Dainik Aikya - Published from Satara (Maharashtra,India) Published on,
 
Search Tag:     From Date:     To Date:     Section:    
Total Results: 21
हायकोर्टाच्या आदेशानंतरही संघटनांचा निर्धार 5मुंबई, दि. 15 (वृत्तसंस्था) : मुंबई उच्च न्यायालयाने मंगळवारी  रात्रीपर्यंत संप मागे घेण्याचा तोंडी आदेश दिल्यानंतरही बेस्ट कामगारांनी संप मागे घेण्यास स्पष्ट शब्दांत नकार दिला आहे. वडाळा येथे झालेल्या बेस्ट कामगार संघटनांच्या मेळाव्यात मागण्या मान्य होईपर्यंत संप सुरूच ठेवण्याचा निर्धार करण्यात आला. बेस्ट प्रशासनाने फेब्रुवारी महिन्यापासून कामगारांना वेतनवाढ देण्याची हमी देताना अन्य सर्व मागण्यांबाबत वाटाघाटी करण्याची तयारी    उच्च न्यायालयात दर्शवल्यानंतर न्यायालयाने कामगारांना संप मागे घेण्याचा आदेश दिला. तुमच्या मागण्यांबाबत आम्ही बेस्टला वेळापत्रक करून देऊ. मंगळवारी रात्रीपर्यंत संप मागे घेण्याबाबत निर्णय घेऊन उद्या सकाळी आम्हाला कळवा, असा आदेश न्यायालयाने कामगार कृती समितीला दिला. फेब्रुवारीत वेतनवाढ देण्याची हमी देण्यात आली आहे. इतर मागण्यांबाबत वाटाघाटीचे मार्ग खुले असल्याचेही बेस्टने नमूद केले आहे, याकडेही न्यायालयाने कृती समितीचे लक्ष वेधले. मात्र, संपावर ठाम राहण्याचा निर्धार कामगारांनी केला.
Wednesday, January 16, 2019 AT 09:19 PM (IST)
5यवतमाळ, दि. 13 (वृत्तसंस्था) : राजकारणाचा अर्थ राजकारण, समाजकारण, अर्थकारण, पण दुर्दैवाने आता सत्ताकारणाभोवतीच राजकारण फिरत आहे. राजकारणाची सीमित मर्यादा आहे म्हणून राजकारणी लोकांनी अन्य क्षेत्रात हस्तक्षेप करू नये, अशा शब्दात केंद्रीय मंत्री नितीन गडकरी यांनी संमेलन वादावरून राज्य सरकारला घरचा आहेर दिला. अखिल भारतीय मराठी साहित्य संमेलनाच्या समारोपाच्या भाषणात ते बोलत होते. ज्येष्ठ साहित्यिक नयनतारा सहगल यांना संमेलनाच्या उद्घाटक म्हणून पाठवलेले निमंत्रण मागे घेतल्यामुळे वादात सापडलेल्या संमेलनात गडकरी काय बोलणार याकडे सर्वांचे लक्ष होते. गडकरी यांनी सहगल यांचा थेट उल्लेख न करता साहित्यिकांच्या अभिव्यक्ती स्वातंत्र्याचा मुद्दा मांडला. साहित्य, शिक्षण, कला अशा कोणत्याच क्षेत्रात राजकारण्यांनी हस्तक्षेप करू नये, असे ते म्हणाले. आपला मुद्दा स्पष्ट करताना ते म्हणाले, आणीबाणीच्या वेळी पुलं आणि दुर्गा भागवतांच्या सभांना राजकारण्यांच्या सभांपेक्षा जास्त गर्दी व्हायची. लोकशाही वाचवण्यासाठी आम्ही सभा घेतोय, राजकारणात येण्यासाठी नव्हे, असे ते सांगायचे.
Monday, January 14, 2019 AT 08:51 PM (IST)
5सोलापूर, दि. 6 (प्रतिनिधी) : परंपरा मोडीत काढत तुळजाभवानी मंदिराच्या गाभार्‍यात जाऊन एका महिलेने देवीचे चरणस्पर्श करून पूजा केली. राज्याची कुलस्वामिनी मानल्या जाणार्‍या तुळजाभवानी मंदिराच्या गर्भगृहात सर्वसामान्य महिलांना प्रवेश दिला जात नसे. मात्र, तुळजापूर शहरातीलच काही महिलांनी तुळजाभवानी देवीचा चरणस्पर्श केल्याने अनेक वर्षांची परंपरा मोडीत निघाली आहे. मंजूषा मगर असे या महिलेचे नाव आहे. त्यांनी देवीच्या गर्भगृहात जाऊन देवीची पूजा करत अनेक वर्षांची परंपरा मोडीत काढली. त्यांच्यासोबत अन्य काही पाळीकर पुजारी महिलाही होत्या. आतापर्यंत देवीच्या पायाला हात लावून दर्शन घेण्याची लिखीत अनुमती नव्हती. या संदर्भात काही महिला जिल्हाधिकार्‍यांना जाऊन भेटल्या. मंदिर संस्थांच्या कुठल्या रेकॉर्ड किंवा नियमात हे आहे का? याची विचारणा केली. त्यासंदर्भात नियम नाहीत हे लक्षात आल्यानंतर काल रात्री या महिला मंदिराच्या गर्भगृहात घुसल्या आणि देवीचा चरणस्पर्श केला.
Monday, January 07, 2019 AT 08:40 PM (IST)
5मुंबई, दि. 1 (वृत्तसंस्था) : राज्य सरकारने विदेशी ब्रॅण्डच्या उत्पादन शुल्कात वाढ केल्यामुळे नव्या वर्षात मद्यप्रेमींच्या खिशावर अधिक भार पडणार आहे. राज्य सरकारकडून विदेशी मद्याच्या उत्पादन शुल्कात 18 ते 20 टक्के वाढ करण्यात आली आहे. देशात तयार होणार्‍या विदेशी मद्याच्या उत्पादन शुल्कात वाढ केली आहे. या दरवाढीमुळे राज्य सरकारच्या महसुलात सुमारे 500 कोटींची भर पडणार आहे. सरकारच्या निर्णयामुळे दारूच्या किंमतीत वाढ होणार असल्यामुळे मद्य सेवनासाठी  खिसा हलका करावा लागणार आहे. राज्य सरकारला विविध योजनांसाठी निधीची कमतरता जाणवत आहे. त्यातच आता सरकारी कर्मचार्‍यांसाठी सातवा वेतन आयोग लागू करण्याची घोषणा केली आहे. वेतन आयोगामुळे राज्याच्या तिजोरीवर सुमारे 24 हजार कोटींचा भार पडणार आहे. त्यामुळे उत्पन्न वाढवण्यासाठी सरकारने उत्पादन शुल्कात वाढ करण्याचा निर्णय घेतला असल्याचे बोलले जात आहे.
Wednesday, January 02, 2019 AT 08:53 PM (IST)
5बिहार, दि. 19 (वृत्तसंस्था) : मध्य प्रदेशचे मुख्यमंत्री कमलनाथ यांनी उत्तर प्रदेश आणि बिहारींबाबत केलेल्या विधानावरून वादळ उठले असतानाच कमलनाथ यांच्याविरुद्ध बिहारमधील मुझफ्फरपूर न्यायालयात बुधवारी तक्रार दाखल करण्यात आली आहे. तमन्ना हाश्मी या महिलेने ही तक्रार दाखल केली आहे. कमलनाथ यांनी बिहार आणि उत्तर प्रदेशमधील जनतेचा अपमान केला आहे. त्यामुळे त्यांना समन्स बजावण्यात यावे व त्यांनी विनाअट माफी मागावी, अशी विनंती तमन्ना यांनी आपल्या अर्जात केली आहे. या विधानावरून कमलनाथ यांच्यावर उत्तर प्रदेशचे माजी मुख्यमंत्री अखिलेश यादव यांनी तोफ डागली आहे. अशाप्रकारची वक्तव्ये आधी महाराष्ट्र आणि दिल्लीतून ऐकायला यायची. आता मध्य प्रदेशातूनही तो सूर निघू लागला आहे. मी एकच सांगेन, केंद्रात सरकार कुणाचे बनणार हे उत्तर भारतीयच ठरवत असतो  हे सर्वांनी ध्यानात ठेवावे, असा सूचक इशाराच अखिलेश यांनी दिला.  
Thursday, December 20, 2018 AT 09:13 PM (IST)
1 2 3 4 5
 
© Copyrights 2010 Dainik Aikya.com - All rights reserved.
of
Powered By: