Dainik Aikya - Published from Satara (Maharashtra,India) Published on,
 
Search Tag:     From Date:     To Date:     Section:    
Total Results: 49
5सातारा, दि. 18 : दत्तनगर, कोडोली येथे सम्राट विजय निकम (वय 27), रा. कोडोली याचा मंगळवारी दुपारी 4 वाजण्याच्या सुमारास कोयत्यासारख्या हॉकी स्टिकनेे वार करून खून केल्या प्रकरणी आज आणखी दोन जणांना ताब्यात घेतले आहे. याबाबत अधिक माहिती अशी, 3 दिवसांपूर्वी सम्राट निकम हा दुपारी 4 वाजण्याच्या सुमारास पेट्रोल पंपावरून निघाला होता. त्यावेळी एका टोळक्याने हॉकी स्टिकने हल्ला चढवला. सम्राट याने हल्लेखोरांना प्रतिकार करण्याचा प्रयत्न केला मात्र हल्लेखोर एकामागोमाग सपासप वार करत होते. सम्राट याचा मोठ्या प्रमाणात रक्तस्राव झाला व तो जागीच कोसळला. हल्ल्यानंतर हल्लेखोर हत्यारे तेथेच टाकून पळून गेले.    खून प्रकरणी पोलिसांनी संशयिताच्या शोधार्थ तातडीने पथके रवाना करण्यात आली आहेत. पोलिसांनी बुधवारी रात्री उशिरा मयूर जाधव आणि सौरभ जाधव यांना अटक केली होती. आज आणखी दोन जणांना ताब्यात घेतले आहे. त्यांची नावे रात्री उशिरापर्यंत समजू शकली नाहीत.
Saturday, January 19, 2019 AT 08:46 PM (IST)
  5सातारा, दि. 16 : एका खासगी क्लासला गेल्यानंतर सातार्‍यातील  कार चालकाने अल्पवयीन मुलीला धमकी देवून, कर्नाटक राज्यात नेवून, अत्याचार करून, मारहाण केल्या प्रकरणी सदाशिव बसाप्पा ढाले (वय 32), मूळ रा. हडगली, तांडा जि.विजापूर, कर्नाटक याला जिल्हा न्यायाधीश  ए. ए. जे. खान यांनी 7 वर्षांची सक्तमजुरीची शिक्षा ठोठावली. पोक्सो प्रकरणी ही शिक्षा लागली असून आरोपीने मूळ गावी नेवून दोन दिवस मुलीवर अत्याचार करून छळ केला होता. याबाबत अधिक माहिती अशी, सातार्‍यातील 17 वर्षीय अल्पवयीन मुलगी एका खासगी क्लासला जात होती. यावेळी त्या क्लास चालकाचा कार चालक सदाशिव ढाले कामाला होता. दि. 14 एप्रिल 2017 रोजी यातील पीडित मुलगी क्लासला गेल्यानंतर त्या ठिकाणी सदाशिव ढाले याने मुलीचे अपहरण केले. दुचाकीवर जबरदस्तीने बसवून तिला नेले. यावेळी मुलीने आरडाओरडा केल्यानंतर सदाशिव ढाले याने मुलीला धमकी दिली, की ‘तू जर सोबत नाही आली तर तुझ्या वडील व काकांनी मारहाण केली असल्याची चिठ्ठी लिहून आत्महत्या करेन,’ अशी धमकी दिली. यामुळे मुलगी घाबरली. सदाशिव ढाले याने मुलीला त्याच्या मूळ गावी नेले व दि.
Thursday, January 17, 2019 AT 09:05 PM (IST)
5सातारा, दि. 10 : सातार्‍यात बहुचर्चित ठरू लागलेल्या ग्रेड सेपरेटरचे काम गतीने सुरू असले तरी या कामामुळे बंद पडू पाहणार्‍या अनेक टपर्‍या, छोट्या दुकानांचे पुनर्वसन होणार की नाही  याबाबत व्यावसायिकांचे सातारा पालिकेच्या भूमिकेकडे लक्ष लागून राहिले आहे. ग्रेड सेपरेटरच्या कामामुळे सध्या अनेक छोट्या व्यावसायिकांवर उपासमारीची वेळ आली आहे. त्यांचे पुनर्वसन केले नाही तर कुटुंब जगवायचे तरी कसे या प्रश्‍नाने अनेकांची झोप उडाली आहे. सातार्‍यात विशेष करून पोवई नाक्यावर सातत्याने होणार्‍या वाहतूक कोंडीवर उतारा म्हणून ग्रेड सेपरेटरचे काम मंजूर झाले, प्रत्यक्षात कामही सुरू झाले असून ते जवळपास 40 टक्के पूर्ण झाले आहे. दिवाळीपूर्वी या कामामुळे पोवई नाक्यावरून पोलीस मुख्यालयाकडे जाणारा मार्ग बंद ठेवण्यात आल्याने कासट मार्केट परिसरात असणार्‍या दुकानदारांचे मोठे आर्थिक नुकसान झाले होते. दुकानदारांमधून नाराजी व्यक्त होताच दिवाळीच्या तोंडावर तो रस्ता सुरू  करण्यात आला. मिळालेल्या माहितीनुसार त्या काळात दुकानदारांचे सुमारे 25 ते 30 कोटी रुपयांचे नुकसान झाले होते.
Friday, January 11, 2019 AT 09:07 PM (IST)
5सातारा, दि. 8 : लिंब येथील प्रसिध्द व्यापारी सागर विष्णूपंत खादगे, वय 32, रा. लिंब हे  रामनगर परिसरातील आंधळ्या वळणावर अपघातात जागीच ठार झाले.  सातारा शहराजवळील रामनगर येथील आंधळ्या वळणावर अज्ञात वाहनाच्या धडकेत सायं. 5 वा. लिंब येथील प्रसिद्ध व्यापारी सागर विष्णूपंत खादगे, वय 32, रा. लिंब. (ता. सातारा) यांचे जागेवर अपघाती निधन झाले. रामनगर परिसरातील आंधळ्या वळणावर पाठी मागून आलेल्या अज्ञाताने सागर यांच्या ज्युपिटर या दुचाकी गाडीला जोराची धडक मारल्याने अपघात घडला. धडक इतकी जोराची होती की त्यांचा जागेवरच मृत्यू झाला. घटना घडल्यानंतर येथील नागरिकांनी गौरीशंकरची रुग्णवाहिका बोलावून जिल्हा रुग्णालय, सातारा येथे तातडीने त्यांना हलवले.    येथे आणण्याआधीच त्यांचा मृत्यू झाला होता. त्यांना 3 बहिणी ,आई, असा परिवार आहे. आपल्या दुचाकीवरून साताराकडे येत असताना रामनगर जवळ अज्ञात वाहनाने पाठीमागून धडक दिल्याने सागर खादगे यांचा दुर्दैवी मृत्यू झाल्याने लिंब गावावर शोककळा पसरली आहे.  जिल्हा शासकीय रुग्णालयात ग्रामस्थांनी गर्दी केली होती.
Wednesday, January 09, 2019 AT 08:37 PM (IST)
5सातारा, दि. 7 : विवाहित युवकाला पोक्सोअंतर्गत तिसरे अतिरिक्त जिल्हा व सत्र न्यायाधीश आर. डी. देशपांडे यांनी 10 वर्षांचा सश्रम कारावास आणि 500 रुपये दंडाची शिक्षा सुनावली. अक्षय अविनाश चव्हाण असे शिक्षा सुनावण्यात आलेल्या आरोपीचे नाव आहे. याबाबत अधिक माहिती अशी की, अल्पवयीन मुलीला वडील आणि सावित्रआई आहे, मात्र ती सातारा शहर परिसरातील एका गावात आपल्या आजीसमवेत राहत होती. अल्पवयीन मुलीच्या शेजारी आरोपी अक्षय अविनाश चव्हाण (वय 25) हा भाड्याने रहायला आला. काही दिवसातच अल्पवयीन मुलीच्या अज्ञानाचा फायदा घेऊन मला बायको आवडत नाही, मी तुझ्याशी लग्न करतो असे आमिष दाखवून त्याने अल्पवयीन मुलींबरोबर शारीरिक संबंध प्रस्थापित केले. पीडित अल्पवयीन मुलीला दिवस गेले, तिला मूल जन्माला आले तरी आरोपी अक्षय चव्हाण याने तिच्याशी लग्न न केल्याने पीडित मुलीने दि. 10 ऑक्टोबर 2017 रोजी तालुका पोलीस ठाण्यात तक्रार दाखल केली. पोलिसांनी संशयित विवाहित अक्षयवर गुन्हा 367 आणि पोक्सोअंतर्गत गुन्हा दाखल करुन त्याला अटक केली होती.
Tuesday, January 08, 2019 AT 08:50 PM (IST)
1 2 3 4 5 ...
 
© Copyrights 2010 Dainik Aikya.com - All rights reserved.
of
Powered By: