Dainik Aikya - Published from Satara (Maharashtra,India) Published on,
 
Search Tag:     From Date:     To Date:     Section:    
Total Results: 37
5सातारा, दि. 18 : सातारा जिल्ह्यामध्ये विविध सहकारी संस्थांच्या माध्यमातून गेल्या पाच दशकांहून अधिक काळ विकासाभिमुख काम करणारे माजी सहकार मंत्री विलासराव पाटील-उंडाळकर यांचा सातारा जिल्हा मध्यवर्ती सहकारी बँकेच्या संचालकपदाच्या 5 दशकांच्या वाटचालीचा सुवर्णमहोत्सवी सेवाकार्याचा यथोचित गौरव समारंभ व सहकार परिषद रविवार, दि. 21 जानेवारी रोजी दुपारी 2 वाजता बँकेच्या यशवंतराव चव्हाण सभागृहात होणार आहे. सहकार परिषदेचे अध्यक्षस्थान विलासराव पाटील-उंडाळकर भूषविणार असून यावेळी प्रमुख अतिथी म्हणून ज्येष्ठ अर्थतज्ञ प्रा. डॉ. जे. एफ. पाटील, माजी आयुक्त दिनेश ओऊळकर उपस्थित राहणार आहेत. परिषद जिल्हा सहकारी बँकेचे माजी संचालक, विद्यमान संचालक, माजी अधिकारी, सोसायट्यांचे चेअरमन,गट सचिव व सहकारातील कार्यकर्ते इत्यादींसाठी आयोजितकेली आहे.  या समारंभाचे संयोजन सातारा जिल्हा सहकार परिषद व माजी सेवक, जिल्ह्यातील सर्व विकास सेवा सोसायट्यांचे चेअरमन व सचिव यांनी केले आहे.
Friday, January 19, 2018 AT 08:33 PM (IST)
5सातारा, दि. 12 : सोनगाव ते खिंडवाडी, ता. सातारा रस्त्यावर शुक्रवारी सकाळी 7 वाजता झालेल्या अपघातात दुचाकीस्वार शिवाजी अशोक साळुंखे (वय 27, मूळ रा. चिलेवाडी, ता. कोरेगाव सध्या रा. आळजापूर, ता. फलटण) हा ठार झाला.    अपघातात रस्त्याकडेला दुचाकी गेल्याने शिवाजी गंभीर जखमी झाला व त्यातच त्याचा मृत्यू झाला. शिवाजी हा हल्ली आळजापूर येथे मामाच्या गावी राहत होता.
Saturday, January 13, 2018 AT 09:01 PM (IST)
करणार्‍या पाच जणांवर गुन्हा 5सातारा, दि. 10 : अपारंपरिक ऊर्जा वापरण्यासाठी नेट मीटरिंग बसवून देवून शासकीय अनुदानही मिळवून देतो, असे आमिष दाखवून निवृत्त उपजिल्हाधिकार्‍याची 2 लाख रुपयांची फसवणूक करणार्‍या पाच जणांवर सातारा शहर पोलीस ठाण्यात गुन्हा दाखल करण्यात आला आहे. तक्रार देण्यासाठी जाताना फिर्यादीला संशयितांनी जीवे मारण्याचीधमकी दिल्यानेखळबळ उडाली आहे. या प्रकरणात गुन्हा दाखल झालेल्यांची रमाकांत श्रीरंग कात्रे (एमआयडीसी), आनंदा हरीबा संकपाळ (मु.पो.वेंगळे, ता. महाबळेश्‍वर), प्रमोद हणमंत मुळीक (रा.अपशिंगे, ता. कोरेगाव), गणेश दिलीप पाचंगे (केसरकर कॉलनी) व अजिंक्य प्रताप भोसले (आष्टे, ता.सातारा) यांच्यावर फसवणुकीचा गुन्हा दाखल झाला आहे. या प्रकरणी निवृत्त उपजिल्हाधिकारी सदाशिव मारुती जाधव (वय 75, रा.विलासपूर, ता.सातारा) यांनी तक्रार दिली आहे. याबाबत अधिक माहिती अशी, तक्रारदार सदाशिव जाधव व रमाकांत कात्रे यांची ओळख आहे. कात्रे याने तक्रारदार यांना नेट मीटरिंग बसवून घेण्याची गळ घातली व त्यासाठी ऊर्जा किरणसोलर सिस्टीम ही त्याची स्वत:चीभागीदारीतील कंपनी असल्याचे सांगितले.
Thursday, January 11, 2018 AT 08:41 PM (IST)
5सातारा, दि. 5 : आज समाजात दगड देणारे हात वाढताहेत. ग्रंथ महोत्सव मात्र लोकांना पुस्तक हातात देतोय. माणसांना एकमेकांविरुध्द उभे करुन राष्ट्र घडणार नाही. एकोप्याने राष्ट्र घडेल. परस्परांना समजून घेण्याने समाज पुढे जात असतो. समाज तोडण्यापेक्षा जोडण्याची गरज आहे,  असे प्रतिपादन ज्येष्ठ पत्रकार विजय कुवळेकर यांनी केले.   ग्रंथमहोत्सवाचे उद्घाटन कुवळेकर यांच्या हस्ते झाले. त्यावेळी ते बोलत होते. यावेळी शिक्षण संचालक दिनकर पाटील, ग्रंथ महोत्सवाचे अध्यक्ष शंकर सारडा, कार्यवाह प्राचार्य डॉ. यशवंत पाटणे, शिरीष चिटणीस, डॉ. राजेंद्र माने, उपशिक्षणाधिकारी राजकुमार निकम,    प्रदीप कांबळे, साहेबराव होळ, डॉ. संदीप श्रोत्री, वि. ना. लांडगे यांच्यासह मान्यवर उपस्थित होते.  विजय कुवळेकर पुढे म्हणाले, ग्रंथ वाचनाची परंपरा गेल्या अनेक वर्षापासूनची आहे. ग्रंथांचा प्रसार व्हावा आणि त्याचा प्रचार व्हावा यासाठी ग्रंथ महोत्सवाची सुरुवात सातार्‍यात झाली. ग्रंथमहोत्सव गेली 18 वर्ष जिल्हा परिषदेच्या मैदानावर होतोय. हा महोत्सव अखंडपणे सुरु ठेवला आहे. वाचनांची संस्कृती रुजवण्याचे हे चांगले काम आहे.
Saturday, January 06, 2018 AT 09:04 PM (IST)
महिला नगरसेविकेची मागणी वसंत लेवे यांच्या कृतीवर बोट 5सातारा, दि. 4 : सातारा नगरपालिकेत होणार्‍या सभेतील कामकाजात सहभागी होण्यासाठी आम्ही असुरक्षित आहोत व तेथे भीतीचे वातावरण आहे, असा जोरदार आरोप भाजपच्या नगरसेविका सौ. सिध्दी पवार यांनी केला आहे. हा आरोप करताना त्यांनी थेट सातारा विकास आघाडीचे पालिकेतील आरोग्य समितीचे सभापती वसंत लेवे यांच्या कृतीवर बोट ठेवले आहे. त्यामुळे खळबळ उडाली आहे. याबाबत त्यांनी थेट जिल्हा पोलीस अधीक्षक संदीप पाटील यांच्याकडे धाव घेवून अर्ज दिल्याने पोलीस काय भूमिका घेणार हा महत्त्वाचा प्रश्‍न आहे. नगरसेविका सौ. सिध्दी पवार यांनी गुरुवारी जिल्हा पोलीस अधीक्षकांना दिलेल्या निवेदनात म्हटले आहे की, सातारा नगरपालिकेच्या दि. 2 नोव्हेंबर रोजी झालेल्या सर्वसाधारण सभेच्या सदस्यांच्या वादावादीमध्ये वसंत लेवे यांनी केलेल्या वादावादी व धक्काबुक्कीमुळे सभागृहात आम्हाला महिला म्हणून असुरक्षित वाटते. सभागृहात असुरक्षित आणि भीतीचे वातावरण तयार झाले आहे.
Friday, January 05, 2018 AT 08:52 PM (IST)
1 2 3 4 5 ...
 
© Copyrights 2010 Dainik Aikya.com - All rights reserved.
of
Powered By: