Dainik Aikya - Published from Satara (Maharashtra,India) Published on,
 
Search Tag:     From Date:     To Date:     Section:    
Total Results: 67
‘एनएसजी’मधील प्रवेशाची दावेदारी बळकट 5नवी दिल्ली, दि. 19 (वृत्तसंस्था) : आण्विक सामग्रीच्या निर्यातीवर निरीक्षण आणि नियंत्रण ठेवणार्‍या एमटीसीआर आणि वासेनार या दोन गटांमध्ये प्रवेश मिळाल्यानंतर भारताचा आता ‘ऑस्ट्रेलिया ग्रुप’ (एजी) या गटातही समावेश झाला आहे. त्यामुळे भारताच्या ‘अणुपुरवठादार गटा’तील (एनएसजी) प्रवेशासाठी बळ मिळणार आहे. ऑस्ट्रेलिया गटातील प्रवेशामुळे आता भारताचा अण्वस्त्र प्रसारबंदीतील चारपैकी तीन गटांमध्ये समावेश झाला आहे. या आधी भारताला मिसाईल टेक्नॉलॉजी कंट्रोल रेजिमचे (एमटीसीआर) सदस्यपद 2016 मध्ये तर वासेनार अ‍ॅरेंजमेंट या गटाचे सदस्यत्व गेल्या वर्षी मिळाले होते. आता भारताला ऑस्ट्रेलिया गटातही प्रवेश मिळाला असून या गटाचा भारत हा 43 वा सदस्य बनला आहे. संरक्षण क्षेत्रातील निर्यात सामग्री, उपकरणे व तंत्रज्ञानाचा उपयोग संबंधित      देशांकडून अथवा दहशतवादी संघटनांकडून रासायनिक अथवा जैविक शस्त्रे तयार करण्यासाठी होणार नाही, यावर नियंत्रण ठेवण्यासाठी ऑस्ट्रेलिया गट कार्यरत आहे.
Saturday, January 20, 2018 AT 08:38 PM (IST)
5जम्मू, दि. 18 (वृत्तसंस्था) : नियंत्रण रेषेपाठोपाठ आंतरराष्ट्रीय सीमेवरही शस्त्रसंधीचे उल्लंघन करणार्‍या पाकिस्तानी रेंजर्सना भारताच्या सीमा सुरक्षा दलाच्या जवानांनी बुधवारी रात्री आणि गुरुवारी सकाळी जबरदस्त दणका दिला. भारतीय जवानांनी पाकिस्तानला सडेतोड उत्तर देताना तीन रेेंजर्सना कंठस्नान घातले. पाकिस्तानी रेंजर्सच्या सीमेवरील चार चौक्याही सीमा सुरक्षा दलाच्या जवानांनी उद्ध्वस्त केल्या. पाकिस्तानी रेंजर्सनी बुधवारी रात्री केलेल्या गोळीबारात सीमा सुरक्षा दलाचा एक जवान शहीद झाला. त्याचा बदला भारतीय जवानांनी घेतला. पाकिस्तानी रेंजर्सनी आंतरराष्ट्रीय सीमेवर आर. एस. पुरा आणि अर्निया सेक्टरमध्ये शस्त्रसंधीचे उल्लंघन करून बुधवारी रात्री गोळीबार केला. त्यामध्ये सीमा सुरक्षा दलाच्या चौक्यांना आणि नागरी वस्त्यांना लक्ष्य करण्यात आले. पाकच्या गोळीबाराला सीमा सुरक्षा दलाच्या जवानांनीही चोख प्रत्युत्तर दिले. पाक रेंजर्सच्या गोळीबारात सीमा सुरक्षा दलाचा एक जवान बुधवारी रात्री शहीद झाला. पाकच्या गोळीबारात एका छोट्या मुलीचाही मृत्यू झाला. बुधवारी रात्रीपासून सीमा सुरक्षा दल आणि पाक रेंजर्स यांच्यात चकमक सुरू झाली.
Friday, January 19, 2018 AT 08:28 PM (IST)
‘डीजीएमओ’ पातळीवर चर्चा करण्याचा विचार 5इस्लामाबाद, दि. 16 (वृत्तसंस्था) :जम्मू-काश्मीरमध्ये नियंत्रण रेषा व आंतरराष्ट्रीय सीमेवर सातत्याने गोळीबार करणार्‍या पाकिस्तानी सैन्याला भारतीय लष्कराने सोमवारी धडा शिकवल्यानंतर पाकिस्तानी लष्कर घायाळ झाले आहे. भारतीय लष्कराच्या मार्‍यात काल पाकचे सात सैनिक ठार आणि चार सैनिक जखमी झाल्यानंतर आता पाकिस्तानने गुडघे टेकले असून लष्करी कारवाई विषयक महासंचालक पातळीवर भारताशी चर्चा करण्याचा विचार पाकिस्तानी लष्कर करत आहे. नियंत्रण रेषेवर शस्त्रसंधीचे उल्लंघन करून सातत्याने गोळीबार करणार्‍या पाकिस्तानी लष्कराला भारतीय लष्कराने गेल्या वर्षभरात जबर तडाखा दिला होता.  गेल्या वर्षात भारतीय जवानांनी पाकच्या तब्बल 138 जवानांना कंठस्नान घातले होते. त्याचबरोबर नववर्षाच्या सुरुवातीलाच भारतीय लष्कराने पाकिस्तानला आणखी मोठा दणका दिला होता. 4 जानेवारी रोजी सीमा सुरक्षा दलाने पाकिस्तानी रेंजर्सच्या 12 सैनिकांचा खात्मा केला होता. त्यानंतर सोमवारी भारतीय लष्कराने नियंत्रण रेषेवर जबरदस्त गोळीबार आणि तोफांचा भडिमार करत पाकिस्तानी लष्कराच्या मेजरसह सात सैनिकांना ठार मारले होते.
Wednesday, January 17, 2018 AT 08:41 PM (IST)
1 जुलैपासून नवीन संकल्पना राबवणार 5नवी दिल्ली, दि. 15 (वृत्तसंस्था) :‘आधार’ची माहिती अतिशय सुरक्षित ठेवण्यासाठी ‘युनिक आयडेंटिफिकेशन ऑथॉरिटी ऑफ इंडिया’ने (यूआयएडीआय) ‘आभासी ओळख’ (व्हर्चुअल आयडी) ही संकल्पना आणल्यानंतर आता ‘आधार’ प्रमाणीकरणासाठी आधारकार्डधारकाच्या  चेहर्‍याचा उपयोग करण्याची सुविधा देण्याचे ठरविले आहे. अनेकांना प्रमाणीकरणासाठी डोळ्यांची बुब्बुळे आणि बोटांचे ठसे या पद्धतीमध्ये अनेक अडचणी येत असल्याने हे नवे फिचर सुरू करण्यात येणार आहे. ही संकल्पना 1 जुलैपासून राबविण्यात येणार आहे. आधारकार्ड ही प्रत्येक नागरिकाची अतिशय महत्त्वाची ओळख बनली आहे. नागरिकांचे आर्थिक व्यवहार, सरकारी सेवा आणि इतर गोष्टी मोदी सरकारने आधारक्रमांकाशी संलग्न केल्या आहेत. कोणताही व्यवहार करण्यासाठी नागरिकाकडे आधारकार्ड असणे आवश्यक आहे. आधारकार्डधारकाची ओळख पटवण्यासाठी सध्या नाव, राहण्याचा पत्ता, डोळ्यांच्या बुब्बुळांचे स्कॅनिंग, बोटांचे ठसे यांचा उपयोग केला जातो. आता आधार प्रमाणीकरणासाठी ‘चेहरा’ ही नागरिकाची ओळख बनणार आहे. ही सुविधा 1 जुलैपासून सुरू करण्यात येणार असल्याचे ‘यूआयएडीआय’ने सांगितले आहे.
Tuesday, January 16, 2018 AT 08:42 PM (IST)
मानसिक छळ थांबवण्याचे कुटुंबीयांचे आवाहन 5नवी दिल्ली, दि. 14 (वृत्तसंस्था) : सोहराबुद्दीन शेख चकमक प्रकरणाची सुनावणी करणारे सीबीआयचे विशेष न्यायाधीश बी. एच.  लोया यांच्या मृत्यू प्रकरणी आमचा कोणावरही संशय नाही. या प्रकरणाचे राजकारण करू नये. राजकीय पक्षांनी या परिस्थितीचा फायदा उठवू नये आणि आमचा मानसिक छळ थांबवावा, असे आवाहन न्या. लोया यांचा मुलगा अनुज याने केले आहे. न्या. लोया यांच्या मृत्यू प्रकरणी त्यांचा मुलगा अनुज आणि लोया कुटुंबीयांचे वकील अमीर नाईक यांनी रविवारी मुंबईत पत्रकार परिषद घेतली. वडिलांच्या मृत्यूबाबत आमचा कुणावरही संशय नाही. त्यामुळे कृपया मला आणि आमच्या कुटुंबीयांना या प्रकरणात ओढू नका. गेल्या काही दिवसांमध्ये घडलेल्या घडामोडींमुळे आमच्या कुटुंबाला त्रास होत आहे. कृपया आमचा छळ थांबवा, अशी विनंती अनुज लोयाने केली. काही सेवाभावी संस्था, राजकीय नेते आणि वकिलांनी या प्रकरणावरून आमचा पिच्छा पुरवला आहे. माझ्या कुटुंबाला या सर्व परिस्थितीचा त्रास होतोय. सुरूवातीला वडिलांच्या मृत्यूबाबत संशय वाटला होता. मात्र, नंतर सर्व स्पष्ट झाले.
Monday, January 15, 2018 AT 08:51 PM (IST)
1 2 3 4 5 ...
 
© Copyrights 2010 Dainik Aikya.com - All rights reserved.
of
Powered By: