Dainik Aikya - Published from Satara (Maharashtra,India) Published on,
 
Search Tag:     From Date:     To Date:     Section:    
Total Results: 61
5सातारा, दि. 17 : सातारा जिल्ह्यातील मारामारी व मटका अड्डा चालवणार्‍या तीन टोळ्या जिल्हा पोलीस अधीक्षक पंकज देशमुख यांनी तडीपार केल्या आहेत. त्यामध्ये कराड तालुक्यातील दोन व म्हसवडमधील एक अशा एकूण तीन टोळ्यांचा समावेश आहे. तडीपार झालेल्यांमध्ये तब्बल 18 जणांचा समावेश आहे. पहिल्या टोळीतील तडीपार केलेल्या 12 जणांची कैलास तात्याबा चव्हाण (वय 23), ऋतुराज रामचंद्र इंगवले (वय 20), विशाल शंकर तुपे (वय 25), योगेश भीमराव चव्हाण (27), अविनाश रामचंद्र चव्हाण (वय 20), मंगेेश धनाजी चव्हाण (वय 30), भूषण भीमराव चव्हाण (वय 30), बापू उर्फ महादेव मानसिंग चव्हाण (वय 29), विजय विलास चव्हाण (वय 29), गणेश भीमराव चव्हाण (वय 32), धैर्यशील सदानंद पाटील (वय 23), अभिमन्यू सदानंद पाटील (वय 20, सर्व रा. कोपर्डे हवेली, ता. कराड) अशी  नावे आहेत. संशयितांविरुध्द गर्दी, मारामारी, दमदाटी असे गंभीर गुन्हे दाखल आहेत. या टोळीला सातारा व सांगली जिल्ह्यातून 1 वर्षाच्या कालावधीसाठी तडीपार केले आहे. दुसर्‍या टोळीमध्ये रामभाऊ ज्ञानू पवार (वय 42, रा. शेरे स्टेशन), संजय शिवाजी जाधव (वय 32, संजयनगर), विलास किसन पवार (वय 32, रा.
Tuesday, September 18, 2018 AT 11:40 PM (IST)
5सातारा, दि. 14 : सातार्‍यातील गणेश विसर्जनाचा प्रश्‍न चिघळत चालला आहे. प्रशासनाने एकीकडे विसर्जन कोठे करायचे याची निश्‍चिती केली आहे. मात्र त्याला खा.उदयनराजे यांनी आव्हान दिले आहे. विसर्जन मंगळवार तळ्यातच होणार, असे जाहीर करून खा.उदयनराजे यांनी आक्रमक भूमिकाघेतली आहे. त्यामुळे राज्य राखीव पोलीस दलाची तुकडी तैनात करून मंगळवार तळ्यात विसर्जन होणार नाही याची दक्षता सातारा पोलिसांनी घेतली आहे. उच्च न्यायालयाने गणेश विसर्जनाबाबत पूर्वीचा आदेश कायम ठेवल्याने मंगळवार, मोती आणि फुटक्या तलावात गणेश विसर्जनावरील बंदी कायम राहिली आहे. त्यामुळे या तिन्ही तळ्यात विसर्जन होणार नसल्याचे स्पष्ट झाले. मोठ्या गणेश मूर्ती विसर्जनासाठी पोलीस प्रमुख पंकज देशमुख यांनी कण्हेर खाण तलाव आणि गोडोली तलाव निश्‍चित करून हा प्रश्‍न सोडवण्याचा प्रयत्न केला. सातार्‍यातील मंडळांची मात्र मंगळवार तळ्यातच विसर्जन करण्याची मागणी आहे. त्याला खा.उदयनराजे यांनीही पाठिंबा दिला आहे. काही मंडळांनी मंगळवार तळ्यात आम्ही विसर्जन करणारच, अशी भूमिका घेतली आहे. त्यामुळे शुक्रवारी दीड दिवसांच्या गणपतींना निरोप दिला जातो.
Saturday, September 15, 2018 AT 08:16 PM (IST)
5सातारा, दि. 13 : महामार्गावर ट्रक चालकांना दुचाकी गाडी आडवी मारुन लुटमार  करणार्‍या अक्षय दीपक अवघडे (वय 25, रा. आसगाव रेल्वे फाट्याजवळ, वडूथ, ता. सातारा) याला स्थानिक गुन्हे अन्वेषण विभाग व तळबीड पोलिसांनी अटक केली असून संशयिताने  दोन ठिकाणी ट्रक चालकांना लुटल्याची कबुली दिली आहे. दरम्यान, ज्या ट्रक चालकांची लुटमार झाली आहे त्यांनी त्या पोलीस ठाण्याशी संपर्क करुन तक्रारी द्याव्यात, असे आवाहन करण्यात आले आहे. याबाबत अधिक माहिती अशी, गेल्या काही महिन्यांपासून महामार्गावर ट्रक चालकांना थांबवून लुटमार होत असल्याच्या घटना घडत होत्या. एलसीबीच्या पथकाला याबाबत माहिती मिळाल्यानंतर ते लक्ष ठेवून होते. एक युवक क्रमांक नसलेल्या दुचाकीवरुन संशयितरीत्या फिरत असल्याची माहिती मिळाली. संशयित तळबीड परिसरात असल्याने तळबीड पोलिसांशी संपर्क ठेवून संशयिताला ताब्यात घेण्यात आले. संशयिताकडे पोलिसांनी प्राथमिक चौकशी केल्यानंतर संशयिताने सहा महिन्यांपूर्वी व दोन महिन्यांपूर्वी ट्रक चालकांना थांबवून लुटमार केली असल्याची कबुली दिली.
Friday, September 14, 2018 AT 08:41 PM (IST)
कास, कण्हेर धरण परिसरात प्रेमी युगुलांना लुटले दोन तलवारी, मिरची पूड जप्त 5सातारा, दि. 11 : दरोडा टाकण्याच्या तयारीत असणार्‍या टोळीला स्थानिक गुन्हे अन्वेषण विभागाच्या पथकाने पकडले आहे. या टोळीने कास, कण्हेर धरणासह ठिकठिकाणी प्रेमी युगुलांची लूटमार केली असल्याची कबुली दिली आहे. सर्व संशयित बुधवालेवाडी, ता.खटाव येथील असून त्यांच्याकडून दोन तलवारीही जप्त करण्यात आल्या आहेत. या संशयितांनी लूटमार, दुचाकी चोरीसह 25 गुन्हे केले असल्याची धक्कादायक कबुली दिली आहे. ही टोळी प्रथमच पोलिसांच्या रेकॉर्डवर आली आहे. अटक करण्यात आलेल्यांची किरण बाळू बुधावले (वय 23), सतीश देवबा बुधवाले (वय 19), अक्षय लक्ष्मण बुधावले (वय 19), बाळू अंकुश बुधावले(वय 20, सर्व रा.बुधावलेवाडी) व अजय श्रीरंग जाधव (वय 27, रा.चिंचणी, ता.खटाव) अशी नावे आहेत. याबाबत अधिक माहिती अशी, सातारा-पुसेगाव रस्त्यावर विसापूर फाट्यावर काही संशयित दरोडा घालण्याच्या तयारीत असल्याची माहिती एलसीबीच्या पथकाला समजली. त्यानुसार दि. 8 रोजी पोलिसांनी सापळा लावला असता त्यामध्ये वरील सर्व संशयितांना पकडण्यात आले.
Wednesday, September 12, 2018 AT 08:35 PM (IST)
5सातारा, दि. 11 : धार्मिक विधीसाठी बनवलेले जेवण खाल्ल्यानंतर मंगळवारी दुपारी  चौदा जणांना (सर्व रा. निसराळे, ता.सातारा) पोटदुखी, उलट्यांचा त्रास झाला. त्यामुळे त्यांना उपचारासाठी  क्रांतिसिंह नाना पाटील जिल्हा  रुग्णालयात दाखल करण्यात आले आहे. या सर्वांना अन्नातूनच विषबाधा झाल्याची प्राथमिक माहिती जिल्हा रुग्णालयातून देण्यात आली. दरम्यान, या घटनेची माहिती मिळाल्यानंतर बोरगाव पोलिसांच्या पथकाने  निसराळे येथे भेट देत अन्नाचे नमुने ताब्यात घेतले आहेत. याबाबत प्राथमिक माहिती अशी, निसराळे येथे मंगळवारी सकाळी एका कुटुंबात धार्मिक विधीचा कार्यक्रम होता. या विधीसाठी येणार्‍या नातेवाइकांसाठी एकत्रित स्वयंपाक करण्यात आला होता. जेवण तयार झाल्यानंतर दुपारी नंतर जेवणाच्या पंगती बसण्यास सुरुवात झाली. जेवण झाल्यानंतर काही वेळाने मात्र एक-दोघांना पोटदुखी व उलट्यांचा त्रास सुरू झाला. पोटदुखी आणि उलट्यांचा त्रास होणार्‍यांच्या संख्येत वाढ होवू लागला. धार्मिक विधीसाठी आलेल्यांनी जेवण खाल्ल्यानंतर उलट्या व जुलाबाचा त्रास थांबत नसल्याने प्राथमिक उपचारासाठी रुग्णालयात नेण्यात आले.
Wednesday, September 12, 2018 AT 08:32 PM (IST)
1 2 3 4 5 ...
 
© Copyrights 2010 Dainik Aikya.com - All rights reserved.
of
Powered By: