Dainik Aikya - Published from Satara (Maharashtra,India) Published on,
 
Search Tag:     From Date:     To Date:     Section:    
Total Results: 90
5मुंबई, दि. 22 (प्रतिनिधी) : आषाढी वारी ही महाराष्ट्राची उज्ज्वल परंपरा आहे. जनतेच्यावतीने विठ्ठलाचा सेवक म्हणून राज्याच्या मुख्यमंत्र्याला येथे मुख्य शासकीय पूजेचा मान दिला जातो. या वारीला आणि भागवत धर्माला छत्रपती शिवाजी महाराजांनी देखील संरक्षण दिले होते. मात्र, आता काही लोक यात व्यत्यय आणण्याचा प्रयत्न करत आहेत. त्यामुळे मला महापूजेसाठी पंढरपुरात जाण्यापासून रोखणारे छत्रपती शिवाजी महाराजांचे मावळे नाहीत, अशा शब्दांत मुख्यमंत्री देवेंद्र फडणवीस यांनी नाराजी व्यक्त केली. मुख्यमंत्री म्हणाले, आषाढी एकादशीची शासकीय पूजा मुख्यमंत्र्यांनी करावी, अशी परंपरा आहे. मात्र, यावर्षी काही संघटनांनी मी पूजा करायला जाऊ नये, अशी भूमिका घेतली आहे. मात्र, त्यांची ही भूमिका चुकीची आहे. वारकर्‍यांना वेठीस धरुन अशा मागण्या करणे योग्य नाही. विठ्ठलाची पूजा करण्यापासून मला कोणीही रोखू शकत नाही. मात्र, 10 लाख लोकांच्या जीवाला धोका असल्याने मी न जाण्याचा निर्णय घेतला आहे. आषाढीच्या दिवशी वारकर्‍यांमध्ये काही लोक घुसून चेंगराचेंगरी घडवण्याचा डाव असल्याचे पोलिसांकडून माहिती मिळत आहे.
Monday, July 23, 2018 AT 08:35 PM (IST)
5नवी दिल्ली, दि. 20 (वृत्तसंस्था) : तेलगू देसमने भाजपप्रणित रालोआ सरकारविरोधात लोकसभेत मांडलेला अविश्‍वास प्रस्ताव प्रचंड बहुमताने फेटाळण्यात आला. आधी आवाजी मतदानानंतर लोकसभा अध्यक्ष सुमित्रा महाजन यांनी मतविभागणी केली. मतदानावेळी सभागृहात 451 खासदार हजर होते. त्यापैकी 325 खासदारांनी अविश्‍वास प्रस्तावाच्या विरोधात तर फक्त 126 खासदारांनी प्रस्तावाच्या बाजूने मतदान केल्याने हा प्रस्ताव फेटाळला गेला. लोकसभेत 10 जागा रिक्त असल्याने सध्या सभागृहाचे संख्याबळ 534 आहे. त्यामुळे अविश्‍वास प्रस्ताव फेटाळण्यासाठी सरकारला 268 खासदारांचे पाठबळ पुरेसे होते. मात्र, रालोआ किंवा यूपीए या दोन्हीपैकी कोणत्याच आघाडीत नसलेल्या पक्षांच्या 15 खासदारांनी सरकारच्या बाजूने मतदान केले तर शिवसेनेच्या 18 खासदारांसह 83 खासदारांनी सभात्याग केला. तत्पूर्वी, अविश्‍वास प्रस्तावावर सुमारे 12 तास चाललेल्या चर्चेला उत्तर देताना पंतप्रधान नरेंद्र मोदी यांनी काँग्रेससह रालोआतून फुटलेल्या तेलगू देसमचे अक्षरश: वाभाडे काढत आगामी लोकसभा निवडणुकीच्या प्रचारात कोणते मुद्दे असतील, याची अप्रत्यक्ष मांडणीच सभागृहात केली.
Saturday, July 21, 2018 AT 08:32 PM (IST)
दूध संस्थांना 5 रुपये अनुदान स्वाभिमानीचे आंदोलन मागे 5नागपूर, दि. 19 (प्रतिनिधी) : दूध उत्पादक शेतकर्‍यांच्या आंदोलनाचा वणवा पसरत चालल्याने सरकारने आज एक पाऊल मागे घेत सहकारी व खाजगी दूध संस्थांना प्रतिलिटर पाच रुपये रूपांतरण अनुदान देण्याची घोषणा केली. मात्र, शेतकर्‍यांना किमान 25 रुपये प्रतिलिटर दर देणार्‍या संस्थांनाच हे अनुदान मिळणार असून पिशवीबंद दूध वगळून केवळ उर्वरित दुधासाठीच अनुदान दिले जाणार आहे. पशुसंवर्धन मंत्री महादेव जानकर यांनी विधानसभेत ही घोषणा केली. या निर्णयानंतर खा. राजू शेट्टी यांनी मुख्यमंत्री देवेंद्र फडणवीस यांची नागपूर येथे भेट घेऊन दूध बंद आंदोलन मागे घेण्याची घोषणा केली. 10 जुलै राजी झालेल्या बैठकीत दुधाच्या निर्यातीसाठी 5 रुपये प्रती लिटर व दूध भुकटीच्या निर्यातीसाठी 50 रुपये प्रतिकिलो प्रोत्साहनपर अनुदान देण्याचा निर्णय घेण्यात आला होता परंतु हा निर्णय फेटाळून लावत खा. राजू शेट्टी यांनी आंदोलन सुरुच ठेवले होते.
Friday, July 20, 2018 AT 08:26 PM (IST)
मुख्य संशयिताला पोलीस कोठडी धक्कादायक घटनेने खळबळ 5सातारा, दि. 18 : एमआयडीसीमधील एका कंपनीमध्ये एकत्र काम करत असताना ओळख वाढवून एक महिलेच्या घरात जबरदस्तीने  घुसून तिच्यावर बलात्कार करून त्याचा व्हिडिओ  एकाने बनावला होता. त्यापुढे जावून त्याने त्या महिलेच्या विवाहानंतर तिला 10 लाख रुपये मागत पुन्हा शरीरसुखाची मागणी केल्याची धक्कादायक घटना घडली आहे. या प्रकरणी संशयित अशोक तुळशीदास यादव (रा.खिंडवाडी, ता.सातारा) याच्याविरुद्ध शहर पोलीस ठाण्यात गुन्हा दाखल झाला असून त्याला अटक करण्यात आली आहे. या घटनेमुळे सातार्‍यात खळबळ उडाली आहे. याबाबत पोलिसांनी दिलेली माहिती अशी, तक्रारदार महिला विवाहिता आहे. 2008 मध्ये तक्रारदार त्यावेळी सातारा एमआयडीसीमधील एका कंपनीमध्ये कामाला होती. संशयित हा त्या कंपनीमध्ये सिनिअर क्वालिटी कंट्रोल ऑफिसर होता. महिला कामाला लागल्यानंतर संशयित अशोक यादव त्या महिलेला वरिष्ठ अधिकारी असल्याने त्याने जवळीक साधण्याचा प्रयत्न केला. अशोक यादव हा वारंवार महिलेचा पाठलाग करून तिला दुचाकीवरून लिफ्ट देण्याचा बहाणा करत होता तसेच त्याने तिला लग्नाचीही मागणी घातली.
Thursday, July 19, 2018 AT 08:36 PM (IST)
दरवाजे दोन फुटांनी उघडले कोयना-केरा नद्यांना पूर, नदीकाठावरील गावांना सतर्कतेचा इशारा 5पाटण, दि. 17 : पाटण तालुक्यासह कोयना धरण पाणलोट क्षेत्रात धुवाँधार पर्जन्यवृष्टी होत असल्याने शिवसागर जलाशयातील पाण्याची आवक मोठ्या प्रमाणात वाढली आहे. जलाशयात प्रतिसेकंद 78 हजार 445 क्युसेक्स पाण्याची आवक होत असून 105.26 टीएमसी क्षमता असलेल्या धरणात 78 टीएमसी पाणीसाठा झाला आहे. धरणातील पाण्यावर नियंत्रण ठेवण्यासाठी मंगळवारी दुपारी 4 वाजून 2 मिनिटांनी सहा वक्र दरवाजे दोन फुटांनी उचलून 5 हजार 788 क्युसेक्स प्रतिसेकंद व धरणाच्या पायथा विद्युतगृहातून 2 हजार 100 क्युसेक्स, असा एकूण 7 हजार 888 क्युसेक्स पाण्याचा विसर्ग सुरू करण्यात आल्याने कोयना नदीला पूर आला आहे. नदीकाठावरील गावांना सतर्कतेचा इशारा देण्यात आला आहे. धरणात गेल्या 24 तासांत 7 टीएमसी पाण्याची आवक झाली असून धरण 78 टक्के भरले आहे. पाणी सोडताना कोयना धरण प्रकल्पाच्या अधीक्षक अभियंता वैशाली नारकर, कार्यकारी अभियंता कुमार पाटील, उपविभागीय अभियंता एस. ए. मोरे, सहाय्यक अभियंता मयूर शेंडगे, आर. बी. जमाते, प्रकल्पाचे अधिकारी, कर्मचारी उपस्थित होते.
Wednesday, July 18, 2018 AT 08:19 PM (IST)
1 2 3 4 5 ...
 
© Copyrights 2010 Dainik Aikya.com - All rights reserved.
of
Powered By: