Dainik Aikya - Published from Satara (Maharashtra,India) Published on,
 
Search Tag:     From Date:     To Date:     Section:    
Total Results: 16
सुबोध जयस्वाल, वाय. सी. मोदींचे नाव आघाडीवर 5नवी दिल्ली, दि. 16 (वृत्तसंस्था) : आलोक वर्मा यांच्या हकालपट्टीनंतर रिक्त झालेल्या सीबीआय संचालकपदी नव्या अधिकार्‍याची निवड करण्यासाठी पंतप्रधान नरेंद्र मोदींच्या अध्यक्षतेखालील उच्चाधिकार निवड समितीची बैठक 24 जानेवारी रोजी होणार आहे. या समितीत भारताचे सरन्यायाधीश रंजन गोगोई व लोकसभेतील काँग्रेसचे नेते मल्लिकार्जुन खरगे यांचा समावेश आहे. या पदासाठी केंद्रीय गृह मंत्रालयाने 17 अतिवरिष्ठ आयपीएस अधिकार्‍यांची यादी तयार केली असून त्यात मुंबईचे पोलीस आयुक्त सुबोधकुमार जयस्वाल व एनआयएचे महासंचालक वाय. सी. मोदी यांची नावे आघाडीवर आहेत. केंद्रीय दक्षता आयोगाच्या अहवालानंतर भ्रष्टाचाराच्या आरोपांवरून सीबीआयचे संचालक आलोक वर्मा यांची हकालपट्टी करण्याचा निर्णय पंतप्रधान नरेंद्र मोदींच्या अध्यक्षतेखालील उच्चाधिकार निवड समितीने 2 विरुद्ध 1 अशा बहुमताने घेतला होता. या समितीत न्या. गोगोई यांनी आपले प्रतिनिधी म्हणून न्या. ए. के. सिक्री यांची नियुक्ती केली होती. त्यावेळी खरगे यांनी वर्मा यांची हकालपट्टी करू नये, असे लेखी मत नोंदवले होते.
Thursday, January 17, 2019 AT 09:10 PM (IST)
स्वयंसेवी संस्थेची सर्वोच्च न्यायालयात याचिका 5नवी दिल्ली, दि. 10 (वृत्तसंस्था) : खुल्या प्रवर्गातील आर्थिकदृष्ट्या मागासांना शिक्षण व सरकारी नोकर्‍यांमध्ये दहा टक्के देण्यासाठी केंद्र सरकारने संसदेत मांडलेल्या 124 व्या घटनादुरुस्ती विधेयकाला ‘यूथ फॉर इक्वॅलिटी’ या स्वयंसेवी संस्थेने आणि कौशलकांत मिश्रा यांनी सर्वोच्च न्यायालयात आव्हान दिले आहे. या प्रकरणी याचिका दाखल करण्यात आली आहे. केवळ आर्थिक निकषांच्या आधारे आरक्षण देणे घटनाबाह्य असून घटनेतील तरतुदींनुसार आरक्षणाची 50 टक्क्यांची कमाल मर्यादा ओलांडता येणार नाही, असा दावा याचिकेत करण्यात आला आहे. खुल्या प्रवर्गातील आर्थिकदृष्ट्या दुर्बलांना शिक्षण (सरकारी व खाजगी) आणि सरकारी नोकर्‍यांमध्ये दहा टक्के आरक्षण देण्याचा केंद्र सरकारने घेतला आहे. यासाठी 124 वे घटनादुरुस्ती विधेयक संसदेच्या हिवाळी अधिवेशनात मांडण्यात आले. हे विधेयक मंगळवारी लोकसभेत व बुधवारी राज्यसभेत मंजूर करण्यात आले. आता राष्ट्रपतींची स्वाक्षरी होताच हे आरक्षण लागू होणार आहे. हे विधेयक मंजूर झाल्याने मोदी सरकारने सुटकेचा नि:श्‍वास सोडला असतानाच या विधेयकाला आव्हान देण्यात आले आहे.
Friday, January 11, 2019 AT 08:52 PM (IST)
5काबूल, दि. 6 (वृत्तसंस्था) : अफगाणिस्तानातील कोहिस्तान जिल्ह्यात रविवारी सोन्याची एक खाण खचून 30 जण ठार झाले तर 15 जण जखमी झाले. बडाखशान प्रांतातील कोहिस्तान जिल्ह्यात ही सोन्याची खाण आहे. प्रांताच्या गव्हर्नरांचे प्रवक्ता मोहम्मद नजारी यांनी माहिती दिली, की सकाळी 11 च्या सुमारास ही घटना घडली. कामगार काम करत असताना हा अपघात घडल्याने मृतांची संख्या वाढली. जे जखमी आहेत त्यापैकी अनेकांची प्रकृती गंभीर आहे. अनेक खाणी अवैध पद्धतीने सुरू असतात. खाणमालक नियमबाह्य पद्धतीने सोने आणि कोळशाच्या खाणींमध्ये काम करतात आणि निर्दोष कामगारांचे जीव जातात. बचावकार्यासाठी खाणीचं मॅपिंग आवश्यक असते, पण खाणच अवैध असल्याने मालकांकडे कोणतेही मॅपिंग नसते.
Monday, January 07, 2019 AT 08:47 PM (IST)
5नवी दिल्ली, दि. 19 (वृत्तसंस्था) : 2019 च्या लोकसभा निवडणुकांपूर्वी भाजपविरोधात महाआघाडी उभी करण्याच्या प्रयत्नांना खिळ बसण्याची चिन्हे आहेत. कारण उत्तर प्रदेशात काँग्रेसला डावलून मायावतींचा बहुजन समाज पक्ष आणि अखिलेश यादव यांचा समाजवादी पक्ष एकत्र येणार असल्याची माहिती सूत्रांनी दिली. सप-बसप यांची जागा वाटपाबाबत बोलणीही पार पडल्याची माहिती आहे. अजित सिंग यांच्या राष्ट्रीय लोकशाही दलालाही महाआघाडीत सोबत घेण्यात येणार आहे. लोकसभा निवडणुकीत बसप 38, समाजवादी पक्ष 37 तर रालोद तीन अशा 78 जागांवर निवडणूक लढवणार आहे. काँग्रेसचा सहभाग नसला तरी रायबरेली आणि अमेठीतून महाआघाडी उमेदवार देणार नसल्याची माहिती आहे. उत्तर प्रदेशात लोकसभेच्या 80 जागा आहेत. रायबरेली हा गांधी घराण्याचा बालेकिल्ला मानला जातो. काँग्रेसच्या माजी अध्यक्षा सोनिया गांधी यांनी रायबरेली मतदारसंघातून सलग चौथ्यांदा खासदारकी मिळवली आहे तर अमेठीतून काँग्रेस अध्यक्ष राहुल गांधी सलग तीन वेळा खासदारपदी निवडून आले आहेत. महाआघाडीत हे दोन मतदारसंघ वगळता सर्व जागांवर उमेदवार दिले जाणार आहेत.
Thursday, December 20, 2018 AT 09:14 PM (IST)
5नवी दिल्ली, दि. 18 (वृत्तसंस्था) : शीखविरोधी दंगलीप्रकरणी दिल्ली उच्च न्यायालयाने जन्मठेपेची शिक्षा ठोठावल्यानंतर काँग्रेस नेते सज्जन कुमार यांनी काँग्रेसला सोडचिठ्ठी दिली आहे. काँग्रेस अध्यक्ष राहुल गांधी यांना पत्र लिहून सज्जन कुमार यांनी काँग्रेस सदस्यत्वाचा राजीनामा दिला आहे. सज्जन कुमार यांनी मंगळवारी राहुल गांधी यांना पत्र लिहिले असून त्यात दिल्ली उच्च न्यायालयाने जन्मठेपेची शिक्षा सुनावल्याने पक्ष सदस्यत्वाचा राजीनामा देत असल्याचे म्हटले आहे. शीखविरोधी दंगली प्रकरणी कनिष्ठ न्यायालयाने 30 एप्रिल 2013 रोजी सज्जन कुमार यांची निर्दोष मुक्तता केली होती. कनिष्ठ न्यायालयाच्या या निर्णयाला सीबीआयने दिल्ली उच्च न्यायालयात आव्हान दिले होते. त्यावर सोमवारी निर्णय देताना दिल्ली उच्च न्यायालयाने सज्जन कुमार यांच्यासह आणखी तिघांना जन्मठेपेची शिक्षा सुनावली. तर या दंगलीतील दोन दोषींना प्रत्येकी दहा वर्षांची शिक्षा ठोठावली होती. येत्या 31 डिसेंबरपूर्वीच सज्जन कुमार यांना शरणागती पत्करावी लागणार असल्याने त्यापूर्वीच त्यांनी काँग्रेसला सोडचिठ्ठी दिली आहे.
Wednesday, December 19, 2018 AT 09:00 PM (IST)
1 2 3 4
 
© Copyrights 2010 Dainik Aikya.com - All rights reserved.
of
Powered By: