Dainik Aikya - Published from Satara (Maharashtra,India) Published on,
 
Search Tag:     From Date:     To Date:     Section:    
Total Results: 42
अमेरिकेचा पाकला सज्जड दम 5नवी दिल्ली, दि. 19 (वृत्तसंस्था) : संयुक्त राष्ट्रे सुरक्षा परिषदेच्या ‘अल-कायदा’ विषयक समितीने दहशतवादी म्हणून घोषित केलेला मुंबईवरील 26-11 च्या दहशतवादी हल्ल्याचा सूत्रधार आणि ‘लष्कर-ए-तोयबा’चा म्होरक्या हाफिज सईद याच्यावर पाकिस्तानमध्ये खटला चालवलाच गेला पाहिजे, असा सज्जड दम अमेरिकेने दिला आहे. हाफिज हाच मुंबई हल्ल्याचा सूत्रधार असून त्याला न्यायालयापुढे आणलेच पाहिजे, असे अमेरिकेने सांगितले आहे. हाफिज सईद याच्याविरुद्ध पाकमध्ये  कोणताही गुन्हा नसल्याचे पाकचे पंतप्रधान शाहीद खाकन अब्बासी यांनी नुकतेच म्हटले होते. मात्र, त्यावरून अमेरिकेने पाकिस्तानला फटकारले आहे. अमेरिकेच्या गृह मंत्रालयाच्या प्रवक्त्या हीथर नॉर्ट यांनी आज पाकिस्तानला फैलावर घेतले. हाफिज सईदकडे आम्ही दहशतवादी म्हणूनच पाहतो. तो 2008 मध्ये मुंबईत झालेल्या दहशतवादी हल्ल्याचा सूत्रधार आहे. या हल्ल्यात अनेक अमेरिकन नागरिकही मारले गेले होते. त्यामुळे पाकिस्तानने हाफिजविरुद्ध खटला चालवलाच पाहिजे, असे नॉर्ट यांनी बजावले.
Saturday, January 20, 2018 AT 08:39 PM (IST)
चीनचा उत्तर भागही आता मार्‍याच्या टप्प्यात 5भुवनेश्‍वर, दि. 18 (वृत्तसंस्था) : भारताच्या संरक्षण संशोधन व विकास संस्थेने (डीआरडीओ) विकसित केलेल्या ‘अग्नी-5’ या अण्वस्त्रवाहू आंतरखंडीय क्षेपणास्त्राची ओडिशाच्या किनारपट्टीजवळ असलेल्या अबुल कलाम बेटावरून गुरुवारी यशस्वी चाचणी करण्यात आली. त्यामुळे आता चीनचा उत्तर भागही भारताच्या मार्‍याच्या टप्प्यात आला आहे. ओडिशाच्या समुद्रातील बेटावरून आज सकाळी दहा वाजण्याच्या सुमारास ‘अग्नी-5’ या अण्वस्त्रवाहू आंतरखंडीय क्षेपणास्त्राची चाचणी करण्यात आली. चीनचा उत्तर भागासह संपूर्ण पाकिस्तान या क्षेपणास्त्राच्या टप्प्यात आला असून भारताची प्रतिहल्ल्याची क्षमता वाढली आहे. पूर्णपणे भारतात विकसित करण्यात आलेल्या या क्षेपणास्त्राची उंची 17 मीटर असून व्यास 2 मीटर आहे तर वजन 50 टन आहे. पाकिस्तान आणि चीनकडून असणारा धोका लक्षात घेऊन अग्नी मालिकेतील हे क्षेपणास्त्र विकसित करण्यात आले आहे. दीड टनांपर्यंतचे अण्वस्त्रे वाहून नेण्याची ‘अग्नी-5’ची क्षमता आहे. या क्षेपणास्त्राची मारक क्षमता पाच हजार किमीची आहे.
Friday, January 19, 2018 AT 08:32 PM (IST)
5नवी दिल्ली, दि. 15 (वृत्तसंस्था) : गेल्या वर्षी 12 डिसेंबरपासून सातत्याने वाढत असलेल्या पेट्रोल आणि डिझेलच्या दरांनी सोमवारी उच्चांक गाठला. दिल्लीत आज डिझेलचा दर प्रतिलिटर 61.74 रुपयांवर पोहोचला होता तर पेट्रोलने 71 रुपयांचा टप्पा ओलांडला होता. दिल्लीत पेट्रोलचा दर 71.18 रुपये प्रतिलिटर झाला होता. तेल कंपन्यांच्या दरतक्त्यानुसार पेट्रोल आणि डिझेलचे दर ऑगस्ट 2014 नंतर प्रथमच इतक्या उच्चांकी पातळीवर पोहोचले आहेत. दिल्लीच्या तुलनेत मुंबईत पेट्रोल आणि डिझेल महाग मिळते. मुंबईत डिझेलचा दर 65.74 रुपयांवर पोहोचला होता. महाराष्ट्रात स्थानिक कर आणि ‘व्हॅट’ तुलनेने अधिक असल्याने पेट्रोल व डिझेलचे दर अन्य राज्यांच्या तुलनेत जास्त आहेत. पेट्रोल आणि डिझेलचे दर 12 डिसेंबर 2017 पासून सातत्याने वाढत आहेत. 12 डिसेंबरला दिल्लीत डिझेलचा दर 58.34 रुपये होता. गेल्या महिन्याभरात डिझेलच्या दरात 3.40 रुपयांची तर पेट्रोलच्या दरात 2.09 रुपयांची वाढ झाली आहे. आंतरराष्ट्रीय बाजारात कच्च्या तेलांच्या किमती डिसेंबर 2014 पासून वाढल्या आहेत. गेल्या आठवड्यात ब्रेंट क्रूडचे दर 70.05 डॉलर्स प्रतिबॅरल तर डब्ल्यूटीआय क्रूडचे दर 59.
Tuesday, January 16, 2018 AT 08:47 PM (IST)
संसदेत विधेयक मंजूर होण्याची शक्यता 5नवी दिल्ली, दि. 14 (वृत्तसंस्था) : ग्रॅच्युईटी संदर्भातील कायद्यात दुरुस्ती सुचवणारे विधेयक केंद्र सरकारने संसदेच्या हिवाळी अधिवेशनात सादर केले असून हे विधेयक येत्या अर्थसंकल्पीय अधिवेशनात संमत होण्याची शक्यता आहे. हे विधेयक मंजूर झाल्यास संघटित क्षेत्रातील कामगारांची 20 लाख रुपयांपर्यंतची गॅ्रच्युईटी (उपदान) करमुक्त होण्याची शक्यता असून त्यातून कामगार वर्गाला मोठा दिलासा मिळेल. सद्य स्थितीत पाच किंवा त्याहून अधिक काळ सेवा झालेल्या कामगाराने नोकरी सोडल्यानंतर अथवा सेवानिवृत्तीनंतर दहा लाख रुपयांपर्यंतची गॅ्रच्युईटी करमुक्त आहे. त्यामध्ये बदल करण्यासाठी केंद्र सरकारने ‘पेमेंट ऑफ ग्रॅच्युईटी (अमेंडमेंट) विधेयक 2017’ हिवाळी अधिवेशनामध्ये गेल्या महिन्यात लोकसभेत मांडले होते. या विधेयकातील तरतुदीनुसार संघटित क्षेत्रातील कामगारांना केंद्र सरकारी नोकरांप्रमाणे 20 लाख रुपयांपर्यंतची ग्रॅच्युईटी करमुक्त होणार आहे. हे विधेयक येत्या अर्थसंकल्पीय अधिवेनशात संमत होण्याची शक्यता आहे. तसे झाल्यास संघटित क्षेत्रातील कामगार वर्गाला मोठा दिलासा मिळणार आहे.
Monday, January 15, 2018 AT 08:59 PM (IST)
नवी दिल्ली, दि. 11 (वृत्तसंस्था) : सर्वोच्च न्यायाल-याच्या न्यायाधीशवृंदाने (कॉलेजि-अम) उत्तराखंड उच्च न्यायालयाचे मुख्य न्यायाधीश के. एम. जोसेफ आणि सर्वोच्च न्यायालयातील ज्येष्ठ विधिज्ञ इंदू मलहोत्रा यांची सर्वोच्च न्यायालयात न्यायाधीश म्हणून नियुक्ती करण्यासाठी केंद्र सरकारकडे शिफारस केली आहे. या प्रस्तावाला केंद्र सरकारने मंजुरी दिल्यास इंदू मलहोत्रा या सर्वोच्च न्यायालयाच्या थेट न्यायाधीशपदी नियुक्ती करण्यात आलेल्या देशातील पहिल्या महिला वकील ठरतील. न्यायाधीशवृंदामध्ये सर-न्यायाधीश दीपक मिश्रा यांच्यासह तीन ज्येष्ठ न्यायाधीशांचा समावेश आहे. या न्यायाधीशवृंदाने दोन नावांवर शिक्कामोर्तब केले आहे. विशेष म्हणजे न्या. एम. जोसेफ यांनी उच्च न्यायालयात असताना 21 एप्रिल 2016 रोजी उत्तराखंडमध्ये हरीश रावत यांचे सरकार हटवून राष्ट्रपती राजवट लागू करण्याचा केंद्राचा निर्णय रद्दबातल ठरवला होता. त्यामुळे त्यांच्या नियुक्तीला केंद्र सरकारकडून विरोध होण्याची शक्यता नाकारता येत नाही. मात्र, इंदू मलहोत्रा यांच्या नावाला मंजुरी मिळाली तर सर्वोच्च न्यायालयात न्या. आर.
Friday, January 12, 2018 AT 08:55 PM (IST)
1 2 3 4 5 ...
 
© Copyrights 2010 Dainik Aikya.com - All rights reserved.
of
Powered By: