Dainik Aikya - Published from Satara (Maharashtra,India) Published on,
 
Search Tag:     From Date:     To Date:     Section:    
Total Results: 74
5सातारा, दि. 23 : बोरगाव (ता.सातारा) पोलीस ठाण्याच्या हद्दीत मंगळवारी झालेल्या दोन वेगवेगळ्या अपघातात एकाचा मृत्यू झाला तर पाच जण जखमी झाले. याबाबत बोरगाव पोलिसांकडून मिळालेल्या माहितीनुसार मंगळवारी पहाटे 1.30 वाजण्याच्या सुमारास महामार्गावरून निघालेल्या मारुती सुझुकी रिट्झ कारचा पुढील टायर फुटल्याने कार जोरात पलटी होऊन अपघात झाला. रामकृष्णनगर ते काशीळ दरम्यान काशीळ गावच्या हद्दीत आझाद पेट्रोल पंपासमोर  हा अपघात झाला. यामध्ये कारमध्ये असणारे चालक सागर पवार (वय 29, कराड) यांचा मृत्यू झाला तर शेजारी बसलेले इंद्रजित धनंजय पवार (रा. वडोली निळेश्‍वर, ता.कराड) हा युवक गंभीर जखमी झाला.अपघातस्थळी बोरगाव पोलीस ठाण्याचे हवालदार शशिकांत कणसे, सूर्यकांत पवार, मनोहर सुर्वे, चालक धनंजय जाधव, हायवे बिटचे लालासाहेब ढाणे यांनी धाव घेत जखमीला उपचारासाठी सातारा येथे पाठवले. दरम्यान, मंगळवारी दुपारी महामार्गावरच बोरगाव गावच्या हद्दीत हॉटेल महाराजाजवळ कार व दुचाकी यांच्यात अपघात झाला. अपघातानंतर दोन्ही वाहने महामार्गालगतच्या शेतात जाऊन पलटी झाली. या अपघातात दुचाकीवरील शशिकांत भालगूराम पवार (वय.43, रा.
Wednesday, July 24, 2019 AT 08:36 PM (IST)
5सातारा, दि. 22 : घराबाबत केलेल्या हक्कसोडपत्र दस्ताची नोंद करून तसा उतारा देण्यासाठी 1 हजार 500 रुपयांची लाच स्वीकारताना एकाला लाचलुचपत प्रतिबंधक विभागाच्या पथकाने रंगेहात पकडले. याबाबत अधिक माहिती अशी, तक्रारदार यांच्या घराबाबत केलेल्या हक्कसोडपत्र दस्ताची नोंद करून उतारा देण्यासाठी गोविंद सुभाष बेल बेलवणकर (वय 47), क्रमांक 2, भूमी अभिलेख कार्यालय, कराड, रा. कार्वे नाका, कराड, ताजुद्दीन इब्राहिम शिकलगार (वय 71), रा. रेठरे बुद्रुक, कराड यांनी 2 हजार रुपये लाचेची मागणी केली होती. तडजोडीअंती 1 हजार 500 रुपये रक्कम ठरली. तक्रारदार याने लाचलुचपत प्रतिबंधक विभागाकडे तक्रार दिल्यानंतर या विभागाचे पोलीस उपअधीक्षक अशोक शिर्के, संजय साळुंखे, संभाजी काटकर, विशाल खरात, तुषार भोसले यांनी आज सापळा लावला असता तक्रारदाराकडून 1 हजार 500 रुपयांची लाच स्वीकारताना ताजुद्दीन इब्राहिम शिकलगार याला रंगेहात पकडले.
Tuesday, July 23, 2019 AT 08:39 PM (IST)
5सातारा, दि. 21 :    मेढा - लोकसहभागातून मेढ्यामध्ये सीसीटीव्ही बसविण्यात आले. त्या माध्यमातून पोलिसांना गुन्हेगारी असो, की कोणतीही बाब असो मोठी मदत होणार आहे. त्यामुळे सीसीटीव्हीच्या माध्यमातून गुन्हेगारीला आळा बसेल, असे प्रतिपादन जिल्हा पोलीस प्रमुख तेजस्वी सातपुते यांनी केले. याप्रसंगी आ. शिवेंद्रसिंहराजे भोसले, सभापती सौ. जयश्री गिरी, उपविभागीय अधिकारी अजित टिके, नगराध्यक्षा सौ. द्रौपदा मुखणे, उपनगराध्यक्ष पांडुरंग जवळ, व्यसनमुक्तीचे अध्यक्ष विलास जवळ, सहाय्यक पोलीस निरीक्षक नीळकंठ राठोड आदी मान्यवर उपस्थित होते. पोलीस अधीक्षक तेजस्वी सातपुते म्हणाल्या, मेढा शहरात दिवसेंदिवस गर्दी वाढत आहे. त्याचबरोबर या गर्दीवर नियंत्रण ठेवण्यासाठी सी. सी. टी. व्ही. सारखी यंत्रणा उभी करणे आवश्यक होते. आ. शिवेंद्रसिंहराजे भोसले तसेच मेढा येथील नागरिकांच्या मदतीने ही यंत्रणा आता कार्यान्वित करण्यात आली आहे. सी. सी. टी. व्ही. हा तिसरा डोळा असून तो कधीच झोपत नसल्याने या परिसरात गुन्हेगारी, तसेच बेफाम दुचाकी आदी गैर कारभाराला आळा बसेल.
Monday, July 22, 2019 AT 08:44 PM (IST)
5सातारा, दि. 19 : वाढे फाटा येथे एका गोडाऊनच्या आडोशाला सुरू असलेल्या जुगार अड्ड्यावर छापा टाकून पोलिसांनी 3.50 लाखांचा मुद्देमाल हस्तगत केला. सातारा शहर पोलीस ठाण्यातील गुन्हे प्रकटीकरण शाखेतील पोलीस उपनिरीक्षक एन. एस. कदम यांच्या पथकाने ही कारवाई केली. याबाबत पोलिसांनी दिलेली माहिती अशी, की पोलीस उपनिरीक्षक एन. एस. कदम यांना मिळालेल्या गोपनीय माहितीच्या आधारे त्यांनी आपल्या पथकासह वाढे फाटा येथील धनश्री ट्रेडर्स गोडाऊनच्या आडोशाला छापा टाकला असता त्या ठिकाणी शैलेश दिनेश पटेल (वय 29), रा. केशव कॉम्प्लेक्स, वाढे फाटा, सातारा,  नीलेश विकास भांडे (वय 28), रा. गुरुदत्त कॉलनी, विकासनगर, सातारा. ओंकार अजय साळुंखे (वय 26), सुमित राजेंद्र पवार (वय 30), दोघेही राहणार मानसी क्रेन शेजारी, वाढे फाटा, सातारा, चंद्रकांत लक्ष्मण साळुंके ( वय 37), रा. सैदापूर फाटा, सातारा, अशोक विष्णू कांबळे ( वय 27), रा. विकासनगर, खेड हे सातजण तीन पानी पत्ते पैसे लावून जुगार खेळत असताना आढळून आले.
Saturday, July 20, 2019 AT 08:42 PM (IST)
5सातारा,  दि. 18 :  सातारा ही छत्रपती शिवाजी महाराजांनी स्थापन केलेल्या हिंदवी स्वराज्याची शेवटची राजधानी ठरली असली तरी त्यामुळे या शहराला एक वेगळी ओळख आहे. प्रारंभी मर्यादित व्याप्ती असलेले हे शहर त्यानंतरच्या काळात ऐसपैस पसरले. सातार्‍याचे संस्थान ब्रिटिशांच्या ताब्यात गेल्यानंतर  इंग्रजांच्या पद्धतीने कारभार सुरू झाला. त्याच अनुषंगाने सातारा म्युनिसिपल कॉर्पोरेशनची स्थापना 1853 साली करण्यात आली. तत्कालीन म्युनिसिपाल्टीने शहराच्या सीमा अधोरेखित करण्यासाठी रोवलेले विशिष्ट आकार आणि एम. बी. (म्युनिसिपल बॉर्डर) अशी अक्षरे कोरलेले दोन ‘मार्किंग स्टोन’ आजही  आपल्या मूळ जागेवर अस्तित्वात असून त्यांचे जतन न केल्यास ते नामशेष होणार आहेत. त्यातील एक ‘मार्किंग स्टोन’ सध्या तेली खड्डा पटांगणानजीक    पूर्वी जिथे व्यायामशाळा होती त्या इमारतीच्या कोपर्‍यावर बुधवार नाक्याकडे जाणार्‍या रस्त्याला लागून आहे.
Friday, July 19, 2019 AT 09:01 PM (IST)
1 2 3 4 5 ...
 
© Copyrights 2010 Dainik Aikya.com - All rights reserved.
of
Powered By: