Dainik Aikya - Published from Satara (Maharashtra,India) Published on,
 
Search Tag:     From Date:     To Date:     Section:    
Total Results: 73
5भोपाळ, दि. 18 (वृत्तसंस्था) : मध्य प्रदेश काँग्रेस कमिटीच्या ‘चौकीदार चोर है’ या प्रचार मोहिमेवर निवडणूक आयोगाने बंदी घातली आहे. भाजपच्या तक्रारीनंतर ही कारवाई करण्यात आली आहे. काँग्रेसने ‘चौकीदार चौर है’ अशी घोषणा असलेल्या ध्वनिफित आणि चित्रफितीचा भाजपविरोधात प्रचारासाठी वापर सुरू केला होता. मात्र, या जाहिरातीला निवडणूक आयोगाच्या माध्यम प्रमाणपत्र आणि छाननी समितीने दिलेली मान्यता रद्द करण्यात आली आहे. ‘चौकीदार चोर है’ या जाहिरातीवर आक्षेप घेऊन भाजपने निवडणूक आयोगाकडे तक्रार केली होती. ही जाहिरात बदनामकारक, आक्षेपार्ह आहे. यामध्ये ‘चौकीदारा’चा संदर्भ पंतप्रधान नरेंद्र मोदींचा आहे. त्यामुळे या मोहिमेवर बंदी घालण्याची मागणी भाजपने केली होती. या तक्रारीनंतर मध्य प्रदेशचे सहाय्यक मुख्य निवडणूक अधिकारी राजेश कौल यांनी या जाहिरातीच्या प्रसारणावर बंदी घातली.  निवडणूक आयोगाने घालून दिलेल्या नियमानुसार काँग्रेसविरोधात तत्काळ कारवाई करण्याचे आदेश देण्यात आले असून या जाहिरातीवरून काँग्रेसला ही जाहिरात कोणत्याही माध्यमातून प्रसारित करण्यासही मनाई करण्यात आली आहे.
Friday, April 19, 2019 AT 08:36 PM (IST)
राज्यातील दहा मतदारसंघ दिग्गजांची प्रतिष्ठा पणाला 5मुंबई, दि. 17 (प्रतिनिधी) : लोकसभा निवडणुकीच्या दुसर्‍या टप्प्यात उद्या, दि. 18 रोजी 13 राज्यांमधील 97 मतदारसंघांमध्ये मतदान होणार असून त्यात महाराष्ट्रातील दहा मतदारसंघांचा समावेश आहे. राज्यातील सुमारे एक कोटी 85 लाख मतदार आपला कौल देणार आहेत. उद्याच्या मतदानासाठी सर्व यंत्रणा सज्ज असून माजी मुख्यमंत्री अशोक चव्हाण, सुशीलकुमार शिंदे या दोन माजी मुख्यमंत्र्यांसह माजी केंद्रीय राज्यमंत्री आनंदराव अडसूळ, माजी खासदार अ‍ॅड. प्रकाश आंबेडकर, डॉ. प्रीतम मुंडे आदी दिग्गजांची प्रतिष्ठा पणाला लागली आहे. लोकसभा निवडणुकीच्या दुसर्‍या टप्प्यात आसाम, बिहार, छत्तीसगड, जम्मू-काश्मीर, कर्नाटक, महाराष्ट्र, मणिपूर, ओडिशा, पुडूचेरी, तामिळनाडू, त्रिपुरा, उत्तर प्रदेश आणि पश्‍चिम बंगाल या 13 राज्यांमधील 97 मतदारसंघांमध्ये गुरुवारी मतदान होत आहे. यामध्ये महाराष्ट्रातील बुलढाणा, अकोला, अमरावती, हिंगोली, नांदेड, परभणी, बीड, उस्मानाबाद, लातूर आणि सोलापूर अशा दहा मतदारसंघांचा समावेश आहे. या सर्व दहा ठिकाणी चुरशीच्या लढती असल्याने उद्याच्या मतदानाकडे सर्वांचे लक्ष लागले आहे.
Thursday, April 18, 2019 AT 08:53 PM (IST)
5अकलूज, दि. 16 (प्रतिनिधी) : पंतप्रधान नरेंद्र मोदी यांची उद्या, दि. 17 रोजी सकाळी अकलूज येथे जाहीर सभा होणार आहे. माढा लोकसभा मतदारसंघातील भाजप-शिवसेना महायुतीचे उमेदवार रणजितसिंह नाईक-निंबाळकर यांच्या प्रचारासाठी ही सभा होत असून या सभेचे आयोजन करताना पक्षाने खूप विचार केलेला दिसत आहे. पंतप्रधानांची सभा सोलापूर जिल्ह्यात होत असली तरी प्रचार संपलेल्या सोलापूर लोकसभा मतदारसंघात सभेचे ठिकाण येत नाही. मात्र, याचा फायदा भाजपला सोलापूर मतदारसंघात होऊ शकतो. पंतप्रधानांची ही सभा माढा, बारामतीसह पश्‍चिम महाराष्ट्रातील सातारा, सांगली व पुणे या लोकसभा मतदारसंघांमध्येही भाजपला उपयोगी ठरू शकते. सोलापूर लोकसभा मतदारसंघातील प्रचाराची आज सांगता झाली. तेथे गुरुवार, दि. 18 रोजी मतदान होत आहे. त्याच्या आदल्या दिवशीच पंतप्रधान मोदींची अकलूज येथे सभा होत आहेत. यावर विरोधकांनी निवडणूक आयोगाकडे आक्षेप नोंदवला होता. मात्र, त्याचा उपयोग झाला नाही. अकलूज हे ठिकाणी माढा मतदारसंघात असून येथे 23 एप्रिल रोजी मतदान आहे परंतु अकलूजमध्ये होणार्‍या या सभेचा उपयोग भाजपला सोलापूर मतदारसंघातही होण्याची शक्यता आहे.
Wednesday, April 17, 2019 AT 08:49 PM (IST)
अशोक चव्हाण, सुशीलकुमार शिंदे यांची प्रतिष्ठा पणाला 5मुंबई, दि. 15 (प्रतिनिधी) : लोकसभा निवडणुकीच्या दुसर्‍या टप्प्यात गुरुवारी (दि. 18 एप्रिल) राज्यातील दहा मतदारसंघांमध्ये मतदान होणार असून तेथील प्रचाराची रणधुमाळी मंगळवारी सायंकाळी समाप्त होईल. या दहा मतदारसंघांत काँग्रेसचे प्रदेशाध्यक्ष अशोक चव्हाण (नांदेड), माजी केंद्रीय गृहमंत्री सुशीलकुमार शिंदे, वंचित बहुजन आघाडीचे नेते प्रकाश आंबेडकर (सोलापूर) आदी दिग्गजांच्या भवितव्याचा फैसला होणार आहे. महाराष्ट्रात लोकसभेसाठी चार टप्प्यात मतदान होत आहे. पहिल्या टप्प्यात विदर्भातील सात मतदारसंघांमध्ये 11 एप्रिल रोजी मतदान झाले. आता दुसर्‍या टप्प्यात 18 एप्रिल रोजी बुलढाणा, अकोला, अमरावती, हिंगोली, नांदेड, परभणी, बीड, उस्मानाबाद, लातूर व सोलापूर या दहा लोकसभा मतदारसंघांमध्ये मतदान होणार आहे. नांदेडमध्ये काँग्रेसचे प्रदेशाध्यक्ष अशोक चव्हाण यांच्यासमोर भाजपचे प्रतापराव पाटील-चिखलीकर यांचे आव्हान आहे. नांदेड हा काँग्रेसचा बालेकिल्ला म्हणून ओळखला जातो. 2014 च्या निवडणुकीत मोदी लाटेतही अशोक चव्हाण यांनी हा गड राखला होता.
Tuesday, April 16, 2019 AT 08:52 PM (IST)
5नवी दिल्ली, दि. 14 (वृत्तसंस्था) : हैदराबादमधील सायबराबाद पोलिसांनी युआयडीएआयने दिलेल्या तक्रारीनंतर माहिती तंत्रज्ञान कंपनी आयटी ग्रिड्स (इंडिया) विरोधात तेलंगणा आणि आंध्र प्रदेशातील 7.8 कोटींहून अधिक लोकांच्या आधार कार्डची माहिती बेकायदेशीरपणे आपल्याकडे ठेवल्या प्रकरणी गुन्हा दाखल केला आहे. दोन्ही राज्यातील एकूण लोकसंख्या जवळपास 8.4 कोटी आहे. कंपनी आधार कार्डचा हा डेटा टीडीपी पक्षाचे सेवा मित्र अ‍ॅप डेव्हलप करण्यासाठी वापरत होती. एफआयआरनुसार हा संपूर्ण डेटा एका रिमूव्हेबल स्टोरेज डिव्हाईसमध्ये ठेवण्यात आला होता. हे आधार अ‍ॅक्टचे उल्लंघन आहे. फॉरेन्सिक तंज्ञांनी संशय व्यक्त केला आहे, की हा डेटा सेंट्रल डेटा रिपॉजिटरी किंवा स्टेट डेटा हबद्वारे बेकायदेशीरपणे मिळवण्यात आला असावा. सुत्रांनी दिलेल्या माहितीनुसार हे प्रकरण कथित डेटा चोरी प्रकरणांचा तपास करणार्‍या एसआयटीकडे सोपवले जाऊ शकते.
Monday, April 15, 2019 AT 09:04 PM (IST)
1 2 3 4 5 ...
 
© Copyrights 2010 Dainik Aikya.com - All rights reserved.
of
Powered By: