Dainik Aikya - Published from Satara (Maharashtra,India) Published on,
 
Search Tag:     From Date:     To Date:     Section:    
Total Results: 35
5पाटण, दि. 20 : कोयना धरण पाणलोट क्षेत्रात पावसाचा जोर कायम असून कोयना धरणाच्या पाणीपातळीत लक्षणीय वाढ झाली आहे. धरणातील पाणीपातळी नियंत्रित करण्यासाठी मंगळवारपासून धरणाचे सहा वक्र दरवाजे उचलून धरणातून सुरू केलेला विसर्ग शुक्रवारी चौथ्या दिवशीही कायम होता. मात्र कोयना धरणातील पाणीपातळी वाढल्याने शुक्रवारी धरणातून सुरू असलेला विसर्ग आणखी  1 हजार  200 क्युसेक्सने वाढला असल्याने कोयना नदीपात्रात आता प्रतिसेकंद 17 हजार 809 क्युसेक्सने विसर्ग सुरू आहे. कोयना धरण पाणलोट क्षेत्रात गेल्या काही दिवसापासून मुसळधार पर्जन्यवृष्टी होत असल्याने कोयना धरणाच्या पाणीसाठ्यात झपाट्याने वाढ होऊन मंगळवारी पाणीसाठ्याने धरणाच्या सांडव्याची पातळी गाठली. त्यामुळे धरणातील निर्धारित पाणीपातळी नियंत्रित करण्यासाठी कोयना धरणातून मंगळवारी धरणाचे सहा वक्र दरवाजे 2 फुटांनी तर बुधवारी साडेतीन फुटांनी उचलून कोयना नदीपात्रात प्रतिसेकंद 15 हजार 181 क्युसेक्स पाण्याचा विसर्ग कोयना नदीपात्रात सुरू करण्यात येत होता. दरम्यान, शुक्रवारीही पाणलोट क्षेत्रात पावसाचा जोर कायम होता.
Saturday, July 21, 2018 AT 08:48 PM (IST)
81.94 टीएमसी पाणीसाठा 5पाटण, दि. 19 : कोयना धरण पाणलोट क्षेत्रात पावसाची संततधार सुरूच असून शिवसागर जलाशयात 39 हजार 435 क्युसेक्स प्रतिसेकंद पाण्याची आवक सुरू आहे. धरणाचे सहा दरवाजे गुरुवारी साडेतीन फुटांवर स्थिर ठेवण्यात आले होते. धरणाच्या दरवाजांमधून 14 हजार 646 तर पायथा वीजगृहातून 2 हजार 100 क्युसेक्स पाण्याचा विसर्ग कोयना नदीत सुरू आहे. सद्य स्थितीत धरणात 81.94 टीएमसी पाणीसाठा झाला आहे. कोयनानगर व नवजा येथे पावसाने गुरुवारी तीन हजार मिमीचा टप्पा पार केला. गेल्या आठवडाभर मुसळधार पाऊस पडल्याने धरणाच्या पाणीपातळीत झपाट्याने वाढ झाली होती. मंगळवारी सकाळी 8 वाजता पायथा वीजगृहातून तर दुपारी 4 वाजता सहा दरवाजांच्या सांडव्यावरून पाण्याचा विसर्ग करण्यास सुरुवात केली होती. मंगळवारी रात्रीपासून पावसाचा जोर कमी झाला तरी धरणातील पाण्याची आवक कमी झाली नसल्याने बुधवारी सकाळी दोन फुटांवर उघडलेले दरवाजे दुपारी 1.2 वाजता साडेतीन फुटांवर नेले होते. सध्या कोयना पाणलोट क्षेत्रात पावसाचा जोर काहीसा ओसरला आहे. धरणात 39 हजार 435 क्युसेक्स पाण्याची आवक होत आहे. धरणात 81.
Friday, July 20, 2018 AT 08:37 PM (IST)
5फलटण, दि. 18 : अश्‍व दौडले दौडले । विठू सावळा हसला ॥ मेळा भगव्या भक्तीचा । गोल रिंगणी नाचला ॥ या वचनाची साक्ष देत पुरंदावडे येथील शेती महामंडळाच्या जागेवर बुधवारी लाखो वारकर्‍यांनी केलेल्या गगनाला भिडणार्‍या नामघोषात, शिगेला गेलेल्या टाळ-मृदुंगाच्या गजरात झालेला अनुपम रिंगण सोहळा लक्ष लक्ष डोळ्यांनी टिपला. आकंठ भक्तिरसात न्हाऊन निघालेल्या या रिंगण सोहळ्यात माउलीऽ माउलीऽऽ जयघोषात जेव्हा माउलींचा अश्‍व बेफाम दौडला तेव्हा लाखो भक्तांचे डोळे दिपून गेले आणि नयनातून ओसंडणारा प्रेमाचा झरा टाळ्यांच्या पावसात कधी बदलला हे हातांनाही कळले नाही.      पहाटे सोहळाप्रमुख अ‍ॅड. विकास ढगे-पाटील यांच्या हस्ते माउलींची नैमित्तिक पूजा व आरती झाल्यानंतर सकाळी 6.30 वाजता माउलींसह लाखो वैष्णवभक्तांनी नातेपुते नगरीचा निरोप घेतला. सकाळची न्याहरी, दुपारचे भोजन व विश्रांतीसाठी हा सोहळा मांडवे ओढा येथे सकाळी सव्वा नऊ वाजता पोहोचला. सुमारे 3 तासाच्या विश्रांतीनंतर दुपारी 12 वाजता सोहळा पहिल्या गोल रिंगणासाठी पुरंदावडेकडे मार्गस्थ झाला. मांडवे ओढा येथे पालखी खांद्यावर घेण्यात आली.
Thursday, July 19, 2018 AT 08:45 PM (IST)
आज नीरा स्नानानंतर सातारा जिल्ह्यात प्रवेश (मोहम्मद गौस आतार) 5नीरा, दि. 12 : विश्‍वाला बंधुभावाचा संदेश देत आषाढी वारीसाठी निघालेला कैवल्यसाम्राज्य चक्रवर्ती श्री. ज्ञानराजांचा पालखी सोहळा गुरुवारी रामायणकार महर्षी वाल्मीकींची तपोभूमी असलेल्या वाल्हेनगरीत मुक्कामी विसावला. जेजुरीच्या खंडेरायाचा निरोप घेऊन पहाटे सहाच्या सुमारास पावसाची तमा न बाळगता माउलींच्या पालखी सोहळ्यासह लाखो वैष्णवांचा लवाजमा वाल्हे नगरीकडे मार्गस्थ झाला. सह्याद्रीच्या पहुडलेल्या वाटांनी प्रवास करताना भागवत धर्माची भगवी पताका खांद्यावर घेऊन पावसाच्या सरी अंगावर झेलत वारकर्‍यांची पावले झपझप पडत होती. टाळ-मृदुंगांचा गजर व हरिनामाच्या जयघोषामुळे वारकर्‍यांना दमदार वाटचाल करण्याचे बळ मिळत होते. तरसदरा खिंडीत न्याहरी उरकल्यावर पालखी सोहळा काही वेळ विश्रांतीसाठी दौंडज येथे सकाळी सव्वादहाच्या सुमारास थांबला. सरपंच रेखा जाधव, उपसरपंच नीलेश भुजबळ व ग्रामस्थांनी माउलींचे जोरदार स्वागत केले. त्यानंतर पावसाच्या जोरदार सरींचा सामना करत वारकर्‍यांच्या दिंड्या पुढे सरकू लागल्या.
Friday, July 13, 2018 AT 08:50 PM (IST)
51 टीएमसी पाणीसाठा 38 हजार क्युसेसने आवक 5पाटण, दि. 11 : कोयना धरण पाणलोट क्षेत्रात मुसळधार पर्जन्यवृष्टी सुरू असून शिवसागर जलाशयात 38 हजार 670 क्युसेस पाण्याची आवक होत आहे. धरणातील पाणीसाठा 51 टीएमसी झाला असून गेल्या 24 तासांमध्ये पाणीसाठ्यात तब्बल तीन टीएमसीने वाढ झाली आहे. तालुक्याच्या केरा भागातील दिवशी खुर्द येथे वादळी वारे व पावसामुळे माडाचे झाड उन्मळून घरावर पडल्याने 50 हजारांचे नुकसान झाले. याच गावातील एका शेतकर्‍याची गाभण म्हैस ओढ्याच्या पुरात वाहून गेली. विजेचे दोन खांब जमीनदोस्त झाल्याने गावचा वीजपुरवठा खंडित झाला आहे. दरम्यान, नवजा येथे 24 तासात 100 मिमी, महाबळेश्‍वर 65 व कोयनानगर येथे 104 मिमी पावसाची नोंद झाली. 105.25 टीएमसी क्षमतेचे कोयना धरण 48 टक्के भरले असून पाणीसाठ्याने अर्धशतक गाठले आहे. केरा भागातील दिवशी खुर्द येथील लक्ष्मण किसन कदम यांनी दोन वर्षापूर्वी बांधलेल्या सिमेंटच्या घरावर मंगळवारी रात्री जोरदार वारा व पावसामुळे माडाचे झाड उन्मळून पडले. यात कदम यांचे 50 हजार रुपयांचे नुकसान झाले. तलाठी शिर्के यांनी पंचनामा केला.
Thursday, July 12, 2018 AT 08:53 PM (IST)
1 2 3 4 5 ...
 
© Copyrights 2010 Dainik Aikya.com - All rights reserved.
of
Powered By: