Dainik Aikya - Published from Satara (Maharashtra,India) Published on,
 
Search Tag:     From Date:     To Date:     Section:    
Total Results: 62
5मुंबई, दि. 23 (प्रतिनिधी) : मराठा क्रांती ठोक मोर्चाद्वारे आम्ही 288 जागांवर उमेद्वार उभे करणार आहोत. आम्हाला आरक्षण दिले गेले, मात्र आजही मराठा समाजाच्या अनेक मागण्या प्रलंबित आहेत. विद्यार्थ्यांना त्रास सहन करावा लागतो आहे. प्रवेश प्रक्रियांमध्ये त्रृटी आहेत. त्यामुळेच येत्या विधानसभा निवडणुकीत मराठा क्रांती मोर्चा आपले उमेदवार उभे करणार असल्याची माहिती मराठा मोर्चाचे समन्वयक आबासाहेब पाटील यांनी दिली. शिवछत्रपतींचा आशीर्वाद घेऊन हे सरकार सत्तेवर आले. मात्र सत्तेवर आल्यावर या सरकारला मराठा समाजाला दिलेल्या आश्‍वासनांचा विसर पडला.    सत्ताधारी काय आणि विरोधक काय सगळे एकाच माळेचे मणी असल्याचीही प्रतिक्रिया पाटील यांनी दिली. गेल्या 30 वर्षांपासून अधिक काळ मराठा समाजाला आरक्षणाचे गाजर दाखवून फक्त राजकीय फायद्यासाठीच सर्व पक्ष या समाजाचा वापर करून घेत आहेत. केंद्रात आणि राज्यातले मराठा लोकप्रतिनिधीही मराठा समाजाच्या मागण्यांचा पाठपुरावा करत नाहीत. त्यामुळेच आम्हा मराठा क्रांती ठोक मोर्चातर्फेच निवडणुकीत उमेदवार उभे करण्याचा निर्णय  घेतल्याची माहिती मराठा क्रांती मोर्चातर्फे देण्यात आली.
Wednesday, July 24, 2019 AT 08:30 PM (IST)
5मुंबई, दि. 21 (प्रतिनिधी) : आगामी विधानसभा निवडणुकीत भाजप-शिवसेना महायुतीने 220 जागा जिंकल्याच पाहिजेत, तसा निर्धार करा आणि कामाला लागा, असे आवाहन भाजपचे नवनियुक्त प्रदेशाध्यक्ष चंद्रकांत पाटील यांनी केले. गोरेगाव येथील मुंबई प्रदर्शन केंद्रात आयोजित विशेष कार्य समितीच्या बैठकीला संबोधित करताना ते बोलत होते. ते म्हणाले, पंतप्रधान नरेंद्र मोदी यांना लोकसभा निवडणुकीत जनतेने भरभरुन आशीर्वाद दिले आहेत, आता पुन्हा एकदा आपल्याला जनतेकडे त्यांचे असेच भरभरुन आशीर्वाद मिळवण्यासाठी जायचे आहे. आगामी निवडणुकीत राज्यातील जनता आपल्या पाठीमागे नक्कीच ठामपणे उभी राहील. युतीचा निर्णय भाजप अध्यक्ष अमित शहा आणि मुख्यमंत्री देवेंद्र फडणवीस योग्य वेळी जाहीर करतील. तो निर्णय आपण त्यांच्यावर सोपवला पाहिजे. पण आपण सर्वांनी सर्व शक्तीनिशी कामाला लागले पाहिजे, असे ते म्हणाले.    गेल्या 70 वर्षांत काँग्रेसला जे जमले नाही, ते पंतप्रधान नरेंद्र मोदी आणि मुख्यमंत्री देवेंद्र फडणवीस यांनी करून दाखवले आहे. रेल्वेमधील शौचालये बायोटॉयलेटयुक्त करुन पंतप्रधान नरेंद्र मोदी यांनी मोठी क्रांती घडवली.
Monday, July 22, 2019 AT 08:32 PM (IST)
5मुंबई, दि. 19 (प्रतिनिधी) : एन्काऊंटर स्पेशालिस्ट प्रदीप शर्मा यांनी तडकाफडकी राजीनामा दिला आहे. 4 जुलै रोजी त्यांनी राजीनामा दिला आहे. तो अद्याप स्वीकारला गेला नाही. प्रदीप शर्मा ठाणे गुन्हे शाखेत कार्यरत होते. 2008 मध्ये प्रदीप शर्मा पोलीस दलातून निलंबित झाले होते. नऊ वर्षांच्या कालावधीनंतर म्हणजेच 2017 मध्ये ते पोलीस सेवेत पुन्हा रुजू झाले. 1983 मध्ये पोलीस दलात दाखल झालेले पोलीस अधिकारी प्रदीप शर्मा यांची कारकीर्द वादात राहिली. नव्वदच्या दशकात जेव्हा गुन्हेगारी टोळ्यांचे प्रमाण वाढले होते तेव्हा चकमकफेम प्रदीप शर्मा यांनी अनेक गुन्हेगारांना संपवले. प्रदीप शर्मा यांनी आतापर्यंत 100 पेक्षा जास्त गुन्हेगारांचे एन्काऊंटर केले आहे. रामनारायण गुप्ता उर्फ लखनभय्या याचे बनावट एन्काऊंटर आणि कुख्यात डॉन दाऊद इब्राहिमशी संबंध या आरोपांमुळे 2008 मध्ये शर्मा यांना निलंबित करण्यात आले होते. लखनभय्या एन्काऊंटर प्रकरणात प्रदीप शर्मा यांच्यासह 13 जणांना अटकही करण्यात आली होती. मात्र 2013 मध्ये मुंबई उच्च न्यायालयाने शर्मा यांची आरोपातून मुक्तता केली.
Saturday, July 20, 2019 AT 08:43 PM (IST)
5मुुंबई, (प्रतिनिधी) दि. 18 : भाजपचे पंतप्रधान नरेंद्र मोदी आणि पक्षाध्यक्ष अमित शाह या जोडीचा देशात हुकूमशाही आणण्याचा प्रयत्न आहे. पैसा आणि सत्तेचा गैरवापर करून विरोधी पक्षांची सरकारे पाडण्याचा त्यांचा प्रयत्न सुरू आहे. आमदार फोडण्यासाठी आणि त्यांची पंचतारांकित बडेजाव ठेवायला भाजपकडे एवढा पैसा कुठून आला असा सवाल उपस्थित करीत काँग्रेस पक्षाच्या सरकारांनी महाराष्ट्र घडवला आहे. त्यामुळे सर्वांनी एकत्रित प्रयत्न केल्यास राज्यात पुन्हा काँग्रेस सत्तेवर येईल, असा विश्‍वास अखिल भारतीय काँग्रेस कमिटीचे सरचिटणीस व महाराष्ट्राचे सहप्रभारी मल्लिकार्जुन खर्गे यांनी व्यक्त केला. महाराष्ट्र प्रदेश काँग्रेस कमिटीचे नवनियुक्त अध्यक्ष आमदार बाळासाहेब थोरात व नवनियुक्त कार्याध्यक्ष डॉ. नितीन राऊत, आमदार बसवराज पाटील, आमदार डॉ. विश्‍वजित कदम, आमदार यशोमती ठाकूर, मुजफ्फर हुसेन यांचा पदग्रहण    सोहळा यशवंतराव चव्हाण प्रतिष्ठान येथे मावळते प्रदेशाध्यक्ष अशोक चव्हाण यांच्या उपस्थितीत पार पडला. त्यानंतर काँग्रेस पदाधिकारी व कार्यकर्त्यांना मार्गदर्शन करताना खर्गे बोलत होते.
Friday, July 19, 2019 AT 08:35 PM (IST)
5मुंबई, दि. 17 (प्रतिनिधी) : डोंगरी येथील इमारत दुर्घटनेच्या पार्श्‍वभूमीवर मुख्यमंत्री देवेंद्र फडणवीस यांनी बुधवारी मुंबईतील धोकादायक इमारतींबाबत आढावा बैठक घेतली. मुंबईतील ज्या इमारती मोडकळीस आल्या आहेत त्यांचे क्लस्टर करून तसेच पुनर्विकासातील सर्व अडथळे दूर करण्यासाठी सर्वंकष कायदा करण्याबाबत निर्देश मुख्यमंत्र्यांनी यावेळी दिले. अशा इमारतींचा पुनर्विकास म्हाडाद्वारे करतानाच सध्या जे रहिवासी अशा इमारतीत राहत आहेत, त्यांच्या निवासाची पर्यायी व्यवस्था करणे, तसे न करता आल्यास दोन वर्षांचे भाडे देणे तसेच  रिट ज्युरिडिक्शन वगळता अन्य सर्व कायदेविषयक गतिरोध दूर करणे, अशा ठोस तरतुदी करण्याचे निर्देशही मुख्यमंत्र्यांनी दिले आहेत. बैठकीस गृहनिर्माण मंत्री राधाकृष्ण विखे-पाटील, जलसंपदा मंत्री गिरीश महाजन, उद्योगमंत्री सुभाष देसाई, आमदार अमीन पटेल, विनोद घोसाळकर, मुंबई महापालिका आयुक्त प्रवीण परदेशी, गृहनिर्माण विभागाचे अपर मुख्य सचिव संजयकुमार, म्हाडाचे उपाध्यक्ष मिलिंद म्हैसकर, मुंबई पोलीस आयुक्त संजय बर्वे आदी यावेळी उपस्थित होते.
Thursday, July 18, 2019 AT 08:35 PM (IST)
1 2 3 4 5 ...
 
© Copyrights 2010 Dainik Aikya.com - All rights reserved.
of
Powered By: