Dainik Aikya - Published from Satara (Maharashtra,India) Published on,
 
Search Tag:     From Date:     To Date:     Section:    
Total Results: 58
5मुंबई, दि. 11 (प्रतिनिधी): शिवसेनेच्या पाठिंब्यामुळेच आज आम्ही सत्तेत आहोत. शिवसेनाप्रमुख असताना ज्यावेळी युतीमध्ये कटुता यायची तेव्हा बाळासाहेब, गोपीनाथ मुंडे व प्रमोद महाजन यांची एकत्र बैठक व्हायची. चर्चेतून मार्ग निघायचा. आता ही जबाबदारी आमच्यावर आहे. चिंता करू नका, आम्ही चर्चेतून लवकरच मार्ग काढू आणि आमची शिवसेनेबरोबर युती होणारच, असा विश्‍वास मुख्यमंत्री देवेंद्र फडणवीस यांनी व्यक्त केला आहे. अमित शहा व उद्धव ठाकरे यांच्या वक्तव्यांमुळे युतीतील तणाव विकोपाला गेला असताना मुख्यमंत्र्यांनी ‘ठाकरे’ चित्रपटाच्या प्रदर्शनपूर्व सोहळ्याला हजेरी लावताना युती होणार, असा ठाम विश्‍वास व्यक्त केल्याने त्याला विशेष महत्त्व आले आहे. शिवसेनाप्रमुख बाळासाहेब ठाकरे यांच्या जीवनावरील ‘ठाकरे’ हा चित्रपट 25 जानेवारी रोजी प्रदर्शित होत आहे. या निमित्ताने ‘कलर्स’ वाहिनीने मंगळवारी यशवंतराव चव्हाण प्रतिष्ठान सभागृहात विशेष सोहळा आयोजित केला होता. या सोहळ्यास मुख्यमंत्री देवेंद्र फडणवीस, शिवसेना पक्षप्रमुख उद्धव ठाकरे, राष्ट्रवादी काँग्रेसचे अध्यक्ष शरद पवार, खा.
Wednesday, January 16, 2019 AT 09:12 PM (IST)
5मुंबई, दि. 14 (प्रतिनिधी) : काँग्रेसचे निष्ठावान ज्येष्ठ नेते व विधानपरिषदेचे माजी सभापती शिवाजीराव देशमुख यांचे आज मुंबईतील बॉम्बे इस्पितळात दीर्घ आजाराने निधन झाले. ते 84 वर्षांचे होते. सांगली जिल्ह्यातील कोकरुड या मूळ गावी उद्या त्यांच्या पार्थिवावर अंत्यसंस्कार करण्यात येणार आहेत. काँग्रेसचे ज्येष्ठ नेते आणि विधानपरिषदेचे माजी सभापती शिवाजीराव देशमुख यांच्यावर गेल्या दीड महिन्यापासून बॉम्बे रुग्णालयात उपचार सुरू होते. तेथेच सोमवारी सायंकाळी 6 वाजून 10 मिनिटांनी त्यांची प्राणज्योत मालवली. त्यांचे पार्थिव उद्या सांगली जिल्ह्यातील कोकरुड येथे नेण्यात येणार असून तेथे उद्या त्यांच्या पार्थिवावर अंत्यसंस्कार केले जाणार आहेत. त्यांच्या मागे त्यांचे सुपुत्र व महाराष्ट्र प्रदेश काँग्रेसचे सरचिटणीस सत्यजित देशमुख, कन्या शिल्पा देशमुख व कुटुंबीय आहेत. निष्ठावंत काँग्रेसी शिवाजीराव देशमुख हे निष्ठावंत काँग्रेसी होते. कोल्हापूर येथे पदवीचे शिक्षण पूर्ण केल्यानंतर जवळपास दहा वर्षे त्यांनी विस्तार अधिकारी म्हणून शासकीय सेवेत काम केले.    तेथे त्यांचे मन रमले नाही.
Tuesday, January 15, 2019 AT 09:02 PM (IST)
5पुणे, दि. 13 (प्रतिनिधी) : जम्मू-काश्मीरमध्ये दहशतवाद्यांनी घडवलेल्या स्फोटात शहीद झालेले मेजर शशिधरन व्ही. नायर यांच्यावर वैकुंठ स्मशानभूमीत लष्करी इतमामात अंत्यसंस्कार करण्यात आले. अमर रहे... अमर रहे... मेजर शशी नायर अमर रहे... भारत माता की जय... हिंदुस्तान जिंदाबाद... पाकिस्तान मुर्दाबाद... वंदे मातरम अशा घोषणांनी परिसर दणाणून गेला होता. खडकवासला येथील त्यांच्या राहत्या घरापासून सकाळी त्यांची अंत्ययात्रा निघाली. फुलांनी सजवलेल्या लष्काराच्या ट्रकमध्ये  त्यांचे पार्थिव ठेवण्यात आले होते. या अंत्ययात्रेत हजारो नागरिक सहभागी झाले होते. मेजर नायर हे 33 वर्षांचे होते. नायर यांच्या मागे आई, पत्नी तृप्ती आणि बहीण असा परिवार आहे. मेजर नायर यांच्या वडिलांच्या नोकरीमुळे 30 वर्षांहून अधिक काळ नायर कुटुंबीय खडकवासला परिसरात स्थायिक होते. डेहराडून येथील इंडियन मिलिटरी अ‍ॅकॅडमीमधून प्रशिक्षण घेतल्यानंतर डिसेंबर 2007 मध्ये ते लष्करात दाखल झाले होते.
Monday, January 14, 2019 AT 08:48 PM (IST)
5पालघर, दि. 13 (वृत्तसंस्था) : पाच वर्षांत मोदींनी इतकी आश्‍वासने दिली की मोदींची अवस्था आज गजनीतील आमीर खानसारखी झाली आहे, अशी टीका राष्ट्रवादी काँग्रेसचे विधान- परिषदेचे विरोधी पक्षनेते धनंजय मुंडे यांनी केली. जमीन विकून आलेला पैसा, पावडर खावून बनवलेली बॉडी आणि मोदी लाटेत निवडून आलेले आमदार, खासदार टिकत नाहीत. या लाटेने राज्याचे किती वाटोळे झाले हे आपण अनुभवत आहोत, असेही ते म्हणाले. विक्रमगड येथे निर्धार परिवर्तनाचा या सभेत बोलताना ते म्हणाले, चार वर्षे झाली सत्तेत येवून परंतु भ्रष्टाचारमुक्त महाराष्ट्र केला नाहीच उलट महाराष्ट्राला भ्रष्टाचारयुक्त केले. चार वर्षात महाराष्ट्र लुटला आहात. त्यामुळे तुम्हाला महाराष्ट्रातील जनता कधीच माफ करणार नाही. 2014 च्या निवडणुकीतील मोदींनी केलेली भाषणे आणि आजची त्यांची भाषणे ऐकल्यानंतर गजनी सिनेमाची आठवण येते. नरेंद्र मोदींची अवस्था गजनीसारखी झाल्याची टीका त्यांनी केली.    सरकारमधील अनेक मंत्र्यांनी भ्रष्टाचार केला आहे. आमची ताई तर लहान मुलांची चिक्कीच खाऊन गेली, अशी टीका त्यांनी पंकजा मुंडे यांच्यावर केली.
Monday, January 14, 2019 AT 08:45 PM (IST)
5मुंबई, दि. 6 (प्रतिनिधी) : गेल्या वर्षी झालेल्या कॉमन अ‍ॅडमिशन टेस्टचा (कॅट) निकाल जाहीर झाला आहे. यामध्ये महाराष्ट्राच्या विद्यार्थ्यांनी घवघवीत यश मिळवले. परीक्षेतील 11 टॉपर्सपैकी 7 विद्यार्थी महाराष्ट्राचे आहेत. या परीक्षेत एकूण 2 लाख विद्यार्थ्यांनी यश मिळवले आहे. पर्सेंटाईल गुणांचा विचार केल्यास 11 विद्यार्थ्यांना 100 टक्के गुण मिळाले आहेत. हे सर्व अभियांत्रिकी विभागाचे विद्यार्थी आहेत. मात्र यात एकाही विद्यार्थिनीचा समावेश नाही. कॅट 2018 मध्ये 100 पर्सेंटाईल गुण मिळवणार्‍या विद्यार्थ्यांची संख्या 11 तर दुसर्‍या क्रमांकावर तब्बल 21 विद्यार्थी आहेत. त्यांना 99.99 टक्के गुण मिळाले आहेत. यातील 19 विद्यार्थी अभियांत्रिकी आणि तंत्रज्ञान शाखेचे आहेत. आयआयएम कोलकाताने ही आकडेवारी प्रसिद्धीपत्रकाद्वारे जाहीर केली आहे. अभियांत्रिकी शाखेचे विद्यार्थी बिझनेस स्कूलकडे वळत असल्याचे यातून पुन्हा एकदा अधोरेखित झाले आहे.
Monday, January 07, 2019 AT 08:31 PM (IST)
1 2 3 4 5 ...
 
© Copyrights 2010 Dainik Aikya.com - All rights reserved.
of
Powered By: