Dainik Aikya - Published from Satara (Maharashtra,India) Published on,
 
Search Tag:     From Date:     To Date:     Section:    
Total Results: 45
5भुईंज, दि. 18 : कारने दुचाकीला ठोकरल्याने झालेल्या अपघातानंतर जखमींना उपचारासाठी घेऊन जाणार्‍या पोलीस अधिकार्‍यांच्या मुलाला मारहाण झाल्याची घटना वेळे, ता. वाई हद्दीत गुरुवारी घडली. या प्रकरणी भुईंज पोलीस ठाण्यात सहा जणांच्या विरोधात गुन्हा दाखल करण्यात आला आहे. अपघातानंतर मारहाण होऊनही जखमींना रुग्णालयात पोहोचवणार्‍या या कुटुंबाने इतरांसमोर आदर्श ठेवला आहे. हे पाटणचे उपविभागीय पोलीस अधिकारी अंगद जाधवर यांचे हे कुटुंबीय असल्याचे स्पष्ट झाले आहे. याबाबत घटनास्थळावरून व भुईंज पोलिसांकडून मिळालेली माहिती अशी, पुणे-बंगलोर राष्ट्रीय महामार्गावरून गुरुवारी दुपारी सातार्‍याहून पुण्याकडे जाणार्‍या डस्टर कारने (क्र. एमएच-16-झेड-9518) वेळे गावानजीक महामार्गाच्या सेवा रस्त्यावरून येणार्‍या दुचाकीला ठोकरले. या दुचाकीवरून तीन जण वाहतुकीचे नियम मोडून प्रवास करत होते. अपघात होताच डस्टर कारमधील लोक खाली उतरले. त्यांनी माणुसकी जपत जखमींना कारमध्ये बसवून उपचारासाठी नेण्याचा प्रयत्न केला. त्याच वेळी सहा जण घटनास्थळी आले. ही कार कोणाची, असे विचारत त्यांनी डस्टरमधील लोकांना मारहाण केली.
Friday, April 19, 2019 AT 08:40 PM (IST)
5रहिमतपूर, दि. 16 : नहरवाडी (ता.कोरेगाव) गावच्या हद्दीत दि. 16 रोजी सकाळी सहाच्या सुमारास गेट नं. 83 जवळ उमेशकुमार धुलीराम दुरिया (वय 20), रा. छटुवा, पो. छांटा, डिंडोरी मध्यप्रदेश या परप्रांतीय तरुणास रेल्वेने धडक दिल्याने त्याच्या शरीराचे तुकडे होवून त्याचा जागीच मृत्यू झाल्याची खबर सुपरवाझर साबीर साकीर मुल्ला यांनी रहिमतपूर पोलीस ठाण्यात नोंदवली आहे. याबाबत अधिक माहिती अशी, साबीर मुल्ला हे सध्या रामकृष्ण रेल्वे कॉन्ट्रॅक्टरकडे सुपरवाझर म्हणून तारगाव ते रहिमतपूर रेल्वे स्टेशन दरम्यान असलेल्या रुळाच्या देखभालीचे काम करत आहेत. त्यांच्याकडे सध्या मध्यप्रदेश या परराज्यातील एकाच गावचे 25 मजूर असून त्यांच्याकडून ते रेल्वेचे काम करुन घेत आहेत. सहाय्यक फौजदार जाधव तपास करत आहेत.
Wednesday, April 17, 2019 AT 08:55 PM (IST)
5म्हसवड, दि. 15 : मोटेवाडी, ता. माण येथील मोहन उत्तम मोटे या शेतकर्‍याने कर्जाला कंटाळून राहत्या घरी गळफास घेऊन आत्महत्या केल्याची घटना घडली आहे. घटनास्थळावरून मिळालेली माहिती अशी, वरकुटे-म्हसवड अंतर्गत मोटेवाडी येथील शेतकरी मोहन उत्तम मोटे (वय 50) या शेतकर्‍याने राहत्या घराच्या पत्र्याच्या अँगलला दोरीने गळफास घेऊन आत्महत्या केली. सदर शेतकरी हा अल्पभूधारक असून विकास सेवा सोसायटी तसेच बँकांचे कर्ज असल्याची माहिती नातेवाइकांनी दिली.  कर्जाचे हप्ते थकल्याने त्यांनी आत्महत्या केली असल्याचे बोलले जात आहे. त्यांच्या पश्‍चात दोन विवाहित मुली व एक विवाहित मुलगा आहे. घटनेची नोंद म्हसवड पोलीस ठाण्यात करण्याचे काम उशिरापर्यंत सुरू होते.
Tuesday, April 16, 2019 AT 08:49 PM (IST)
5भुईंज, दि. 9 : शिरवळ पोलीस स्टेशनचा कॉन्स्टेबल वाघिरे पाचवड उड्डाणपुलाजवळ बेशुद्धावस्थेत सापडल्याने पोलीस दलात खळबळ उडाली आहे. भुईंज पोलीस ठाण्याचे मदतकार्य वेळेत मिळाल्याने त्या कॉन्स्टेबलवर सातारा येथे खासगी हॉस्पिटलमध्ये उपचार सुरू आहेत. मात्र सोमवारी रात्री अकरा वाजता बेशुद्धावस्थेत सापडलेले कॉन्स्टेबल मंगळवारी रात्रीपर्यंत शुद्धीवर आले नव्हते.   या बाबत भुईंज पोलीस ठाण्याचे सपोनि. श्याम बुवा यांनी सांगितले, की सोमवारी रात्री अकरा वाजता आम्हाला पाचवड उड्डाण पुलानजीक खाकी रंगाची पॅन्ट घातलेला इसम बेशुद्धावस्थेत पडला असल्याची माहिती मिळाली. घटनास्थळी पोहोचल्यानंतर सदर इसम हा शिरवळ पोलीस ठाण्यात कार्यरत असलेची माहिती मिळाली. त्याला तातडीने सातारा येथे उपचारासाठी पाठवले. मात्र, तो इथे बेशुद्धावस्थेत कसा काय पडला याचा तपास सुरू आहे. शिरवळ पोलीस ठाण्याचे पोलीस निरीक्षक विनायक वेताळ यांच्याशी सम्पर्क साधला असता त्यांनी भुईंज पोलीस व आम्ही प्रयत्न करत आहोत. संबंधित कॉन्स्टेबलवर यशवंत न्यूरो सर्जन हॉस्पिटलमध्ये उपचार सुरू असून ते शुद्धीवर आल्यानंतर अधिक माहिती मिळेल.
Wednesday, April 10, 2019 AT 09:08 PM (IST)
5उंडाळे, दि. 7 : ओंडोशी, ता. कराड येथे अज्ञात रोगाने सुमारे 60 मेंढ्या मरण पावल्या असून सुमारे शंभरपेक्षा अधिक मेंढ्यांना या रोगाची लागण झाली असून या रोगाने लाखोचे नुकसान  झाले आहे. कराड दक्षिण विभागाच्या डोंगरी भागात शेळी, मेंढी पालन हा काही विभागात अनेकांचा प्रमुख व्यवसाय आहे.  ओंड  नजीक असलेल्या ओंडोशी येथे मोठ्या प्रमाणात धनगर समाज आहे. या समाजाचा मुख्य व्यवसाय शेळी-मेंढी पालन असून या डोंगराळ परिसरात ते शेळ्या-मेंढ्या पालन करुन  उदरनिर्वाह करतात. गेल्या आठ दिवसांपासून  ओंडोशी गावात अज्ञात शेतात  फिरणार्‍या मेंढ्या अचानक मृत्यू पडू लागल्या आहेत.  ही  संख्या दररोज वाढू लागली असून  दररोज एका - एका कळपातील किमान पाच ते सहा मेंढ्या या रोगाने मृत्यू पडत  आहेत. याशिवाय मेंढ्या आजारी पडण्याचे प्रमाण मोठे आहे. याबाबत पशुवैद्यकीय अधिकार्‍यांनी पाहणी करून मेंढ्यांवर उपचार केले, पण या रोगाचे निदान सापडले नाही. त्यामुळे नेमका रोग कोणता हे समजू न शकल्याने शेळ्या-मेंढ्या मरून पडण्याचे प्रमाण वाढत आहे.
Monday, April 08, 2019 AT 08:58 PM (IST)
1 2 3 4 5 ...
 
© Copyrights 2010 Dainik Aikya.com - All rights reserved.
of
Powered By: