Dainik Aikya - Published from Satara (Maharashtra,India) Published on,
 
Search Tag:     From Date:     To Date:     Section:    
Total Results: 68
पीडितेने केला नवजात बालकाचा खून 5फलटण, दि.14 : फलटण तालुक्यातील एका गावात आजोबाने आपल्या अल्पवयीन नातीवर बलात्कार केल्याची घटना घडली. त्यातून नात गर्भवती राहिली आणि तिने बाळाला जन्म दिला. पीडित युवतीने त्या बाळाचा गळा दाबून खून केला. या घटनेने खळबळ उडाली असून ग्रामीण पोलीस ठाण्यात दोन स्वतंत्र गुन्हे दाखल झाले आहेत.  याबाबत ग्रामीण पोलीस ठाण्यातून देण्यात आलेल्या माहितीनुसार, बरड परिसरातील एका 45 वर्षाच्या आजोबाने आपल्या अल्पवयीन नातीला गवत आणण्यासाठी परिसरातील दोन-तीन ठिकाणी नेऊन जानेवारी ते मार्च 2018 या कालावधीत चार वेळा बलात्कार केला. याबाबत कोणाला सांगितल्यास जिवंत ठेवणार नाही, अशी धमकी या नराधमाने दिल्याने पीडित मुलीने या घटनेची कोणाकडेही वाच्यता केली नाही. दुर्दैवाने या बलात्कारातून पीडित मुलगी गर्भवती राहिली. तिने 11 नोव्हेंबर रोजी मुलाला जन्म दिला. या प्रकरणी फलटण ग्रामीण पोलीस ठाण्यात दाखल झालेल्या फिर्यादीनुसार अल्पवयीन पीडितेवर खुनाचा तर नराधम आजोबावर बलात्काराचा गुन्हा दाखल करण्यात आला आहे. सहाय्यक पोलीस निरीक्षक बोंबले आणि पोलीस उपनिरीक्षक भोळ तपास करत आहेत.
Thursday, November 15, 2018 AT 08:45 PM (IST)
5पाटण, दि. 13 : माटेकरवाडी (कुंभारगाव) येथील विवाहितेचा सासरच्या लोकांकडून मानसिक, शारीरिक व मारहाण होत असल्याच्या कारणावरून सतत होणार्‍या त्रासाला कंटाळून पुनम संतोष माटेकर (वय 26) या विवाहितेने रविवार, दि. 11 रोजी आपल्या राहत्या घरी आत्महत्या केली. या घटनेची फिर्याद विवाहितेची आई पारूबाई पांडुरंग सावंत, रा. काळगाव (सावंतवाडी) यांनी ढेबेवाडी पोलीस ठाण्यात दाखल केली आहे. याबाबत ढेबेवाडी पोलिसांनी दिलेली माहिती अशी, माटेकरवाडी येथील विवाहिता सौ. पुनम संतोष माटेकर या विवाहितेला पती संतोष आनंदा माटेकर, सासरा आनंदा रामचंद्र माटेकर, सासू लक्ष्मी आनंदा माटेकर, दीर शंकर आनंदा माटेकर, जाऊ जयश्री शंकर माटेकर (सर्व रा. माटेकरवाडी) या सासरच्या लोकांककडून सतत मानसिक, शारीरिक तसेच  मारहाण होत असल्याच्या कारणावरून तिने रविवार दि. 11 रोजी आपल्या राहत्या घरी आत्महत्या केली. या घटनेचा तपास ढेबेवाडी पोलीस ठाण्याचे सहाय्यक पोलीस निरीक्षक उत्तमराव भजनावळे तपास करत आहेत.
Wednesday, November 14, 2018 AT 08:37 PM (IST)
5पाटण, दि. 12 : कोयना धरण परिसरात सोमवारी सकाळी 3.1 रिश्टर स्केलचे दोन भूकंपाचे धक्के जाणवले. यामध्ये कोणत्याही प्रकारची हाणी झाली नाही. कोयना धरण पूर्णपणे सुरक्षित असल्याचा निर्वाळा शासकीय सूत्रांनी दिला. सोमवारी सकाळी पहिल्यांदा 6.13 वाजता तर त्यानंतर 6.46 वाजता  भूकंपाचे धक्के बसले. या दोन्ही भूकंपांची तीव्रता 3.1 रिश्टर स्केल होती.  याचा केंद्रबिंदू वारणा खोर्‍यात जावळे गावच्या दक्षिणेला कोयना धरणापासून आठ किलोमीटर अंतरावर होता. तर खोलीही आठ कि. मी. असल्याची माहिती भूकंप मापन केंद्रावरून देण्यात आली.    हा भूकंप कोयना, पाटण, पोफळी, अलोरे तसेच वारणा खोर्‍यात काही ठिकाणी जाणवला. या भूकंपात कोणतीही हाणी झाली नसल्याचे शासकीय सूत्रांनी स्पष्ट केले आहे.
Tuesday, November 13, 2018 AT 09:05 PM (IST)
5उंबज, दि. 11 : कोर्टी, ता. कराड गावच्या हद्दीमध्ये सातारा पोलिसांनी येथील घरात सुरू अलेल्या तीन पानी जुगार अड्ड्यावर अचानक टाकलेल्या छाप्यात रोख रकमेस सुमारे 27 लाख 90 हजार रुपये किमतीचा मुद्देमाल जप्त केला. यामध्ये 1 लाख 56 हजार रुपयांची रोख रक्कम व सॅन्ट्रो कार, स्कॉर्पिओ, इन्होव्हा, महागडे मोबाईल हँडसेट, दुचाकी यांचा समावेश असून या प्रकरणी पोलिसांनी आठ जणांना ताब्यात घेतले आहे. ही कारवाई शनिवारी सायंकाळी करण्यात आली. याबाबत पोलिसांकडून मिळालेली माहिती अशी की, कोर्टी, ता. कराड येथील जुन्या गावठाणात असणार्‍या दादासाहेब गणपत थोरात यांच्या मालकीच्या जुन्या घरात अवैधरीत्या तीन पानी जुगाराचा अड्डा चालत असल्याची माहिती  सातारा मुख्यालयातील सहाय्यक पोलीस अधीक्षक समीर शेख यांना खबर्‍याकडून मिळाली. त्यानुसार त्यांनी पोलीस उपनिरीक्षक राजेंद्र यादव, पोलीस नाईक दादासाहेब बनकर, अंकुश यादव, सचिन पाटील, पोलीस कॉन्स्टेबल मनोज शिंदे यांच्या पथकाने शनिवारी सायंकाळी कोर्टी येथे जुगार अड्ड्यावर छापा टाकून जुगार अड्डा चालवणारा महेश चव्हाण वय-34, रा. कालगाव, ता. कराड याच्यासह हणमंत रामचंद्र शिंदे वय-51, रा. औंध, ता.
Monday, November 12, 2018 AT 08:52 PM (IST)
5उंब्रज, दि. 6 : उंब्रज, ता. कराड जवळ असलेल्या भुयाचीवाडी गावच्या हद्दीत  पुणे- बंगळुरू राष्ट्रीय महामार्गावर  एकाच ठिकाणी दोन वेगवेगळ्या लेनवर झालेल्या अपघातात दिवाळीसाठी घरी निघालेल्या मोटरसायकलस्वाराचा जागीच अंत झाला तर एक जण जखमी झाला. हा अपघात मंगळवारी घडला. अमित दौलतराव माने (वय 24, रा.डोंगरवाडी, ता. मिरज, जि. सांगली) असे अपघातात ठार झालेल्या युवकाचे नाव आहे तर नीलेश शिवाजी पवार (वय 24, रा. कुची, ता. कवठे महांकाळ, जि. सांगली) असे जखमी युवकाचे नाव आहे. याबाबत घटनास्थळावरून मिळालेली माहिती अशी, राष्ट्रीय महामार्गावर दुपारी अडीचच्या सुमारास भुयाचीवाडी गावच्या हद्दीत कोल्हापूरहून पुण्याच्या दिशेने निघालेला पुणे जिल्हा दूध संघ, कात्रज च्या टँकरला (क्र. एम. एच. 16 एई 7741) भुयाचीवाडी  गावच्या हद्दीत पाठीमागून भरधाव वेगात आलेल्या शिवशाही बसने (क्र. एम. एच. 47 वाय 0308) चुकीच्या बाजूने ओलांडून जाण्याच्या नादात  जोराची धडक दिली. यामध्ये टँकर चालकाचा ताबा सुटल्याने टँकर महामार्गाच्या दुभाजकावर जाऊन पलटी झाली.  या अपघातात टँकरमधील कोणीही जखमी झाले नाही.
Wednesday, November 07, 2018 AT 08:38 PM (IST)
1 2 3 4 5 ...
 
© Copyrights 2010 Dainik Aikya.com - All rights reserved.
of
Powered By: