Dainik Aikya - Published from Satara (Maharashtra,India) Published on,
 
Search Tag:     From Date:     To Date:     Section:    
Total Results: 22
5म्हसवड, दि. 12 : सातारा - पंढरपूर रस्त्यावर म्हसवड येथील नामदेववस्ती येथे दुचाकी व सायकल यांच्यात धडक होऊन  मयूर महेश नामदे (वय 7)  हा शाळकरी मुलगा ठार झाल्याची घटना मंगळवारी दुपारी घडली.   मंगळवारी दुपारी पाचच्या दरम्यान सातारा-पंढरपूर रस्त्यावर म्हसवड येथील नामदेववस्ती येथील मयूर महेश नामदे हा शाळकरी मुलगा सायकलवरून घरी वस्तीवर चालला असताना दुचाकीने दिलेल्या धडकेत  सायकलवरील मयूर  जाग्यावरच ठार झाला. रात्री उशिरापर्यंत गुन्हा दाखल करण्याचे काम सुरू होते. अधिक तपास  हवालदार कुंभार हे करीत आहेत.
Wednesday, November 13, 2019 AT 08:38 PM (IST)
5म्हसवड, दि. 10 ः माहेरी आलेल्या सौ. स्वप्ना रविकिरण सावंत यांचे सुमारे 74 हजार रूपये किमतीचे मंगळसूत्र (गंठण) व दोन सोन्याच्या अंगठ्या म्हसवड बसस्थानकात एस. टी.मध्ये बसत असताना गर्दीचा फायदा घेऊन अज्ञात चोरट्यानी चोरून नेल्याची फिर्याद म्हसवड पोलीस ठाण्यात दाखल करण्यात आली आहे. याबाबत पोलिसांकडून मिळालेली अधिक माहिती अशी, सौ. स्वप्ना रविकिरण सावंत, रा. कुपवाड, ता. मिरज, जि. सांगली या म्हसवडला माहेरी वडील दिनकर संभाजी बनसोडे यांच्याकडे दिवाळी सुट्टीसाठी आल्या होत्या. सासरी जाण्यासाठी फिर्यादी सौ. सावंत मुलगा तन्मय सावंत व वडील दिनकर संभाजी बनसोडे म्हसवड बसस्थानकात आले असता 12.45 वाजता अकलूज-कोल्हापूर या एस. टी.मध्ये चढत असताना त्या ठिकाणी मोठी गर्दी होती. गर्दीतून एस. टी.त चढल्यानंतर पाठीमागच्या सीटवर बसल्यावर गळ्यात अडकवलेली दोन कप्प्याची पर्स उघडून पाहिली असता पर्समधील सोन्याचे मंगळसूत्र व दोन अंगट्या नसल्याचे लक्षात येताच गाडीतून खाली उतरून चौकशी केली व शोध घेण्याचा प्रयत्न केला परंतु ते मिळून आले नाही.
Monday, November 11, 2019 AT 08:59 PM (IST)
5कराड, दि. 7 : आम्हाला विरोधी पक्षात बसण्यातच स्वारस्य आहे. भाजप सर्वात मोठा पक्ष आहे. राज्यात जनतेने महायुतीला बहुमत दिले आहे. त्यांनीच सत्ता स्थापन केली पाहिजे. शिवसेनेने पाठिंबा दिल्याशिवाय भाजप सत्ता स्थापन करू शकत नाही. भाजपने शिवसेनेवर अन्याय करू नये. शिवसेनेला अडीच वर्ष मुख्यमंत्रिपद द्यावे, असे मत राष्ट्रवादी काँग्रेसचे प्रदेशाध्यक्ष आ. जयंत पाटील यांनी व्यक्त केले. शिवसेना भाजपबरोबर सत्तेत बसताना आपल्या अटींवर कायम असून राज्यात सत्ता नेमकी कोणाची येणार    हा प्रश्‍न अजून अनुत्तरितच आहे. भाजपवर दबाव तंत्राचा वापर करत शिवसेना इतर पर्यायांचा विचार करू शकते, असे संजय राऊत वारंवार सांगत आहेत. भाजपनेही शिवसेनेला दटावत सत्ता स्थापन न झाल्यास राज्यात राष्ट्रपती राजवट लागू करू, असे अल्टिमेटम दिले, असताना या सर्व परिस्थितीवर पत्रकारांशी बोलताना राष्ट्रवादीचे प्रदेशाध्यक्ष आ. जयंत पाटील यांनी आपली प्रतिक्रिया दिली. आ. जयंत पाटील म्हणाले, आमचा कोणताही आमदार भाजपच्या गळाला लागणार नाही.
Friday, November 08, 2019 AT 08:33 PM (IST)
5वाई, दि. 24 ः जिल्ह्यात लक्षवेधी ठरलेल्या वाई विधानसभा निवडणुकीत राष्ट्रवादीचे विद्यमान आ. मकरंद पाटील यांनी विजयाची हॅट्ट्रिक केली असून त्यांनी भाजपचे उमेदवार माजी आमदार मदन भोसले यांचा 43648 एवढ्या मोठ्या मताधिक्याने दारुण पराभव केला आहे. पाटील यांना 130486 मते तर भोसले यांना 86839 एवढी मते मिळाली आहेत. अन्य आठ उमेदवारांचे डिपॉझिट जप्त झाले आहे. पाटील यांच्या विजयानंतर वाईत गुलाल उधळत, फटाक्यांची आतषबाजी करत पाटील याची जल्लोषात मिरवणूक काढण्यात आली. सातारा औद्यागिक वसाहतीत सकाळी 8 वाजता लोकसभा व विधानसभेच्या मतमोजणीस प्रारंभ झाला. प्रथम खंडाळा तालुक्याच्या मतमोजणीस सुरुवात करण्यात आली. दुपारी 11 पर्यंत 6 फेर्‍यांची अधिकृतरीत्या घोषणा करण्यात आली होती. तर दुपारी 3 पर्यंत सर्व मतमोजणी पूर्ण झाली होती. पहिल्या फेरीपासूनच मतांची घेतलेली आघाडी शेवटपर्यंत कायम राखत मकरंद पाटील यांनी विजयावर शिक्कामोर्तब केले. पाटील यांनी पहिल्याच फेरीत 1574 मतांची आघाडी घेतली.
Friday, October 25, 2019 AT 08:31 PM (IST)
जयकुमार गोरेंना मंत्री करणार 5खटाव, दि. 10  :  कृष्णा आणि कोयना नद्यांचे पावसाळ्यातील पुराचे वाहून जाणारे पाणी पश्‍चिम महाराष्ट्रातील दुष्काळी भागाला देण्याचे नियोजन करण्यात आले आहे. वर्ल्ड आणि एशियन डेव्हलपमेंट बँकेच्या आंतरराष्ट्रीय तज्ज्ञांच्या समूहाने डायव्हर्शन कॅनॉल आणि टनेलच्या माध्यमातून पाणी देण्यासाठी सर्वेक्षण हाती घेतले आहे असे प्रतिपादन मुख्यमंत्री देवेंद्र फडणवीस यांनी केले. दरम्यान, माण-खटावचे जयकुमार गोरे यांना जिल्ह्यातून सर्वाधिक मतांनी निवडून द्या, सातारा जिल्ह्याला त्यांच्या रुपाने मंत्रिपद देणार असा विश्‍वासही त्यांनी व्यक्त केला. म्हसवड येथे जयकुमार गोरे यांच्या प्रचारार्थ आयोजित महाजनादेश संकल्प सभेला संबोधित करताना ते बोलत होते. कृषी राज्यमंत्री सदाभाऊ खोत, खा. रणजितसिंह नाईक-निंबाळकर, जिल्हाध्यक्ष विक्रम पावसकर, पिंपरी प्राधिकरण अध्यक्ष सदाशिव खाडे, बाळासाहेब मासाळ,विकल्प शहा, म्हसवड, दहिवडी, वडूजचे पदाधिकारी रासप, रिपाइं, शिव-संग्राम, रयतक्रांतीचे पदाधिकारी उपस्थित होते. मुख्यमंत्री म्हणाले, सध्या सुरु असलेल्या निवडणूक रणधुमाळीत आम्हाला मजाच येत नाही.
Friday, October 11, 2019 AT 08:53 PM (IST)
1 2 3 4 5
 
© Copyrights 2010 Dainik Aikya.com - All rights reserved.
of
Powered By: