Dainik Aikya - Published from Satara (Maharashtra,India) Published on,
 
Search Tag:     From Date:     To Date:     Section:    
Total Results: 22
5मुंबई, दि. 14 (वृत्तसंस्था) ः गणेश विसर्जन मिरवणुकीत ‘आवाज वाढव डीजे, तुला आईची शपथ हाय’ या गाण्यावर तरुणाई बेधुंद नाचताना आपण पाहिले आहे. मात्र, आता ‘आवाज वाढवू नको डीजे...’ असे म्हणायची वेळ आली आहे. गणेशोत्सवात विसर्जन मिरवणुकीत डीजे आणि ध्वनी यंत्रणेवर मुंबई उच्च न्यायालयाने तूर्त बंदी घालत दणका दिला आहे. डीजे व डॉल्बी साऊंड सिस्टीमवर पूर्ण बंदी घातली आहे का, याची माहिती देण्याचा आदेश उच्च न्यायालयाने राज्य सरकारला दिला होता. राज्य सरकारला या संदर्भात आज भूमिका स्पष्ट करायची होती. मात्र, आज झालेल्या सुनावणीत, सण येत जात राहतील, पण उत्सवातील गोंगाटाकडे आम्ही दुर्लक्ष करू शकत नाही, असे उच्च न्यायालयाने सुनावले. त्यामुळे यंदा विसर्जन मिरवणुकांमध्ये ‘डीजे’ व डॉल्बीऐवजी पारंपरिक वाद्यांचा दणदणाट ऐकायला मिळणार आहे. गणपती विसर्जन मिरवणुकांमध्ये डीजे आणि साउंड सिस्टीम वापराला तूर्त नकार दिला आहे. सण येत जात राहतील, पण उत्सवातील गोंगाटाकडे आम्ही दुर्लक्ष करू शकत नाही, असे न्यायालयाने म्हटले आहे.
Saturday, September 15, 2018 AT 08:41 PM (IST)
5पुणे, दि. 4 (प्रतिनिधी) : मराठा आरक्षणासाठी मराठा क्रांती मोर्चाच्या आंदोलनाची पुढील दिशा ठरवण्यासाठी समन्वय समिती गठीत करण्यात आली आहे. मात्र, या समितीत महिलांना स्थान मिळाले नसल्याचा आरोप करत मराठा क्रांती मोर्चातील महिलांनी संघटनेच्या कार्यपद्धतीचा निषेध केला असून ‘सकल मराठा महिला क्रांती मोर्चा’ या नावाने स्वतंत्र राज्यस्तरीय समितीची स्थापना करण्याची घोषणा मंगळवारी पुण्यामध्ये पत्रकार परिषदेत केली. यावेळी मराठा क्रांती मोर्चाच्या काही महिलांनी मात्र विरोध केला. त्यामुळे मराठा क्रांती मोर्चामध्ये फूट पडल्याचे चित्र निर्माण झाले आहे.   मराठा समाजाच्या आरक्षणाच्या मागणीसाठी राज्यभरात मागील दोन वर्षात तब्बल 58 मूक मोर्चे काढण्यात आले. या दरम्यान अनेक वेळा समन्वयकांच्या बैठकादेखील झाल्या. पुण्यात 1 सप्टेंबर रोजी बैठक घेऊन त्यामध्ये आंदोलनाची पुढील दिशा ठरविण्यासाठी राज्यस्तरीय समन्वय समिती स्थापन केल्याची घोषणा करण्यात आली होती.
Wednesday, September 05, 2018 AT 09:02 PM (IST)
5बेंगळुरू, दि. 26 (वृत्तसंस्था) : कर्नाटकचे माजी मुख्यमंत्री आणि काँग्रेस नेते सिद्धरामय्या यांनी पुन्हा मुख्यमंत्री होण्याची इच्छा उघडपणे बोलून दाखवल्यानंतर रविवारी मुख्यमंत्री एच. डी. कुमारस्वामी यांनी कुणाचेही नाव न घेता माझे सरकार पाडण्याचे कारस्थान सुरू असल्याचा आरोप केला. कुणी कितीही कारस्थाने केली तरी त्यात त्यांना यश मिळणार नाही, असा विश्‍वासही त्यांनी व्यक्त केला. ते म्हणाले, माझे सरकार पाडण्याचे प्रयत्न केले जात आहेत, याची मला पूर्ण कल्पना आहे. मात्र मी माझी खुर्ची वाचवण्यासाठी पूर्ण बळ लावणार आहे. माझे काम अधिक चांगले करण्यावर माझा भर असणार आहे.  यावेळी कुमारस्वामी यांनी सिद्धरामय्या यांचा नामोल्लेख केला नाही. मात्र, त्यांच्या टीकेचा रोख सिद्धरामय्या यांच्याकडेच होता. माझ्याविरोधात कारस्थाने रचणारे यशस्वी होणार नाहीत. मी राज्यात सुशासन देण्याचा प्रयत्न करत आहे आणि माझे सरकार लवकरच 100 दिवसांचा टप्पा पूर्ण करणार आहे, असे कुमारस्वामी यांनी नमूद केले. दरम्यान, जेडीएसचे प्रदेशाध्यक्ष ए. एच. विश्‍वनाथ यांनी सिद्धरामय्या यांचे नाव घेऊन टोला लगावला.
Monday, August 27, 2018 AT 08:40 PM (IST)
5मुंबई, दि. 9 (वृत्तसंस्था) : मराठा आरक्षणासाठी सध्या सुरू असलेल्या आंदोलनाविरोधात द्वारकानाथ पाटील या शेतकर्‍याने मुंबई उच्च न्यायालयात याचिका दाखल केली आहे. हिंसक आंदोलनाला चाप लावावा आणि सार्वजनिक मालमत्तेचे नुकसान केल्या प्रकरणी भरपाई वसूल करण्याचे आदेश द्यावेत, अशी विनंती याचिकाकर्त्याने केली आहे. 13 ऑगस्टला या याचिकेवर सुनावणी होणार आहे. पाटील यांच्यावतीने अ‍ॅड. आशिष गिरी यांनी ही याचिका दाखल केली आहे. मराठा आरक्षणासाठी होत असलेल्या हिंसक आंदोलनांना प्रतिबंध करण्यात यावा, अशी मागणी त्यात करण्यात आली आहे. मराठा समाजाची आरक्षणाची मागणी योग्य असली तरी त्यासाठी सुरू असलेले हिंसक आंदोलन योग्य नाही. आजच्या महाराष्ट्र बंदमध्येही राज्यात काही ठिकाणी आंदोलनाला हिंसक वळण लागले. ही बाब गंभीर असल्याचे या याचिकेत म्हटले आहे.                  सार्वजनिक संपत्तीचे नुकसान करणार्‍यांवर कारवाई करण्यात यावी. हिंसाचार करणार्‍यांकडून नुकसानभरपाई वसूल करावी, अशी मागणीही याचिकाकर्त्याने केली आहे. आंदोलकांना कलम 149 अंतर्गत नोटिसा बजावण्यात याव्यात.
Friday, August 10, 2018 AT 08:24 PM (IST)
43 कर्मचारी जखमी शेकडो कर्मचारी बचावले 5मुंबई, दि. 8 (वृत्तसंस्था) : चेंबूर-माहुल येथील बीपीसीएल तेलशुद्धीकरण प्रकल्पातील हायड्रो-क्रॅकर युनिटमध्ये आज दुपारी 3 च्या सुमारास झालेल्या बॉयलर स्फोटात 43 कर्मचारी जखमी झाले असून त्यातील 21 कर्मचार्‍यांना चेंबूरमधीलच इन्लॅक्स हॉस्पिटलमध्ये दाखल करण्यात आले आहे. एका कर्मचार्‍याची प्रकृती गंभीर असून त्याला अतिदक्षता विभागात हलवण्यात आल्याचे सांगण्यात आले. बीपीसीएलच्या तेलशुद्धीकरण प्रकल्पात दुपारी तीन वाजता हा स्फोट झाल्याचे स्पष्ट करण्यात आले आहे. स्फोटात एकूण 43 कर्मचारी जखमी झाले आहेत. त्यातील 22 कर्मचार्‍यांवर बीपीसीएल प्रथमोपचार केंद्रात उपचार केल्यानंतर त्यांना घरी सोडण्यात आले तर 21 कर्मचारी गंभीर जखमी झाले आहेत. काही कर्मचार्‍यांना फ्रॅक्चर झाले आहे तर काही जणांना गंभीर इजा झाल्याचे सांगण्यात आले. या सर्वांना इनलॅक्स हॉस्पिटलमध्ये हलवण्यात आले आहे. बीपीसीएल, एचपीसीएल, आरसीएफ, मुंबई पालिका आणि माझगाव डॉक अग्निशमन दलाच्या जवानांनी आग आटोक्यात आणण्याचे शर्थीचे प्रयत्न केले.
Thursday, August 09, 2018 AT 08:33 PM (IST)
1 2 3 4 5
 
© Copyrights 2010 Dainik Aikya.com - All rights reserved.
of
Powered By: