Dainik Aikya - Published from Satara (Maharashtra,India) Published on,
 
Search Tag:     From Date:     To Date:     Section:    
Total Results: 4
5नवी दिल्ली, दि. 16 (वृत्तसंस्था) : राफेल करारावरुन मोदी सरकारकडून सर्वोच्च न्यायालयाला चुकीची माहिती दिल्याचा आरोप करत काँग्रेसने पुन्हा एकदा हल्लाबोल केला आहे. सर्वोच्च न्यायालयाने राफेल प्रकरणातील आपला निर्णय मागे घ्यावा, अशी मागणी काँग्रेसने केली आहे. त्याचबरोबर न्यायालयाने मोदी सरकारला शपथेवर खोटी साक्ष देणे आणि न्यायालयाच्या अवमान प्रकरणी नोटीस देण्याची मागणी केली आहे. पंतप्रधान कुंभच्या धार्मिक यात्रेला जातानाही खोटं बोलत आहेत. त्यांनी गंगा नदीत जाऊन डुबकी घ्यावी. पंतप्रधान मोदींनी रविवारी सोनिया गांधी यांचा मतदारसंघ रायबरेली येथे राफेलवर सुरू असलेल्या वादावरुन काँग्रेसवर टीका केली होती. त्यांनी राहुल गांधी हे खोटे बोलत असल्याचा आरोप करत जे लोक देशाला कमकुवत करण्याचा प्रयत्न करत आहेत. त्यांच्यामागे काँग्रेस उभी राहत असल्याचे म्हटले होते. त्यानंतर काँग्रेसने पत्रकार परिषद घेऊन मोदींना चोख प्रत्युत्तर दिले. काँग्रेसचे ज्येष्ठ नेते आनंद शर्मा म्हणाले, राफेल विमानांच्या किमतीवरुन कॅगचा अहवाल संसदेच्या लोकलेखा समितीसमोर सादर केल्याचे सांगून सरकारने विशेषाधिकाराचा अवमान केला आहे.
Monday, December 17, 2018 AT 09:10 PM (IST)
5नवी दिल्ली, दि. 16 (वृत्तसंस्था) : महाराष्ट्रातील एक लाखांहून अधिक अंगणवाड्यांमध्ये कमीत कमी 8 लाख बनावट लाभार्थी असल्याची माहिती केंद्रीय महिला आणि बालकल्याण मंत्रालयाच्या एका वरिष्ठ अधिकार्‍याने दिली. महाराष्ट्रातील अंगणवाड्यांमध्ये असलेल्या 61 लाख लाभार्थ्यांपैकी 8 लाख लाभार्थी बनावट असल्याचे त्या अधिकार्‍याने सांगितले. लाभार्थी आधारशी जोडले गेल्याने बनावट लाभार्थ्यांचा पर्दाफाश झाला आहे. प्रत्येक मुलासाठी केंद्र सरकार दिवसाला 4.8 रुपये आणि राज्य सरकार 3.2 रुपये अनुदान देते. यामुळे देशातील नोंदणीकृत अंगणवाड्यांमधील बनावट लाभार्थ्यांची ओळख करून त्यांना हटवण्याचे काम सुरू असल्याची माहिती अधिकार्‍याने दिली.   आसाममध्येही सरकारने केलेल्या तपासणीत 14 लाख लाभार्थी बनावट आढळले होते. यानंतर लाभार्थ्यांची सत्यता तपासणीची मोहीम मंत्रालयाने हाती घेतली आहे. या तपासणीत आतापर्यंत उत्तर प्रदेशात 14 लाख बनावट लाभार्थी आढळले आहेत. मुलांच्या खाद्य पुरवठ्यात अनेक त्रुटीही असल्याचे महिला आणि बालकल्याणमंत्री मनेका गांधी यांनी मान्य केले आहे.
Monday, December 17, 2018 AT 09:07 PM (IST)
सोनिया गांधींची मोजकी प्रतिक्रिया 5नवी दिल्ली, दि. 12 (वृत्तसंस्था) : मध्य प्रदेश, राजस्थान आणि छत्तीसगडमध्ये काँग्रेसने विजयी पताका फडकावल्याने पक्षाच्या ज्येष्ठ नेत्या आणि संयुक्त पुरोगामी आघाडीच्या अध्यक्ष सोनिया गांधी यांनी आनंद व्यक्त केला आहे. भाजपच्या नकारात्मक राजकारणावर काँग्रेसने मिळवलेला हा विजय आहे, अशा मोजक्या शब्दांमध्ये त्यांनी आपली प्रतिक्रिया दिली. भाजपला मध्य प्रदेश, राजस्थान आणि छत्तीसगडमधील सत्ता गमवावी लागली. काँग्रेसने छत्तीसगडमध्ये दणदणीत विजय मिळवला तर मध्य प्रदेशमध्ये चुरशीच्या लढतीत भाजपवर मात केली. राजस्थानमध्ये काँग्रेसने सर्वाधिक 99 जागा जिंकल्या असल्या तरी तेथे त्यांना बहुमतासाठी दोन जागा कमी पडल्या. छत्तीसगडमध्ये मात्र काँग्रेसने तब्बल 68 जागांवर विजय मिळवला. या विजयाबद्दल सोनिया गांधींनी आनंद व्यक्त केला आहे. भाजपच्या नकारात्मक राजकारणावर काँग्रेसने विजय मिळवला आहे, एवढीच प्रतिक्रिया त्यांनी दिली.
Thursday, December 13, 2018 AT 08:53 PM (IST)
सर्वोच्च न्यायालय करणार पडताळणी केंद्राला नोटीस 5नवी दिल्ली, दि. 7 (वृत्तसंस्था) : अनुसूचित जाती-जमाती अत्याचार प्रतिबंधक (अ‍ॅट्रॉसिटी) कायद्यात संसदेने संमत केलेल्या सुधारणांना विरोध करणार्‍या याचिकांवर सुनावणी करताना या सुधारणांना स्थगिती देण्यास सर्वोच्च न्यायालयाने शुक्रवारी नकार दिला. या प्रकरणी न्यायालयाने केंद्र सरकारला नोटीस बजावली असून सहा आठवड्यात म्हणणे सादर करण्याचे निर्देश दिले आहेत. अ‍ॅट्रॉसिटी कायद्यातील काही तरतुदींसंदर्भात सर्वोच्च न्यायालयाने 20 मार्च रोजी निर्णय दिला होता. या कायद्याचा मोठ्या प्रमाणात दुरुपयोग होत असल्याचे निरीक्षण नोंदवताना, या कायद्यातील कलमांन्वये दाखल झालेल्या तक्रारींमध्ये प्राथमिक चौकशीविना कारवाई करण्यास किंवा तत्काळ अटक करण्यास सर्वोच्च न्यायालयाने मनाई केली होती. सरकारी नोकरांविरुद्ध या कायद्यान्वये दाखल झालेल्या तक्रारींमध्ये कारवाई करण्यापूर्वी संबंधित विभागाच्या सक्षम अधिकार्‍याकडून परवानगी घेणे न्यायालयाने बंधनकारक केले होते. या निकालाचे देशभरात तीव्र पडसाद उमटले होते. या विरोधात दलित संघटनांनी देशभरात हिंसक आंदोलनेही केली होती.
Saturday, September 08, 2018 AT 09:07 PM (IST)
 
© Copyrights 2010 Dainik Aikya.com - All rights reserved.
of
Powered By: