Dainik Aikya - Published from Satara (Maharashtra,India) Published on,
 
Search Tag:     From Date:     To Date:     Section:    
Total Results: 69
5कराड, दि. 16 : चारित्र्याच्या संशयावरून पतीने पत्नीचा गळा दाबून खून  केल्याची घटना शनिवारी मध्यरात्री गोळेश्‍वर येथील बापूजी साळुंखेनगर येथे घडली. शबाना फिरोज मुल्ला (वय 30) असे खून झालेल्या विवाहितेचे नाव आहे. या प्रकरणी पती फिरोज सलीम मुल्ला (वय 33) याला पोलिसांनी कण्हेर धरण परिसरातून ताब्यात घेऊन अटक केली. याबाबत पोलिसांनी दिलेली माहिती अशी, फिरोज मुल्ला व शबाना मुल्ला हे पती-पत्नी मूळचे वडगाव येथील रहिवासी आहेत. फिरोज मुल्ला याचे वडगावमध्ये चिकन सेंटर आहे. काही महिन्यांपूर्वी पत्नी शबाना मुल्ला  हिचे अनैतिक संबंध असल्याचा संशय फिरोज मुल्ला याला आला होता. यावरून दोघांमध्ये वाद-विवाद झाले होते. त्यानंतर दोघांनीही सामंजस्यपणाची भूमिका घेत वादावर पडदा टाकला होता. पत्नीच्या सांगण्यावरून दोघेही गोळेश्‍वर येथील बापूजी साळुंखेनगरात भाड्याची खोली घेऊन राहू लागले. शनिवार, दि. 15 रोजी फिरोज व शबाना यांच्यात अनैतिक संबंधाच्या संशयावरून वाद झाला. हा वाद इतका टोकाला गेल्याने चिडून जाऊन फिरोजने पत्नी शबाना हिचा गळा आवळून खून केला व पसार झाला.
Monday, June 17, 2019 AT 08:49 PM (IST)
बसमध्ये चढताना प्रवासी महिलेचे सोळा तोळे दागिने लांबविले दहिवडी बसस्थानकातील प्रकार, चोर सीसी कॅमेर्‍यात कैद 5दहिवडी, दि. 14 : दहिवडी बसस्थानकात आज दुपारी बसमध्ये चढताना महिलेचे सुमारे सोळा तोळे सोन्याचे दागिने व रोख 2 हजार 500 असे मिळून 2 लाख 58 हजारांचा ऐवज चोरट्याने लांबवला. चोरी करणारी महिला सीसीटीव्हीमध्ये कैद झाली. तिचा शोध दहिवडी पोलीस घेत आहेत. याबाबत दहिवडी पोलीस ठाण्यातून मिळालेली माहिती अशी, मनीषा जालिंधर देशमुख, रा. विखळे, ता. खटाव, सध्या पिंपरी, ता. चिपळूण, जि. रत्नगिरी) या दोन मुले व आईसह चिपळूणला जाण्यासाठी दहिवडी बसस्थानकावर आल्या होत्या. दुपारी 1.15 च्या सुमारास अकलूज-चिपळूण या बसमध्ये त्या बसल्या. तिकीटाचे पैसे देण्याकरता पर्स काढण्यासाठी बॅगेत हात घातला असता पर्स व सुमारे सोळा तोळे सोन्याचे दागिने असणारा डबा व रोख 2 हजार 500 रुपये चोरीला गेल्याचे निदर्शनास आले. याबाबत प्रवाशांना तसेच वाहकाला सांगितल्यानंतर सदर बस दहिवडी पोलीस ठाण्यात आणण्यात आली. तेथे बसमध्ये सर्व प्रवाशांची, त्यांच्या सामानाची व रिकाम्या गाडीची झडती घेण्यात आली.
Saturday, June 15, 2019 AT 09:06 PM (IST)
स महेश रिटेचा मृत्यू संशयास्पद स शवविच्छेदन अहवालानंतर चित्र स्पष्ट होणार 5महाबळेश्‍वर, दि 14 : वेण्णा तलावात बुधवारी दुपारी बुडालेल्या महेश दादासाहेब रिटे (वय 30, रा. जामखेड, जि. अहमदनगर) याचा मृतदेह तिसर्‍या दिवशी दुपारी तलावातून बाहेर काढण्यात ट्रेकर्सच्या टीमला यश आले. दरम्यान मृतदेहाची अवस्था पाहता मृतदेहाच्या गळ्याभोवती लाल फास आवळल्याच्या खुणा, उजवा डोळा सुजल्यासह पाण्यामध्ये मृतदेह राहून सुद्धा शरीरामध्ये पाण्याचा थेंबही आढळून आला नसल्याने महेश पाण्यात बुडण्यापूर्वीच मृत झाला असल्याची शक्यता व्यक्त होत आहे. त्यामुळे महेश सोबत असलेल्या तीन मित्रांवर संशयाची टांगती तलवार आहे. अहमदनगर येथील जामखेड येथून महेश दादासाहेब रिटे (30), युवराज अर्जुन म्हेत्रे (32), अहमद इलियास शेख (36), वसिम तय्यब शेख (30) हे चार मित्र महाबळेश्‍वर येथे पर्यटनासाठी आले होते. दारूची पार्टी करून मद्यधुंद अवस्थेत ते वेण्णा लेक येथे नौकाविहारासाठी गेले होते. नौकाविहार करतानाच महेश रिटे हा  तरुण बेपत्ता झाला होता. त्याच्या सोबतच्या मित्रांनी पोहण्यासाठी महेश याने तलावामध्ये उडी मारल्याचे सांगितले होते.
Saturday, June 15, 2019 AT 08:56 PM (IST)
5पाचगणी, दि. 13 ः पाचगणी-वाई रस्त्यावरील अभिनेता आमीर खान यांच्या बंगल्यासमोरच्या झाडाची वाळकी फांदी सौ. किरण स्वप्निल माने (रा. पिंपरी चिंचवड, पुणे) या पर्यटक महिलेच्या अंगावर पडून त्यांचा जागीच मृत्यू झाला. दुपारी 1.30 च्या सुमारास ही दुर्घटना घडली. याबाबत पोलिसांकडून मिळालेली माहिती अशी, की सौ. किरण माने या पती स्वप्निल यांच्यासोबत महाबळेश्‍वर, पाचगणीत फिरायला बुधवारी (दि. 12) आल्या होत्या. त्यांच्यासोबत आणखी चार जण होते.  महाबळेश्‍वरमध्ये फिरून झाल्यानंतर त्यांनी तेथे मुक्काम केला. दुसर्‍या दिवशी फिरत हे सर्व जण पाचगणीला आले. पाचगणीहून पुण्याकडे मोटारसायकलवरून (एमएच-14-एचजे- 8858) हे दाम्पत्य निघाले असता अभिनेता आमीर खान यांच्या बंगल्यासमोर गाडीवर झाडाची वाळकी फांदी अचानक कोसळली. ही फांदी सौ. माने यांच्या अंगावर कोसळून त्या जबर जखमी झाल्या. त्यांना तातडीने हॉस्पिटलमध्ये नेण्यात आले. तेथे त्यांचा उपचारापूर्वीच मृत्यू झाला. याबाबत स्वप्निल माने यांनी पाचगणी पोलीस ठाण्यात फिर्याद दाखल केली आहे.
Friday, June 14, 2019 AT 08:31 PM (IST)
महाबळेश्‍वर ट्रेकर्स व पोलीस कर्मचार्‍यांकडून शोध सुरू 5महाबळेश्‍वर, दि.12 : महाबळेश्‍वर येथे दारूची पार्टी करून वेण्णालेक येथे नौकाविहार करत असलेल्या चार मित्रांपैकी महेश दादासाहेब रिटे (वय 30), रा. जामखेड, जि. अहमदनगर या युवकाने पोहोण्यासाठी बोटीतून वेण्णा लेकमध्ये उडी मारली. उडी मारणारा युवक दारूच्या नशेत असल्याने तो धरणाच्या पाण्यात खोल बुडाला. सायंकाळपर्यंत नगरपालिका कर्मचारी, महाबळेश्‍वर ट्रेकर्स व पोलीस कर्मचारी शोध घेत होते, परंतु तो सापडला नाही. मुसळधार पाऊस, दाट धुके व थंडीमुळे शोध मोहीम थांबविण्यात आली. दरम्यान, त्याच्या तीन मित्रांना पोलिसांनी चौकशीसाठी ताब्यात घेतले आहे. काल जामखेड येथून पर्यटनासाठी बाहेर पडलेले चार मित्र महेश दादासाहेब रिटे (वय 30), युवराज अर्जुन म्हेत्रे (वय32), अहमद इलियास शेख (वय36), वसिम तैय्यब शेख (वय30), सर्व रा. जामखेड, जि. अहमदनगर हे सातारा येथे आले. बुधवारी सकाळी सातार्‍याहून महाबळेश्‍वरला पर्यटनासाठी आले. दुपारी बाजारपेठेतील  वाईनशॅापमधून दारू घेऊन त्यांनी गाडीतच पार्टी केली.
Thursday, June 13, 2019 AT 08:43 PM (IST)
1 2 3 4 5 ...
 
© Copyrights 2010 Dainik Aikya.com - All rights reserved.
of
Powered By: