Dainik Aikya - Published from Satara (Maharashtra,India) Published on,
 
Search Tag:     From Date:     To Date:     Section:    
Total Results: 41
कुस्तीगीर राहुल आवारेला सुवर्ण, सुशीलचाही विक्रम 5गोल्ड कोस्ट, दि. 12 (वृत्तसंस्था) : ऑस्ट्रेलियातील गोल्ड कोस्ट  येथे सुरू असलेल्या 21 व्या राष्ट्रकुल क्रीडा स्पर्धांचा आठवा दिवस  भारताच्या कुस्तीगीरांनी गाजवला. महाराष्ट्राच्या राहुल आवारेने पदार्पणातच कुस्तीत देशाला पहिले सुवर्णपदक मिळवून दिले. अनुभवी कुस्तीगीर सुशीलकुमारनेही सुवर्णपदक पटकावताना सलग तिसर्‍या राष्ट्रकुल स्पर्धेत सोनेरी कामगिरी करण्याचा पराक्रम केला. भारताच्या कुस्तीगीरांनी आज एकूण चार पदकांची कमाई केली. राहुलने 57 किलो वजनी गटात कॅनडाच्या स्टीव्हन ताकाहाशीवर 15-7 अशी मात करत भारताला आजच्या दिवसातील आणि कुस्तीतील पहिले सुवर्णपदक मिळवून दिले. शेवटच्या फेरीत ताकाहाशीने लढत देण्याचा प्रयत्न केला. मात्र, महाराष्ट्राच्या मातीत कुस्तीचे धडे गिरवलेल्या राहुलने त्याचा डाव उलटवत सुवर्णपदकावर नाव कोरले. राहुलने सुवर्णपदक जिंकल्यानंतर पुण्यात त्याचे प्रशिक्षक काका पवार यांच्या तालमीत मल्लांनी जल्लोष केला. आपण पाहिलेले स्वप्न राहुलने पूर्ण केल्याबद्दल काका पवार यांनी समाधान व्यक्त केले.
Friday, April 13, 2018 AT 08:40 PM (IST)
5गोल्ड कोस्ट, दि. 10 (वृत्तसंस्था) : राष्ट्रकुल स्पर्धेचा सहावा दिवस भारतासाठी संमिश्र ठरला. 10 मीटर पिस्तूल प्रकारात हुकलेले सुवर्णपदक नेमबाज हिना सिद्धूने 25 मीटर पिस्तूल प्रकारात पटकावले. पॅरा-पॉवरलिफ्टर सचिन चौधरीने कांस्यपदक मिळवून भारताच्या पदकसंख्येत एकाची भर घातली. मात्र, या व्यतिरिक्त भारताला एकही पदक मिळवता आले नाही. भारताच्या मुष्टियोद्ध्यांच्या धडाकेबाज कामगिरीमुळे आणखी सहा पदके निश्‍चित झाली आहेत. भारताची एकूण पदकसंख्या 20 झाली असून त्यात 11 सुवर्ण, चार रौप्य व पाच कांस्यपदकांचा समावेश आहे. हिना सिद्धूने बेलमाँट शुटिंग सेंटरवर 25 मीटर पिस्तूल प्रकारात सुवर्णपदकाला गवसणी घातली. तिने स्पर्धा विक्रम नोंदवताना अंतिम फेरीत 38 गुण मिळवले. हिनाचे हे या स्पर्धेतील दुसरे पदक आहे. या आधी तिने 10 मीटर पिस्तूल प्रकारात रौप्यपदक पटकावले होते. या राष्ट्रकुल स्पर्धेत भारतीय नेमबाजांनी एकूण 8 पटके मिळवली. भारताला दिवसातील दुसरे पदक पॅराअ‍ॅथलीट सचिन चौधरीने मिळवून दिले. पॅरा-पॉवरलिफ्टर सचिनने एकूण 181 किलो वजन उचलून कांस्यपदक मिळवले.
Wednesday, April 11, 2018 AT 08:51 PM (IST)
पुनरागमनाच्या पहिल्याच सामन्यात राजस्थान पराभूत 5हैद्राबाद, दि. 9 : सनरायजर्स हैद्राबाद आणि आयपीएलमध्ये पुनरागमन करणार्‍या राजस्थान रॉयल्स यांच्यात आज रंगलेल्या सामन्यात हैद्राबादने 9 गडी राखून दणदणीत विजय मिळवला. सलामीवीर शिखर धवनने नाबाद 77 धावांच्या फटकेबाज खेळीमुळे हैद्राबादला सहज विजय मिळवता आला. सनरायजर्सचा कर्णधार धवनने नाणेफेक जिंकून प्रथम गोलंदाजी करण्याचा निर्णय घेतला. या संघाच्या गोलंदाजांनी कमालीची कामगिरी करत राजस्थान रॉयल्सला केवळ 125 धावांत रोखले. हे आव्हान हैद्राबादने एका गड्याच्या मोबदल्यात पार केले. वृद्धिमान साहा बाद्रझाल्यावर शिखर धवनने 13 चौकार आणि 1 षटकार ठोकत 57 चेंडूत  नाबाद 77 धावा चोपल्या. तत्पूर्वी, हैद्राबादच्या गोलंदाजांच्या भेदक मार्‍यावर अजिंक्य रहाणे 13 धावांवर, बेन स्टोक्स 5 धावांवर तर राहुल त्रिपाठी 17 धावांवर बाद झाला. डी आर्की शॉर्ट 4 धावांवर धावबाद झाला. संजू सॅमसनच्या 49 धावांच्या जोरावर राजस्थानने कशीबशी 125 ची मजल मारली.
Tuesday, April 10, 2018 AT 08:57 PM (IST)
टेबल टेनिस, नेमबाजीतही सुवर्ण कामगिरी 5गोल्ड कोस्ट, दि. 9 (वृत्तसंस्था) : राष्ट्रकुल क्रीडा स्पर्धेत भारताची पदकांची लयलूट सुरूच असून पाचव्या दिवशी भारताच्या बॅडमिंटनपटूंनी मिश्र सांघिक स्पर्धेत प्रथमच सुवर्णपदकावर नाव कोरले. सायना नेहवाल व किदम्बी श्रीकांत हे या ऐतिहासिक कामगिरीचे शिल्पकार ठरले. महिलांपाठोपाठ पुरुषांच्या टेबल टेनिस संघानेही सुवर्ण कामगिरी केली. नेमबाज जितू रायने ग्लासगो स्पर्धेनंतर येथेही सुवर्णवेध करताना भारताला दिवसातील तिसरे सुवर्णपदक मिळवून दिले. आता भारताची एकूण पदकसंख्या 19 वर गेली असून त्यात दहा सुवर्ण, चार रौप्य आणि पाच कांस्यपदके आहेत. भारताचा अनुभवी नेमबाज जितू रायने पुरुषांच्या दहा मीटर एअर पिस्तूल स्पर्धेत सुवर्णपदक पटकावले. जितूने अंतिम सामन्यात 235.1 गुण मिळवून नवीन स्पर्धा विक्रम प्रस्थापित केला तर भारताच्याच ओम मिथरवालने कांस्यपदक पटकावले. त्याने 214.3 गुणांची कमाई केली. भारतीय महिला नेमबाजांनी या यशाचा आनंद द्विगुणित केला. महिलांच्या 10 मीटर एअर रायफल गटात मेहुली घोषने रौप्य तर अपूर्वीने कांस्यपदक पटकावले. भारतीय वेटलिफ्टर्सनी नेत्रदीपक कामगिरी सुरुच ठेवली आहे.
Tuesday, April 10, 2018 AT 08:56 PM (IST)
5कोलकाता, दि. 8 (वृत्तसंस्था) : इंडियन प्रिमियर लीग (आयपीएल) च्या 11 व्या मोसमातील कोलकाता नाईट रायडर विरुद्ध रॉयल चॅलेंजर्स बंगलोर या संघांदरम्यान झालेल्या सामन्यात सुनील नारायण याच्या 19 चेंडूत 50 धावा व दिनेश कार्तिकची महत्त्वपूर्ण पारीच्या (नाबाद 35 धावा) बळावर आज केकेआर संघाने आरसीबीचा 4 गडी राखून पराभव केला. नाणेफेकचा कौल हारल्यानंतर पहिल्यांदा फलंदाजी करताना आरसीबीने 20 षटकात 6 गडी गमावत 176 धावा करत कोलकाताच्या संघासमोर विजयासाठी 177 धावांचे आव्हान ठेवले होते. 177 धावांचे लक्ष्य घेवून केकेआरकडून खेळण्यास आलेल्या सुनील नारायण याने ख्रिस लीनच्या साथीने सुरूवात केली. प्रथम सावध खेळत नंतर फटकेबाजी करत 19 चेंडूत 50 धावांची महत्त्वपूर्ण पारी खेळली. परंतु ख्रिस लीन 5 धावा काढून परतला. त्यानंतर रॉबिन उथप्पा खेळण्यास आला. परंतु तो देखील 13 धावा काढून परतला. त्यामुळे केकेआरचा कर्णधार दिनेश कार्तिक याच्यावर संघाची जबाबदारी आली. त्याने नितीश राणाच्या साथीने धावफलक हलता ठेवला. या दोघांनी संघाची धावगती वाढवत संघाला विजया समिप आणले. परंतु नितीश राणा 34 धावा काढून तंबूत परतला.
Monday, April 09, 2018 AT 08:52 PM (IST)
1 2 3 4 5 ...
 
© Copyrights 2010 Dainik Aikya.com - All rights reserved.
of
Powered By: