Dainik Aikya - Published from Satara (Maharashtra,India) Published on,
 
Search Tag:     From Date:     To Date:     Section:    
Total Results: 15
हैदराबाद येथील गाजलेल्या मक्का मशीद बाँबस्फोट प्रकरणातील प्रमुख आरोपी स्वामी असीमानंद यांच्यासह पाच आरोपींची विशेष न्यायाधीश रवींद्र रेड्डी यांनी सबळ पुराव्याअभावी निर्दोष सुटका केल्याने, संयुक्त पुरोगामी आघाडीच्या केंद्रातल्या सरकारने केलेली कारवाई  सूडाची असल्याचे निष्पन्न झाले आहे. केंद्रातल्या माजी पंतप्रधान डॉ. मनमोहन सिंग यांच्या कारकिर्दीत मालेगाव, समझोता एक्स्प्रेस, हैदराबादमध्ये झालेल्या बाँबस्फोट प्रकरणाचा तपास सुरू असताना, त्या सरकारमधले गृहमंत्री पी. चिदंबरम यांनी ‘भगव्या दहशतवाद्यांनी’ हा हिंसाचार घडवल्याचा आरोप केला होता. त्यांच्या या वक्तव्यावर आक्षेप घेत हिंदू संघटनांनी हिंदू धर्मीय संघटना आणि संस्थांना बदनाम करायसाठी केंद्र सरकारने कटकारस्थाने सुरू केल्याचा आणि ज्यांचा या प्रकरणाशी काहीही संबंध नाही, अशा निरपराध्यांना गोवल्याचा आरोप केला होता. हैदराबादमध्ये अकरा वर्षांपूर्वी 18 मे 2007 रोजी झालेल्या बाँबस्फोटात 9 जणांचे बळी गेले होते तर 58 लोक जखमी झाले होते. या गुन्ह्याचा तपास प्रारंभीच्या काळात राज्य सरकारच्या पोलिसांनी केला आणि नंतर तो सीबीआयकडे सोपवण्यात आला.
Wednesday, April 18, 2018 AT 08:47 PM (IST)
विदर्भातून मोठ्या प्रमाणात कापसाचा पुरवठा होत असल्याने, राज्यातल्या वस्त्रोद्योगाला चालना द्यायसाठी तीस वर्षांपूर्वी सहकारी सूत गिरण्यांना प्रोत्साहन द्यायच्या धोरणाची अंमलबजावणी केली. सहकारी योजनांचा लाभ घ्यायसाठी किलोभर कापसाचे उत्पादनही होत नसलेल्या भागातही सहकारी सूत गिरण्यांची नोंदणी आणि उभारणी करायचा सपाटा सहकार सम्राटांनी लावला. या सूत गिरण्यांद्वारे उत्पादित होणार्‍या सूताचा पुरवठा इचलकरंजी, सोलापूर, भिवंडी या भागातल्या यंत्रमागांना होईल, सूताला आणि पर्यायाने कापसाला चांगला भाव मिळेल, असा दावा तेव्हाच्या काँग्रेस सरकारने केला होता. पण प्रत्यक्षात मात्र या सूत गिरण्या म्हणजे सरकारच्या दृष्टीने पांढरे हत्तीच ठरले. त्यांचा उपयोग काही कापूस उत्पादक शेतकरी, यंत्रमागधारक आणि कापड उद्योगालाही फारसा झाला नाही. परिणामी राज्यात मंजुरी मिळालेल्या 281 सहकारी सूत गिरण्यातील 173 सूत गिरण्या कशा बशा सुरू झाल्या. बाकीच्या शंभरवर सूत गिरण्यांसाठी सरकारने दिलेले शेकडो कोटी रुपयांचे भाग भांडवल, सहकारमहर्षींनी जनतेकडून भागभांडवल आणि बँकांकडून कर्जे काढून सूत गिरण्यांच्या इमारती बांधून घेतल्या.
Friday, April 13, 2018 AT 08:46 PM (IST)
बंगळुरू-कोल्हापूर-पुणे या नव्या राष्ट्रीय महामार्गाचे                              चौपदरीकरण झाल्यावर, सातत्याने वाहनांच्या अपघातांची संख्या  वाढत असल्याने हा महामार्ग मृत्यूचा झाला आहे. मंगळवारी सकाळी खंबाटकी घाटाचा बोगदा ओलांडल्यावर मृत्यूचा सापळा ठरलेल्या नागमोडी-एस वळणावर मजुरांना घेऊन जाणारा टेंपो कठडा तोडून कोसळल्याने झालेल्या  भीषण अपघातात 18 मजूर ठार आणि 20 जण गंभीर जखमी झाल्याच्या भयंकर अपघाताने, पुन्हा एकदा या वळणावर आणि राष्ट्रीय महामार्गावर होणार्‍या अपघातांच्या कारणांची चर्चा सुरू झाली आहे. विजापूर जिल्ह्यातल्या तिकोटा भागातील मदभावी तांड्यात राहणारे हे गरीब मजूर शिरवळच्या औद्योगिक वसाहतीतल्या  बांधकामाच्या मजुरीसाठी छोट्या टेंपोतून जात होते. या मजुरांना कामासाठी नेणार्‍या ठेकेदाराने त्यांना अक्षरश:  जनावरासारखे या टेंपोत कोंबले तर होतेच, पण याच टेंपोत बांधकामाचे अवजड साहित्यही होते. पुण्याकडे जाणारा खंबाटकी घाटातला बोगदा ओलांडताच हा टेंपो कठडा तोडून कोसळला आणि त्याचा अक्षरश: चक्काचूर झाला.
Wednesday, April 11, 2018 AT 08:56 PM (IST)
वीस वर्षांपूर्वी ‘हम साथ साथ हैं’ या हिंदी चित्रपटाच्या चित्रीकरणाच्या वेळी राजस्थानमध्ये बेकायदेशीरपणे हरणांची शिकार केल्याच्या प्रकरणी चौथ्या खटल्यातही हिंदी चित्रपटसृष्टीतला मस्तवाल आणि उर्मट अभिनेता सलमान खान याला जोधपूरचे ग्रामीण मुख्य न्यायदंडाधिकारी देवकुमार खत्री यांनी वनसंरक्षक कायद्यान्वये दोषी ठरवून पाच वर्षांच्या तुरुंगवासाची आणि 10 हजार रुपये दंडाची शिक्षा सुनावली आहे तर या चौथ्या खटल्यात शिकारीच्या वेळी त्याला चिथावणी-मदत केल्याच्या आरोपातून अभिनेता सैफ अली खान, अभिनेत्री तब्बू, सोनाली बेंद्रे आणि अभिनेत्री नीलम यांना संशयाचा फायदा देत न्यायालयाने निर्दोष मुक्त केले आहे. या आधीच्या दोनही खटल्यात, सलमानला राजस्थानातल्या मुख्य न्यायदंडाधिकारी न्यायालयाने त्याला दोषी ठरवून त्याला शिक्षा सुनावली होती. पण राजस्थान उच्च न्यायालयाने त्याची निर्दोष सुटका केली होती. उच्च न्यायालयाच्या त्या निकालाच्या विरोधात राजस्थान सरकारने सर्वोच्च न्यायालयात दाखल केलेल्या आव्हान याचिकांची सुनावणी अद्यापही झालेली नाही.
Friday, April 06, 2018 AT 08:40 PM (IST)
काही वर्षांपूर्वी विधानसभा आणि लोकसभेच्या निवडणुका लढवणार्‍या सर्वपक्षीय उमेदवारांच्या मागे ‘झुंजार’ नेता अशी बिरुदावली लावली जात असे. पण, त्यातल्या अनेक उमेदवारांचा सामाजिक, राजकीय लढ्याशी चळवळीशी काहीही संबंध नसे. पक्षाच्या बड्या नेत्याच्या वशिल्याने उमेदवारी मिळवलेल्या या उमेदवारांना लोकशाही-समाजवाद-लोकशाही मूल्ये, जनतेच्या हिताशी काहीही देणे घेणे नसे. अलीकडच्या 40 वर्षात तर राजकारण हे सत्तेसाठीच आणि सत्ता हेच सर्वस्व, अशी भारतीय राजकारणाची दारुण स्थिती झाली. घराणेशाही, भ्रष्टाचार, वशिलेबाजी आणि गैरव्यवहाराने भारतीय लोकशाहीला ग्रहण लागले. मुक्त आणि उदारमतवादी अर्थव्यवस्थेच्या धडाकेबाज अंमलबजावणीनंतर समाजवादी विचारसरणीलाही ग्रहण लागले. ‘सारेच दीप मंदावले, विझू विझू आले’ अशी स्थिती निर्माण झालेली असतानाही भाई वैद्य नावाची पेटती धगधगती मशाल मात्र समाजवादी विचारांचा अखेरच्या क्षणापर्यंत जागर करीत, शोषित, वंचित आणि उपेक्षितांना सामाजिक न्याय आणि हक्क मिळवून द्यायच्या संगरात, रस्त्यावर उतरून सामान्य, गरीब जनतेच्या लढ्यांचे नेतृत्व करीत होती.
Wednesday, April 04, 2018 AT 08:43 PM (IST)
1 2 3
 
© Copyrights 2010 Dainik Aikya.com - All rights reserved.
of
Powered By: