Dainik Aikya - Published from Satara (Maharashtra,India) Published on,
 
Search Tag:     From Date:     To Date:     Section:    
Total Results: 48
5पुणे, दि. 22 (प्रतिनिधी) : उसाच्या रास्त आणि किफायतशीर दराची (एफआरपी) रक्कम न देणार्‍या किसनवीर-खंडाळा आणि कोल्हापूर जिल्ह्यातील वारणा या दोन साखर कारखान्याच्या विरोधात काढण्यात आलेल्या जप्तीच्या नोटिसीला सहकारमंत्री सुभाष देशमुख यांनी स्थगिती दिली आहे. अन्य तीन कारखान्यांची त्यांच्यासमोर सुनावणी सुरू आहे.  उसाची एफआरपी आणि दूध प्रश्‍नासाठी स्वाभिमानी शेतकरी संघटनेने गेल्या महिन्यात साखर आयुक्तालयावर मोर्चा काढला होता. त्यावेळी साखर आयुक्तांनी उसाची थकीत रक्कम वसूल करण्यास 21 जुलैपर्यंत अवधी मागितला होता. रक्कम वसूल न झाल्यास रक्कम न देणार्‍या कारखान्यांचे जप्ती आदेश घेऊनच आम्ही जाऊ, असे खा. शेट्टी यांनी सांगितले होते. कारखान्यांकडे 29 जून रोजी 1900 कोटींची रक्कम थकीत होती. त्यानंतर 15 जुलैपर्यंत थकीत रक्कम 848 कोटी आणि त्यानंतर 21 जुलै रोजी 761 कोटी रुपये थकित होती. साखर आयुक्तांनी थकबाकी न देणार्‍या 13 कारखान्यांच्या जप्तीचे आदेश दिले होते. त्यावेळी 640 कोटी रुपयांची रक्कम थकीत होती. नोटीशीनंतर 246 कोटींची वसुली झाली. जप्तीचे आदेश दिलेल्या कारखान्याकडे 761 कोटी रुपये थकीत आहेत.
Monday, July 23, 2018 AT 08:44 PM (IST)
5जालना, दि. 22 (वृत्तसंस्था) : मनसे प्रमुख राज ठाकरे यांनी आरक्षणाच्या मुद्द्यावरून राज्य सरकारवर निशाणा साधला. आरक्षणाच्या भूमिकेवर सरकार वेळकाढूपणा करत आहे. याबाबत कोणताच राजकीय पक्ष खरी स्थिती सांगत नसल्याचा आरोप त्यांनी केला. नोकर भरतीत 16 टक्के आरक्षण मिळेल, असे मुख्यमंत्री देवेंद्र फडणवीस सांगतात. पण ते आरक्षण मिळेलच याची खात्री काय? मराठा आरक्षणावरून पंढरपुरात निर्माण झालेल्या स्थितीबाबत बोलताना ते म्हणाले, संपूर्ण राज्यभरातून वारकरी आले आहेत. महाराष्ट्राच्या श्रद्धेचा हा विषय आहे. त्यामुळे त्याला गालबोट लागता कामा नये. मराठवाड्याच्या  दौर्‍यावर असलेले राज ठाकरे आज जालना येथे आले होते. त्यावेळी माध्यमांशी बोलताना त्यांनी पंतप्रधान नरेंद्र मोदी, मुख्यमंत्री देवेंद्र फडणवीस आणि भाजपवर टीकास्त्र सोडले. मुख्यमंत्री फडणवीस सातत्याने खोटे बोलतात. 1 लाख 20 हजार विहिरी बांधल्याचा दावा ते करतात. मराठवाड्यातील स्थिती पाहा काय झाली आहे. जालना शहराला 15 दिवसातून एकदा पाणी येते. मग कुठे गेल्या या विहिरी? महाराष्ट्र हागणदारीमुक्त झाल्याचा दावाही फडणवीस करतात. पण वस्तुस्थिती तशी नसल्याचेही त्यांनी सांगितले.
Monday, July 23, 2018 AT 08:39 PM (IST)
अर्थमंत्री सुधीर मुनगंटीवार यांची घोषणा 5नागपूर, दि. 20 (प्रतिनिधी) : नागपूर पावसाळी अधिवेशनाच्या शेवटच्या दिवशी अर्थमंत्री सुधीर मुनगंटीवार यांनी विदर्भ, मराठवाडा व उत्तर महाराष्ट्रासाठी बावीस हजार एकशे बावीस कोटी रुपयांचे विशेष पॅकेज जाहीर केले. विदर्भ, मराठवाड्यात येणार्‍या उद्योगांना दिली जाणारी वीज सवलत आणखी दोन वर्षांसाठी वाढवण्याची घोषणा त्यांनी केली. तसेच नाशिक येथे सुपर स्पेशालिटी हॉस्पिटल, मराठवाड्यात आणखी 30 हजार शेततळी, जलसंधारणासाठी 500 कोटी, परभणीच्या कृषी विद्यापीठासाठी 50 कोटी रुपयांची विशेष मदत करण्याची घोषणा अर्थमंत्र्यांनी केली. नागपूर पावसाळी अधिवेशनाचे सूप आज वाजले. नागपूरला अधिवेशन होऊनही विदर्भ व त्याचबरोबर मागास मराठवाड्याला काहीही मिळाले नाही, अशी टीका होत होती. या पार्श्‍वभूमीवर  अर्थमंत्री सुधीर मुनगंटीवार यांनी आज 22 हजार कोटींचे पॅकेज जाहीर केले. विदर्भ, मराठवाडा आणि उत्तर महाराष्ट्र या विभागांचा सर्वांगीण विकास ही आपल्या सरकारची प्राथमिकता आहे.
Saturday, July 21, 2018 AT 08:37 PM (IST)
लवकरच नवा कायदा : शिक्षणमंत्र्यांची घोषणा 5नागपूर, दि. 16 (प्रतिनिधी) : खाजगी कोचिंग क्लासेसनी शिक्षणाचा बाजार मांडला असून त्यांच्यावर नियंत्रण ठेवण्यासाठी कायदा करण्याचे काम सुरू आहे. इंटिग्रेटेड क्लासेसमुळे शाळांमधील उपस्थिती कमी झाली आहे. इंटिग्रेटेड कोचिंग क्लास पद्धतीला आळा घालण्यासाठी शाळांमध्ये बायोमेट्रिक हजेरी सक्तीची करण्यात येणार आहे. इंटिग्रेटेड कोचिंग क्लास चालवणार्‍या शाळांवर कारवाई करून प्रसंगी त्यांची मान्यताही रद्द केली जाईल, अशी घोषणा शालेय शिक्षणमंत्री विनोद तावडे यांनी केली आहे. राज्यभरात फुटलेले कोचिंग क्लासचे पेव, शाळांमधील कमी झालेली हजेरी, पालकांची होत असलेली प्रचंड लूट याविषयी भाजपच्या पराग अळवणी यांच्यासह 21 सदस्यांनी सोमवारी विधानसभेत लक्षवेधी सूचनेद्वारे चर्चा उपस्थित केली होती. इंटिग्रेटेड क्लासेसच्या नावाखाली राज्यात नवा धंदा सुरू झाला असून शाळेत जाण्याऐवजी अशा क्लासेसना प्रवेश घेणार्‍यांच्या संख्येत वाढ होत आहे. अनेक शाळांमधून ठरावीक क्लासमध्ये प्रवेश घेण्यास विद्यार्थ्यांवर सक्ती केली जात असून पालकांची व विद्यार्थ्यांची प्रचंड लूट होत आहे.
Tuesday, July 17, 2018 AT 08:33 PM (IST)
5नागपूर, दि. 10 (प्रतिनिधी) राज्यात दारुबंदी करण्याचा शासनाचा विचार नाही. मात्र, वर्धा, चंद्रपूर व गडचिरोली या जिल्ह्यांमधील दारुबंदी मागे घेतली जाणार नाही, असे उत्पादन शुल्क मंत्री चंद्रशेखर बावनकुळे यांनी आज विधानसभेत स्पष्ट केले चंद्रपूर जिल्ह्यातील दारुबंदीबाबत काँग्रेसच्या विजय वडेट्टीवार यांनी लक्षवेधी सूचनेच्या माध्यमातून विधानसभेत चर्चा उपस्थित केली होती. दारुबंदी असूनही चंद्रपुरात मोठ्या प्रमाणात बेकायदेशीर दारू विक्री सुरू आहे. अन्य राज्यातून, शेजारच्या जिल्ह्यातून मोठ्या प्रमाणावर दारू आणून ती अवैधरीत्या विकली जात आहे. कालच 1 कोटी 34 लाख रुपयांची दारू पकडल्याकडे वडेट्टीवार यांनी सभागृहाचे लक्ष वेधले. दारुबंदीचे धोरण फसल्याने या धोरणाचा पुनर्विचार करावा, अशी मागणी त्यांनी केली. मी दारुबंदीच्या विरोधात नाही परंतु ही बंदी केवळ कागदावर नको. चंद्रपूर येथील बंदीचा फेरविचार करा किंवा संपूर्ण राज्यात दारुबंदी करा, अशी मागणी वडेट्टीवार यांनी केली. याला उत्तर देताना उत्पादन शुल्क मंत्री बावनकुळे यांनी चंद्रपूर, गडचिरोली व वर्धा या जिल्ह्यातील दारुबंदी मागे घेतली जाणार नसल्याचे स्पष्ट केले.
Wednesday, July 11, 2018 AT 08:41 PM (IST)
1 2 3 4 5 ...
 
© Copyrights 2010 Dainik Aikya.com - All rights reserved.
of
Powered By: