. मात्र, तो परदेशातील भारतीय दुतावसात कार्यरत असणार्‍यांना आहे. या अधिकार्‍यांनी स्वतःहून आपल्या मतदारसंघाचा उल्लेख करून नोंदणी करणे बंधनकारक आहे.
Tuesday, April 16, 2019 AT 09:01 PM (IST)
5कराड, दि. 7 : खंडणी, गोळीबार आणि खुनाचा प्रयत्न करून गेले वर्षभरापासून फरार असलेल्या युवराज सर्जेराव साळवी (वय 38, रा. कोपर्डे हवेली, ता.  कराड) आणि त्याचा साथीदार सूर्यकांत उर्फ बाळू आबाजी कांबिरे (वय 34, रा. कांबिरेवाडी) या दोघांना कराड पोलिसांनी गुरुवारी अटक केली. न्यायालयाने दोघांना 11 मार्चपर्यंत पोलीस कोठडीत ठेवण्याचे आदेश दिले आहेत. त्यांच्या अन्य साथीदारांचा शोध सुरू आहे.                याबाबत पोलिसांनी दिलेली माहिती अशी, उत्तर कोपर्डे गावच्या हद्दीत युवराज साळवे याने स्कार्पिओ गाडी आडवी मारून महेश गायकवाड (रा. सैदापूर) यांना दहा लाख रुपयांची खंडणी मागितली होती. ही घटना 19 मार्च 2018 रोजी घडली होती. गायकवाड यांनी खंडणी देण्यास विरोध केल्यावर युवराज साळवी, बाळू कांबिरे व इतर चौघांनी गायकवाड यांना लाथाबुक्क्यांनी मारहाण करून त्यांच्या गळ्यातील दोन सोनसाखळ्या हिसकावल्या होत्या. महेश गायकवाड हे जीवाच्या भीतीमुळे पळून जात असताना त्यांच्या दिशेने रिव्हॉल्व्हरमधून  गोळीबार करण्यात आला होता. युवराज साळवी व त्याच्या टोळीविरोधात महेश गायकवाड यांनी दि.
Friday, March 08, 2019 AT 08:45 PM (IST)
5फलटण, दि. 25 : फलटण-सातारा मार्गावर मिरगाव हद्दीत अंदाजे 40/45 वर्षे वयाच्या मोटारसायकलस्वारास अज्ञात वाहनाने रविवारी (दि. 24) रात्री धडक दिल्याने गंभीर जखमी झाल्याने उपचारासाठी रुग्णालयात आणले असता मोटारसायकलस्वाराचा मृत्यू झाल्याचे डॉक्टरांनी सांगितले. मृताची ओळख न पटल्याने मिरगावचे पोलीस पाटील दत्तात्रय भगवान सरक यांनी फलटण ग्रामीण पोलीस ठाण्यात खबर दिली आहे. अपघातातील मोटारसायकलच्या (एमएच-11-एजे-7620) आधारे मालकाचा शोध घेतला जात असल्याचे  पोलिसांनी सांगितले. अपघातात मृत झालेल्या व्यक्तीची दाढी वाढली आहे, जीन्स पँट परिधान केली आहे. या व्यक्तीबाबत काही माहिती मिळाल्यास संपर्क साधावा, असे आवाहन पोलिसांनी केले आहे. ग्रामीण पोलीस ठाण्यात अपघाताची नोंद झाली असून सहाय्यक पोलीस निरीक्षक शेख तपास करत आहेत.  
Tuesday, February 26, 2019 AT 08:51 PM (IST)
5फलटण, दि.21 : पाच कोटी रुपयांच्या खंडणीसाठी येथील प्रख्यात हृदयरोग तज्ज्ञ डॉ. संजय राऊत यांचे अपहरण केल्याच्या आरोपावरुन पोलिसांनी काल तिघांना आणि आज दोन संशयितांना ताब्यात घेतले. ओळख परेड झाल्यानंतर त्यांना न्यायालयात हजर करुन अधिक तपासासाठी पोलीस कोठडी मागण्यात येणार असल्याचे शहर पोलीस ठाण्याचे वरिष्ठ पोलीस निरीक्षक दत्तात्रय नाळे यांनी सांगितले.    डॉ. संजय राऊत यांचे अज्ञातांनी शहरातील गजबजलेल्या ठिकाणाहून मंगळवारी (दि. 19) रात्री 10 च्या सुमारास अपहरण केल्याच्या घटनेने वैद्यकीय क्षेत्रासह संपूर्ण शहरात भीतीचे वातावरण निर्माण झाले होते. मात्र, पोलिसांनी तपासाला गती देत अवघ्या सात ते आठ तासांत संशयितांना जेरबंद केले. विशाल उर्फ गोट्या महादेव ठोंबरे (रा. कांबळेश्‍वर, ता. फलटण), कुमार उर्फ बाळा वसंत नरुटे (रा. कांबळेश्‍वर, ता. बारामती) अशी आज ताब्यात घेतलेल्या संशयितांची नावे आहेत. या गुन्ह्यात आतापर्यंत एकूण पाच संशयितांना ताब्यात घेण्यात आले असून उपविभागीय पोलीस अधिकारी डॉ. अभिजित पाटील यांच्या मार्गदर्शनाखाली पुढील तपास सुरू आहे.
Friday, February 22, 2019 AT 08:45 PM (IST)
5कराड, दि.20 : नांदगाव, ता. कराड येथे ओम्नी आणि अज्ञात वाहनांच्या धडकेत एक जण जागीच ठार तर दोन जण जखमी झाल्याची घटना मंगळवारी रात्री घडली. सचिन सदाशिव गोळे (वय 32), रा.मंगळवार पेठ, सातारा असे मयत व्यक्तीचे नाव आहे. याबाबत पोलिसांकडून मिळालेली माहिती अशी, की सातारा येथील पाच जण लांजा येथून सातारकडे ओम्नी व्हॅनमधून (क्र. एम.एच. 11 एके 4764) येत होते. चांदोली-कराड मार्गावर रात्री साडेदहाच्या सुमारास नांदगाव, ता. कराड गावच्या हद्दीत अज्ञात वाहन व ओम्नी यांच्यात अपघात झाला. त्यामध्ये सचिन गोळे यांचा जागीच मृत्यू झाला तर नवनाथ जगन्नाथ कदम (वय 39), रा.समर्थ मंदिर, सातारा व चालक विश्‍वास गोविंद पाष्टे (वय 45), रा.मंगळवार पेठ, सातारा हे दोघे जखमी झाले आहेत. या प्रकरणी हवालदार काळे तपास करत आहेत.
Thursday, February 21, 2019 AT 09:06 PM (IST)
1 2 3 4
 
© Copyrights 2010 Dainik Aikya.com - All rights reserved.
of
Powered By: