Dainik Aikya - Published from Satara (Maharashtra,India) Published on,
 
Search Tag:     From Date:     To Date:     Section:    
Total Results: 73
5नवी दिल्ली, दि. 23 (वृत्तसंस्था) : सर्वोच्च न्यायालयाने 1984 मध्ये दिल्लीत झालेल्या शीख विरोधी दंगलीतील 34 जणांना जामीन मंजूर केला आहे. यापूर्वी 5 जुलै रोजी सर्वोच्च न्यायालयाने या प्रकरणातील सात जणांना जामीन मंजूर केला होता. तत्कालीन पंतप्रधान इंदिरा गांधी यांची त्यांच्या शीख सुरक्षा रक्षकाकडूनच हत्या झाल्याचे उघड झाल्यानंतर 1984 मध्ये देशभर शिखांच्या विरोधात भडका उडाला. 1 नोव्हेंबर 1984 रोजी दिल्लीतील केट परिसरातील पालम वसाहतीमध्येही दंगल झाली. या दंगलीत सहा जणांची हत्या करण्यात आली होती. या प्रकरणात सज्जन कुमार, बलवान खोक्कर, महेंद्र यादव, गिरधारी लाल, किशन खोक्कर आणि कॅप्टन भागमल यांच्यावर आरोप होते. अहुजा समितीच्या अहवालानुसार 1984 च्या शीखविरोधी दंगलीत 2 हजार 733 शीख ठार झाले होते. या प्रकरणात 650 खटले दाखल करण्यात आले होते तसेच त्यामध्ये 3 हजार 163 जणांना अटक करण्यात आली होती. दरम्यान, मंगळवारी सर्वोच्च न्यायालयात या प्रकरणी सुनावणी झाली. यावेळी सर्वोच्च न्यायालयाने 34 जणांना जामीन मंजूर केला. यापूर्वी 5 जुलै रोजी या प्रकरणातील 7 जणांना जामीन मंजूर करण्यात आला होता.
Wednesday, July 24, 2019 AT 08:24 PM (IST)
कर्नाटक पेच : कुमारस्वामी राजीनामा देण्याची शक्यता 5बेंगळुरू, दि. 22 (वृत्तसंस्था) : कर्नाटकमधील राजकीय कोंडी अद्याप फुटलेली नाही. विधानसभेत विश्‍वासदर्शक ठरावावरील चर्चा आजही लांबली असून सभापती के. आर. रमेशकुमार यांनी या ठरावावर रात्रीचे 12 वाजले तरी आजच मतदान घेणार, असा पवित्रा घेतल्याने सत्ताधारी बाकांवरील चिंता वाढली आहे. दरम्यान, बहुमतासाठी आवश्यक संख्याबळ पाठीशी नसल्याने मुख्यमंत्री एच. डी. कुमारस्वामी कोणत्याही क्षणी आपल्या पदाचा राजीनामा देऊ शकतात, अशीही चर्चा आहे. कर्नाटक विधानसभेतील सत्तानाट्य आज मध्यरात्रीपर्यंत संपण्याची शक्यता निर्माण झाली आहे. विश्‍वासदर्शक ठरावावरील चर्चा लांबवली जात असल्याचे ध्यानात घेऊन सभापती रमेश यांनी मुख्यमंत्री कुमारस्वामी, उपमुख्यमंत्री जी. परमेश्‍वर, काँग्रेस नेते सिद्धरामय्या, कृष्णा गौडा यांच्यासोबत बैठक घेऊन आजच सभागृहात विश्‍वासदर्शक ठरावावर मतदान व्हावे, अशी अपेक्षा व्यक्त केली. त्याचवेळी आज रात्री 12 पर्यंत सभागृह चालवण्यास मी तयार आहे, असेही रमेश यांनी नमूद केले. सगळ्यांचे लक्ष माझ्याकडे आहे. मला बळीचा बकरा करू नका, असेही रमेश यांनी बजावले.
Tuesday, July 23, 2019 AT 08:44 PM (IST)
5नवी दिल्ली, दि. 21 (वृत्तसंस्था) : दिल्लीच्या माजी मुख्यमंत्री आणि काँग्रेसच्या ज्येष्ठ नेत्या शीला दीक्षित यांचे शनिवारी दीर्घ आजाराने निधन झाले. रविवारी त्यांच्या पार्थिवावर येथील  निगमबोध घाट येथे शासकीय इतमामात अंत्यसंस्कार करण्यात आले. यावेळी त्यांना अखेरचा निरोप देण्यासाठी राजकीय क्षेत्रातील अनेक बड्या नेत्यांनी हजेरी लावली होती. दरम्यान, रविवारी सकाळी साडेअकरा वाजता निजामुद्दीन येथील निवासस्थानी शीला दीक्षित यांचे पार्थिव अंत्यदर्शनासाठी ठेवण्यात आले होते. त्यानंतर ते अकबर रोडवरील काँग्रेसच्या मुख्यालयात नेण्यात आले. यावेळी राजकीय क्षेत्रासह विविध क्षेत्रातील हजारो लोकांनी त्यांचे अंत्यदर्शन घेतले. जम्मू-काश्मीरचे माजी मुख्यमंत्री ओमर अब्दुल्ला, माजी परराष्ट्र मंत्री सुषमा स्वराज, भाजपचे ज्येष्ठ नेते लालकृष्ण अडवाणी, युपीएच्या अध्यक्षा सोनिया गांधी, काँग्रेसच्या सरचिटणीस प्रियंका गांधी-वाड्रा, माजी पंतप्रधान डॉ. मनमोहन सिंग, मध्य प्रदेशचे मुख्यमंत्री कमलनाथ, केंद्रीय गृहमंत्री अमित शहा आदी दिग्गज नेत्यांनी शीला दीक्षित यांना श्रद्धांजली वाहिली.
Monday, July 22, 2019 AT 08:40 PM (IST)
5नवी दिल्ली, दि. 18 (वृत्तसंस्था) :  काँग्रेसच्या उत्तर प्रदेशच्या सरचिटणीस प्रियंका गांधी या सोनभद्र येथे पीडितांची भेट घेण्यासाठी गेल्या असता पोलिसांनी त्यांना ताब्यात घेतले. तुम्हाला काय करायचे ते करा आम्ही झुकणार नाही. मी हिंसाचारात बळी गेलेल्या पीडितांना भेटण्यासाठी आले आहे मला अटक करण्यात आली आहे, असे प्रियंका गांधी यांनी म्हटले आहे. मात्र, प्रियंका गांधी यांना अटक करण्यात आलेले नाही तर त्यांना ताब्यात घेण्यात आले आहे, असे डीजीपींनी सांगितले. सोनभद्र या ठिकाणी जमिनीच्या वादातून 10 जणांची गोळ्या झाडून हत्या करण्यात आली. गुरुवारी ही घटना घडली होती. याच प्रकरणात बळी गेलेल्यांच्या नातेवाईकांना भेटण्यासाठी प्रियंका गांधी सोनभद्र या ठिकाणी आल्या होत्या. त्यावेळी पोलिसांनी त्यांना ताब्यात घेतले. प्रियंका गांधी यांना नारायणपूर या ठिकाणी अडवण्यात आले. तसेच सोनभद्र या ठिकाणी कलम 144 अर्थात जमावबंदी संदर्भातले कलमही लागू करण्यात आले आहे. आम्ही भाजपच्या दबावापुढे झुकणार नाही, असे त्यांनी म्हटले आहे. इतकेच नाही तर यापूर्वीही त्यांनी भाजपच्या राज्यात झुंडशाही आणि गुंडगिरी वाढली आहे, असा आरोप त्यांनी केला.
Saturday, July 20, 2019 AT 08:39 PM (IST)
भाजपकडे 105 आमदार असल्याचा दावा 5बंगळुरू, (वृतसंस्था) दि. 18 : कर्नाटक विधानसभेत एच डी कुमारस्वामी यांच्या नेतृत्वातील सरकारविरुद्ध अविश्‍वास ठरावावर चर्चा सुरू आहे. याच दरम्यान भाजप नेत्यांनी आरोप केला, की सत्ताधारी नेते लांबलचक भाषणे देऊन प्रक्रियेला विलंब करत आहेत.अशा स्वरूपाची भाषणे प्रचारसभांमध्ये दिली जातात. माजी मुख्यमंत्री बी एस. येदियुरप्पा यांनी देखील लांब भाषणांवर आक्षेप नोंदवला. याच दरम्यान, काँग्रेस आमदार श्रीमंत पाटील यांच्या अनुपस्थितीने सभागृहात गदारोळ निर्माण झाला. पाटील यांच्यातर्फे एक पत्र मिळाले. त्यामध्ये आजारपणासाठी मुंबईत उपचारासाठी जात असल्याचा उल्लेख करण्यात आला आहे. यावर काँग्रेसने भाजपवर आरोप केला, की त्यांनीच आमचे आमदार पळवले आहेत. संबंधित आमदाराचे अपहरण झाले आहे. असे काँग्रेसचे म्हणणे आहे. यावरून विधानसभा अध्यक्षांनी गृहमंत्रालयाला 24 तासांत अहवाल सादर करण्याचे निर्देश दिले आहेत.  कर्नाटकचे माजी मुख्यमंत्री बी. एस. येदियुरप्पा यांनी 100 टक्के आपलाच विजय होणार असल्याचा दावा केला. त्यांच्या मते, काँग्रेसकडे 100 आमदारसुद्धा नाहीत आणि आमच्याकडे 105 आमदारांचे समर्थन आहे.
Friday, July 19, 2019 AT 08:32 PM (IST)
1 2 3 4 5 ...
 
© Copyrights 2010 Dainik Aikya.com - All rights reserved.
of
Powered By: