Dainik Aikya - Published from Satara (Maharashtra,India) Published on,
 
Search Tag:     From Date:     To Date:     Section:    
Total Results: 78
5सातारा, दि. 13 :  इंटरनेट बँकिंगद्वारे रामदास ज्ञानेश्‍वर जाधव (वय 35, रा. सोनगाव तर्फ सातारा) यांची 89 हजार 180 रुपयांची फसवणूक दि. 10 रोजी सकाळी झाली आहे. या प्रकरणी शाहूपुरी पोलीस ठाण्यात फसवणुकीचा गुन्हा दाखल झाला आहे.
Wednesday, November 14, 2018 AT 08:41 PM (IST)
मुख्याधिकारी, आरोग्य सभापतींच्या आश्‍वासनानंतर आंदोलन स्थगित 5सातारा, दि. 12 : सोनगाव कचरा डेपोतील कचर्‍याच्या प्रदूषणाने त्रस्त झालेल्या ग्रामस्थांनी सलग दुसर्‍या दिवशीही सातारा शहरातून कचरा गोळा करून आलेल्या गाड्या रोखून धरल्या. ग्रामस्थ कोणाचेही ऐकण्याच्या मनस्थितीत नव्हते. त्यामुळे तणाव निर्माण झाला होता. अखेर  मुख्याधिकारी शंकर गोरे, आरोग्य समितीचे सभापती यशोधन नारकर यांनी घटनास्थळी भेट दिली आणि ग्रामस्थांना कचरा डेपोतून येणारा धूर बंद करण्याचा शब्द त्यांनी दिला. त्यामुळे सकाळपासून थांबवून ठेवलेल्या गाड्या ग्रामस्थांनी दुपारी सोडल्या.   सोनगाव कचरा डेपोत साठवल्या जात असलेल्या कचर्‍याचा जकातवाडी, सोनगाव आणि इतर गावांना मोठ्या प्रमाणावर त्रास होतो. त्यातच कचरा पेटल्याने होत असलेल्या धुराने तर ग्रामस्थांचे आरोग्यच धोक्यात आले आहे.    धुरामुळे ग्रामस्थांना जोरदार खोकला येवू लागला. त्यांचे डोके दुखू लागले. आपल्या समस्यांकडे कोणीही लक्ष देणार नाही हे लक्षात घेवून रविवारी  त्यांनी आंदोलन केले. आंदोलन थांबवण्यासाठी पोलिसांनी मध्यस्थी केली. त्यामुळे आंदोलन स्थगित करण्यात आले.
Tuesday, November 13, 2018 AT 09:13 PM (IST)
5सातारा, दि. 11 : सातारा शहरा-पासून जवळच असणार्‍या सोनगावच्या हद्दीतील सातारा नगरपालिकेच्या कचरा डेपोला शनिवारी आग लागल्याने संपूर्ण कचरा डेपो परिसराबरोबरच संपूर्ण सोनगाव व जकातवाडी परिसरात धुराचे लोट पसरले. धुराने हैराण झालेल्या परिसरातील नागरिकांनी चक्क घंटागाड्याच रोखून धरल्या. दोन्ही गावातील ग्रामस्थांच्या आंदोलनामुळे कचर्‍याचा वाद आता पुन्हा चव्हाट्यावर आला आहे. सातारा पालिका प्रशासनास सोमवारपर्यंत योग्य निर्णय घेण्यासाठी मुदत दिली आहे. कचरा ढिगारे पेटविण्याचे बंद केले नाही तर तीव्र स्वरूपात आंदोलन छेडले जाईल, असा इशारा ग्रामस्थांनी दिला.  गेल्या अनेक वर्षांपासून सातारा शहरातील व उपनगरातील कचरा सोनगाव, जकातवाडी गावाच्या हद्दीत टाकला जात आहे. या कचर्‍यामुळे मोठी दुर्गंधी निर्माण होते. या गावातील नागरिकांनी हा कचरा डेपो अन्यत्र हलविण्यात यावा या मागणीसाठी अनेकदा आंदोलने केली आहेत. मात्र, आतापर्यंत येथील नागरिकांना पालिका पदाधिकार्‍यांकडून आश्‍वासनाशिवाय काही दिले गेले नाही. कचरा डेपोत टाकण्यात येणारा कचरा पेटविला जात आहे. त्यामुळे धुराचे लोट निर्माण होत आहेत.
Monday, November 12, 2018 AT 09:14 PM (IST)
ऐन दिवाळीत पाणी टंचाई 5सातारा, दि. 6 : ऐन दिवाळीत शाहूनगरवासीयांना पाणी टंचाईची झळ सोसावी लागली. शहापूर पाणी योजनेत बिघाड झाल्याने शहराच्या काही भागात पाणी आले नाही. त्यामुळे नागरिकांनी तीव्र प्रतिक्रिया व्यक्त केल्या आहेत. शहापूर योजनेमध्ये बिघाड झाल्यामुळे पाणी पुरवठा होऊ शकला नाही, असे कारण पाणी सोडणार्‍या कर्मचार्‍यांकडून सांगण्यात आले. दिवाळीच्या पहिल्याच दिवशी पाणी पुरवठा विस्कळीत झाला.
Wednesday, November 07, 2018 AT 08:31 PM (IST)
नूतन अप्पर जिल्हा पोलीस अधीक्षक धीरज पाटील यांची ग्वाही 5सातारा, दि. 5 : मोक्का, एमपीडीएसह विविध कारवाईचा धडाका पहिल्यासारखाच राहील. त्यामध्ये कोणताही बदल होणार नाही. मोक्कामध्ये जामीन होणार नाही यासाठी विशेष प्रयत्न केले जातील. आगामी लोकसभा आणि विधानसभा निवडणुकांमध्ये कोणताही प्रसंग आला तरी त्याचा कायद्याच्या चौकटीतच राहून निपटारा केला जाईल. कायद्याच्या चौकटीत असेल ती कारवाई केली जाईल, अशी रोखठोक भूमिका नूतन अप्पर जिल्हा पोलीस अधीक्षक धीरज पाटील यांनी पत्रकार परिषदेत मांडली.    पोलीस उपअधीक्षक धीरज पाटील यांची इचलकरंजी येथून सातार्‍यात अप्पर पोलीस अधीक्षकपदी बढतीने बदली झाली आहे. दोन दिवसांपूर्वी त्यांनी पद्भार स्वीकारला. त्यानंतर त्यांनी माध्यमांच्या प्रतिनिधींशी पोलीस मुख्यालयात संवाद साधला. धीरज पाटील म्हणाले, माझे शिक्षण सातारा जिल्ह्यात झाले आहे. त्यामुळे इथे काम करायला खूप आवडेल.  काम करताना आपली समन्वयाची भूमिका असून प्रभावीपणे काम करणार आहे. मी मूळचा कोल्हापूर जिल्ह्यातील आहे. सुरुवातीला मी शिक्षक होतो. 2009 मध्ये मी एमपीएससी अंतर्गत पोलीस उपअधीक्षक  झालो.
Tuesday, November 06, 2018 AT 08:23 PM (IST)
1 2 3 4 5 ...
 
© Copyrights 2010 Dainik Aikya.com - All rights reserved.
of
Powered By: