Dainik Aikya - Published from Satara (Maharashtra,India) Published on,
 
Search Tag:     From Date:     To Date:     Section:    
Total Results: 57
तोडणी मुकादमासह चालकाच्या विरोधात गुन्हा 5कोरेगाव, दि. 17 : सातारारोड येथून ऊस तोडणी वाहतुकीचा ट्रक चोरून नेल्या प्रकरणी मुकादम व हंगामी चालकाच्या विरोधात कोरेगाव पोलीस ठाण्यात गुन्हा दाखल करण्यात आला आहे. या ट्रकची किंमत साडेतीन लाख रुपये आहे. या संदर्भात ट्रक मालक मनोज जाधव यांनी फिर्याद दाखल केली आहे. याबाबत पोलीस ठाण्यातून देण्यात आलेली अधिक माहिती अशी, सातारा तालुक्यातील लिंब फाटा येथे मनोज जाधव यांचा शिवतेज ट्रान्स्पोर्ट नावाने वाहतूक व्यवसाय आहे. त्यांच्या मालकीचे पाच ट्रक आहेत. जाधव हे ऊस तोडणी व वाहतूकदार आहेत. त्यांनी उपळवे, ता. फलटण येथील स्वराज समूहाशी करार केला आहे. पंडित सूर्यभान राठोड, रा. आंधरवन-पिंपरी तांडा, जि. बीड हा गेल्या दहा वर्षांपासून मुकादम म्हणून जाधव यांच्याकडे काम करत आहे. जाधव यांच्या मालकीचा ट्रक (क्र. एम. एच. 12-एफए-9095) वर हंगामी चालक म्हणून बाळासाहेब धोंडिराम राठोड रा. नागडगाव, ता. माजलगाव, जि. बीड हा काम करत आहे. तो पंडित राठोड यांचा नातेवाईक आहे.  सातारारोड येथील राजेंद्र शिवाजीराव फाळके यांच्या शेतातील ऊस तोडून त्याच्या वाहतुकीचे काम या ट्रकवर देण्यात आले होते.
Thursday, January 18, 2018 AT 08:51 PM (IST)
5चाफळ, दि. 16 : गमेवाडी, ता. पाटण येथील उत्तरमांड धरणाजवळ नाणेगावच्या हद्दीत मित्रांसमवेत पार्टी करण्यास गेलेला एक जण पाण्याचा अंदाज न आल्याने बुडाल्याची घटना मंगळवारी दुपारी एकच्या सुमारास घडली. प्रकाश सैनराव माने (वय 55), रा. चरेगाव, ता. कराड असे बुडून मृत झालेल्या व्यक्तीचे नाव आहे. याबाबत पोलिसांनी दिलेली माहिती अशी, गमेवाडी, ता. पाटण येथील उत्तरमांड धरणावर प्रकाश माने हे गावातीलच काही मित्रांसोबत पार्टी करण्यासाठी आले होते. धरणाजवळील नाणेगाव बुद्रुक गावच्या हद्दीत पार्टी उरकल्यानंतर प्रकाश माने यांना पोहण्याचा मोह झाला व ते मित्रांसमोरच धरणाच्या पाण्यात उतरले. पण पाण्याचा अंदाज न आल्याने काही वेळातच तेे धरणाच्या तळाशी गेले. माने बुडाल्याची वार्ता सर्वत्र पसरताच चरेगावसह चाफळ विभागातील लोकांनी धरणस्थळावर धाव घेतली. सायंकाळी 5.30 च्या सुमारास कराड येथील मच्छीमारांना पाचारण करण्यात आले. मच्छीमारांनी धरणातील पाण्यात उतरत शोधाशोध करत प्रकाश माने यांचा मृतदेह बाहेर काढला. प्रकाश माने हे सह्याद्रि कारखान्यावर कामास होते. वर्षभरानंतर ते सेवानिवृत्त होणार होते.
Wednesday, January 17, 2018 AT 08:50 PM (IST)
गौणखनिज चोरी खटाव तालुक्यात खळबळ 5वडूज, दि. 15 : खटाव पंचायत समितीचा माजी सदस्य विनोद कृष्णा पंडित याला गौणखनिज चोरी प्रकरणी न्यायालयाने एक वर्ष सक्तमजुरी व 40 हजार रुपये दंडाची शिक्षा सोमवारी सुनावली. दंडापैकी 30 हजार रुपये नुकसान भरपाईपोटी फिर्यादी भगवान नारायण पवार (रा. चितळी) यांना देण्याचे आदेश वडूजचे प्रथमवर्ग न्यायदंडाधिकारी डी. एम. झाटे यांनी दिले आहेत. न्यायालयाच्या निकालामुळे खटाव तालुक्यातील राजकीय वर्तुळात खळबळ उडाली आहे. याबाबत माहिती अशी, खटाव तालुक्यातील चितळी - चिखलहोळ रस्त्याचे काम 2011 मध्ये प्रधानमंत्री ग्रामसडक योजनेतून करण्यात येत होते. या कामाचा ठेका अशोक नामदेव बोराटे यांच्याकडे होता. त्यावेळी विनोद पंडित हा खटाव पंचायत समितीचा सदस्य होता. पंडित, बोराटे व एका कामगाराने चितळी येथील शेतकरी भगवान नारायण पवार यांच्या गट नं. 881 या शेतातील शेततळ्याजवळील 700 ते 800 ट्रॉली मुरूम आणि सुमारे 100 ते 150 ट्रॉली दगड चोरून नेऊन रस्त्याच्या कामासाठी वापरले होते. त्यामुळे भगवान पवार यांचे एक लाख 50 हजार रुपयांचे नुकसान झाले होते. पवार हे चेन्नईत असताना हा प्रकार घडला होता.
Tuesday, January 16, 2018 AT 08:46 PM (IST)
5शेंद्रे, दि. 14 : गेल्या तीन महिन्यांपासून फरार असलेला घरफोड्यांच्या गुन्ह्यातील संशयित लक्ष्मण गोरख पिटेकर (रा. नामदेववाडी, झोपडपट्टी) यास सातारा तालुका पोलिसांनी कोंडवे गावच्या माळावर थरारकरित्या पाठलाग करून शिताफीने ताब्यात घेतले. त्याला न्यायालयात उभे केले असता चार दिवसांची पोलीस कोठडी मिळाली आहे. गेल्या तीन महिन्यांपासून सातारा पोलीस ठाण्याच्या हद्दीत भरदिवसा बंद घरे फोडून चोर्‍या होत होत्या. पोलीस अधीक्षक संदीप पाटील, उपविभागीय अधिकारी खंडेराव धरणे यांच्या मार्गदर्शनाखाली सातारा तालुका पोलिसांनी पोलीस निरीक्षक प्रदीपकुमार जाधव यांच्या सूचनेनुसार आरोपींच्या शोधात विविध ठिकाणी पथके रवाना झाली होती.                या घटनेतील संशयित लक्ष्मण गोरख पिटेकर हा कोंडवे गावच्या हद्दीत येणार असल्याची खबर मिळताच प्रदीपकुमार जाधव यांनी सापळा रचला होता. तीनही बाजूंनी घेरले होते. तरीही लक्ष्मण याने अंधाराचा फायदा घेवून पळून जाण्याचा प्रयत्न केला मात्र पोलिसांनी त्याला थरारकरित्या पाठलाग करून पकडले.
Monday, January 15, 2018 AT 09:10 PM (IST)
5कराड, दि. 8 : गमेवाडी, ता. कराड येथील खमताळ नावाच्या शिवारात सोमवारी सकाळी अंदाजे चार वर्षे वयाची बिबट्याची मादी मृतावस्थेत आढळली. याबाबत माहिती मिळाल्यानंतर पोलीस आणि वन विभागाचे अधिकारी, कर्मचारी तातडीने घटनास्थळी दाखल झाले. त्यांनी बिबट्याच्या मृत्यूचा पंचनामा केला. ही मादी गरोदर असल्याचेही वन विभागाच्या अधिकार्‍यांनी सांगितले. गमेवाडीतील खमताळ नावाच्याशिवारात दीपक रघुनाथ जाधव यांच्या शेतात सोमवारी सकाळी नऊच्या सुमारास शेतकरी गोविंद जाधव हे जनावरांना चारा आणण्यासाठी गेले होते. त्यावेळी उसाच्या सरीत बिबट्या मृतावस्थेत पडल्याचे दिसले. सुरुवातील ते घाबरले. त्यातून सावरत त्यांनी याबाबतची माहिती पोलीस पाटील चंद्रकांत जाधव यांना दिली. जाधव यांनी वन विभाग व पोलीस ठाण्यात माहिती दिल्यानंतर पोलीस उपनिरीक्षक अशोक भापकर, हवालदार संग्रामसिंह फडतरे, धीरज पारडे, वनरक्षक बी. ए. माने, वनपाल ए. आर. येळवे, शिबे हे तातडीने घटनास्थळी दाखल झाले. वनाधिकार्‍यांनी बिबट्याची पाहणी केल्यावर ती मादी असल्याचे आणि ती गरोदर असल्याचे लक्षात आले. डॉ.
Tuesday, January 09, 2018 AT 09:00 PM (IST)
1 2 3 4 5 ...
 
© Copyrights 2010 Dainik Aikya.com - All rights reserved.
of
Powered By: