Dainik Aikya - Published from Satara (Maharashtra,India) Published on,
 
Search Tag:     From Date:     To Date:     Section:    
Total Results: 48
5सोलापूर, दि. 17 (सूर्यकांत आसबे) : माझ्या कुटुंबाला शरद पवारांनी नावे ठेवू नयेत. संपूर्ण देशच माझे कुटुंब आहे, असा टोला लगावत पंतप्रधान नरेंद्र मोदी यांनी राष्ट्रवादीचा बालेकिल्ला असलेल्या माढा लोकसभा मतदारसंघातील अकलूजच्या विराट जाहीर सभेत राष्ट्रवादीचे अध्यक्ष शरद पवार यांना लक्ष्य केले. परिवार व्यवस्था ही देशाची मोठी देणगी आहे. परिवाराच्या विषयात वयाने मोठे असलेल्या पवारांना बोलण्याचा हक्क असल्याचा खोचक टोलाही मोदींनी लगावला. माढा मतदारसंघातील महायुतीचे उमेदवार रणजितसिंह नाईक-निंबाळकर यांच्या प्रचारासाठी बुधवारी सकाळी पंतप्रधानांची सभा झाली. पंतप्रधानांनी शरद पवार, विरोधक आणि वैयक्तिक आरोप करणार्‍यांचा समाचार घेतला. मोहिते-पाटलांनी मोदींचा फेटा व घोंगडी देऊन सत्कार केला. भाजपचे जिल्हाध्यक्ष शहाजी पवार यांनी आणलेले मोदी जॅकेट अंगात घालून पंतप्रधानांनी भाषण केले. व्यासपीठावर मुख्यमंत्री देवेंद्र फडणवीस, महसूल मंत्री चंद्रकांत पाटील, सहकार मंत्री सुभाष देशमुख, पालक मंत्री विजयकुमार देशमुख, केंद्रीय मंत्री रामदास आठवले, राज्यमंत्री सदाभाऊ खोत, महादेव जानकर, विजयसिंह मोहिते-पाटील, खा.
Thursday, April 18, 2019 AT 08:57 PM (IST)
भाजपलाच मतदान करण्याचे आवाहन 5अहमदनगर, दि. 16 (वृत्तसंस्था) : कोणी कितीही पोपटपंची केली तरी तिकडे लक्ष देऊ नका. शेवटी कामे भाजप सरकारच करणार आहे. ही निवडणूक देशाच्या अस्मितेची आहे. त्यामुळे बाकी गोष्टींकडे लक्ष न देता पंतप्रधान नरेंद्र मोदी यांना ताकद द्या, असे आवाहन मुख्यमंत्री देवंद्र फडणवीस यांनी केले. अहमदनगर लोकसभा मतदारसंघातील वाळकी येथे आज झालेल्या प्रचार सभेत ते बोलत होते. मुख्यमंत्री म्हणाले, गेल्या चार वर्षांत भाजप-शिवसेना सरकारने जे प्रश्‍न सोडविले, ते सर्व 25 वर्षे जुने होते. नगरच्या साकळाई पाणी योजनेचा प्रश्‍नही 25 वर्षांपासून प्रलंबित आहे. मात्र, विधानसभा निवडणुकीच्या आत तो सोडविला जाईल. नगर जिल्ह्यातील पाणी प्रश्‍नाचे अभ्यासक आणि अनेक योजना मार्गी लावलेले खासदार बाळासाहेब विखे-पाटील यांची ओळख ‘वॉटर मॅन’ अशी होती. आता त्यांचे नातू डॉ. सुजय विखे निवडणूक लढवत आहे. त्यांचीही ‘वॉटर मॅन’ अशीच ओळख व्हावी. ...तर एखाद्याला रॉकेटला बांधून पाठवले असते देशात पंतप्रधान नरेंद्र मोदी यांची लाट यावेळीही आहे   पण ती सामान्य माणसांमध्ये आहे. त्यामुळे ती विरोधकांना दिसत नाही.
Wednesday, April 17, 2019 AT 08:51 PM (IST)
5गडचिरोली, दि. 14 (वृत्तसंस्था) :  गडचिरोलीमध्ये 4 मतदान केंद्रांवर निवडणूक कर्मचारी नक्षलवादी संबंधित घडामोडी सुरु असल्याने पोहोचू शकले नव्हते. त्यामुळे तिथे दि. 11 एप्रिल रोजी मतदान हाऊ शकले नव्हते. या मतदान केंद्रांवर सोमवार, दि. 15 रोजी मतदान प्रक्रिया पार पडणार आहे . गडचिरोली-चिमूर (अ.ज.) लोकसभा मतदारसंघात 110 वाटेली, 112 गारडेवाडा, 113 गारडेवाडा (पुस्कोटी), 114 गारडेवाडा (वांगेतुरी) येथे 15 एप्रिल रोजी सकाळी 7 ते 3 या वेळेत मतदान प्रक्रिया घेण्याचे आदेश निवडणूक आयोगाने दिले आहेत. 110 वाटेलीमध्ये रूम नं. 1 जिल्हा परिषद प्राथमिक शाळा, गट्टा, 112 गारडेवाडा,-रूम नं. 2 जिल्हा परिषद प्राथमिक शाळा, गट्टा, 113 गारडेवाडा (पुस्कोटी) रूम नं. 3 जिल्हा परिषद प्राथमिक शाळा, गट्टा तर 114 गारडेवाडा (वांगेतुरी) रुम नं. 4 जिल्हा परिषद प्राथमिक शाळा, गट्टा येथे मतदान होणार आहे. गडचिरोली-चिमूर (अ.ज.) लोकसभा मतदारसंघात 11 एप्रिल रोजी रात्री 8 पर्यंत मतदान पथकांकडून प्राप्त झालेल्या माहितीनुसार अंतिम 72.02 टक्के मतदान झाल्याची प्राथमिक माहिती जिल्हाधिकारी कार्यालयातील निवडणूक शाखेतर्फे देण्यात आली आहे.
Monday, April 15, 2019 AT 09:05 PM (IST)
5लंडन, दि. 11 (वृत्तसंस्था) : अमेरिकेसह अन्य देशांची गोपनीय राजनैतिक व लष्करी कागदपत्रे उघड करून जगभरात खळबळ उडवून देणारा ‘विकिलीक्स’चा संस्थापक ज्युलियन असांज याला ब्रिटिश पोलिसांनी आज लंडनमध्ये अटक केली. त्याला इक्वेडोरच्या दूतावासातून ताब्यात घेण्यात आले. इक्वेडोरच्या राजदूतांच्या सूचनेनंतर त्याला अटक करण्यात आल्याची माहिती ब्रिटिश पोलिसांनी दिली.   राजनैतिक आणि लष्कराची गोपनीय कागदपत्रे उघड करणार्‍या असांजने अटकेच्या भीतीनं लंडनमध्ये इक्वेडोरच्या दूतावासात 2012 साली राजकीय आश्रय घेतला होता. तेव्हापासून तो या दूतावासात रहात होता. आपले स्वीडनकडे प्रत्यार्पण होईल आणि स्वीडिश सरकार आपल्याला अमेरिकेच्या ताब्यात  देईल, या भीतीने असांजने तेव्हापासून दूतावास सोडला नव्हता. मात्र, अखेर आज त्याला ब्रिटिश पोलिसांनी अटक केली. 47 वर्षीय असांजला आज मेट्रोपॉलिटन पोलिसांनी इक्वेडोरच्या दूतावासातून अटक केली, अशी माहिती वरिष्ठ पोलीस अधिकार्‍यांनी दिली. इक्वेडोरच्या ब्रिटनमधील राजदूतांनी पोलिसांना दूतावासात बोलावून घेतले. त्यानंतर त्याला पोलिसांनी अटक केल्याचे अधिकार्‍यांनी सांगितले.
Friday, April 12, 2019 AT 08:27 PM (IST)
5मुंबई, दि. 4 (वृत्तसंस्था) : रिझर्व्ह बँक ऑफ इंडियाने रेपो दरात आज पाव टक्का कपात केली. त्यामुळे रेपो दर 6.25 वरून 6 टक्क्यांवर आला असून गृहकर्ज काही प्रमाणात स्वस्त होण्याची शक्यता आहे. रिझर्व्ह बँकेचे गव्हर्नर शक्तिकांत दास यांच्या अध्यक्षतेखालील पतधोरण आढावा समितीने द्वैमासिक पतधोरण आज जाहीर केले. त्यात रेपो दरात पाव टक्का कपात केली आहे. या निर्णयाने गृहकर्ज घेणार्‍यांना काही अंशी दिलासा देण्याचा प्रयत्न झाला आहे. आगामी काळात गृह, वाहन व अन्य कर्जे स्वस्त होण्याची शक्यता आहे.    सध्याच्या गृहकर्जदारांच्या हप्त्यात घट होण्याची शक्यता आहे.  2019-20 या चालू आर्थिक वर्षाच्या पहिल्या द्वैमासिक पतधोरण आढावा बैठकीत समितीनं रेपो दरात पाव (0.25) टक्का कपात करण्याचा निर्णय घेतला. समितीच्या सहापैकी पाच सदस्यांनी या दरकपातीचे समर्थन केले. या वर्षात आर्थिक विकास दर 7 टक्क्यांपर्यंत राहील, असा अंदाजही रिझर्व्ह बँकेने व्यक्त केला आहे. दरम्यान, या आर्थिक वर्षाच्या पहिल्या सहामाहीत महागाईचा निर्देशांक 2.9 ते 3 टक्के राहील, असा अंदाजही रिझर्व्ह बँकेने वर्तवला आहे.
Friday, April 05, 2019 AT 08:52 PM (IST)
1 2 3 4 5 ...
 
© Copyrights 2010 Dainik Aikya.com - All rights reserved.
of
Powered By: