Dainik Aikya - Published from Satara (Maharashtra,India) Published on,
 
Search Tag:     From Date:     To Date:     Section:    
Total Results: 213
5सातारा, दि. 17 : शहर पोलिसांनी सदरबझार व खंडोबाचा माळ परिसरातील दोन जुगार अड्ड्यांवर छापे टाकून 29 हजार रुपयांची रोकड व जुगाराचे साहित्य जप्त करुन 12 जणांना अटक केली. मारुती धनसिंग चव्हाण, विराप्पा तेजाप्पा पुजारी, मनाप्पा भीमराव दासर, अंकुश रामराव जाधव, सखाराव सुभराव मिरेकर, सय्यद बासू शेख, भीमराव गोपीनाथ नायक, राजेश चव्हाण (सर्व रा. लक्ष्मी टेकडी, सदरबझार) यांच्यावर गुन्हा दाखल झाला आहेे. हे सर्व संशयित स्वत:च्या आर्थिक फायद्याकरिता चन्ना मन्ना प्रकारचा जुगार खेळत होते. रविवारी सायंकाळी साडेसात वाजण्याच्या सुमारास शहर पोलिसांनी सदरबझार येथे छापा टाकला असता त्यांच्याकडे रोख 15 हजार 100 रुपये व जुगाराचे साहित्य सापडले. पोलिसांनी सर्वांना ताब्यात घेवून पोलीस ठाण्यात आणले. झाकीर हुसेन शेख (रा. कोरेगाव), हेमंत रमेश पवार (रा. सारखळ, मेढा), अक्षय संजय जाधव (रा. रविवार पेठ, सातारा), सद्दाम शेख (रा. गुरुवार पेठ, सातारा) यांना सोमवारी दुपारी साडेबारा वाजता खंडोबाचा माळ परिसरात जुगार खेळत असताना पोलिसांनी ताब्यात घेतले. संशयितांकडून रोख 13 हजार 556 रुपये व जुगाराचे साहित्य जप्त करण्यात आले.
Tuesday, September 18, 2018 AT 11:42 PM (IST)
5सातारा, दि. 17 : सातारा जिल्ह्यातील मारामारी व मटका अड्डा चालवणार्‍या तीन टोळ्या जिल्हा पोलीस अधीक्षक पंकज देशमुख यांनी तडीपार केल्या आहेत. त्यामध्ये कराड तालुक्यातील दोन व म्हसवडमधील एक अशा एकूण तीन टोळ्यांचा समावेश आहे. तडीपार झालेल्यांमध्ये तब्बल 18 जणांचा समावेश आहे. पहिल्या टोळीतील तडीपार केलेल्या 12 जणांची कैलास तात्याबा चव्हाण (वय 23), ऋतुराज रामचंद्र इंगवले (वय 20), विशाल शंकर तुपे (वय 25), योगेश भीमराव चव्हाण (27), अविनाश रामचंद्र चव्हाण (वय 20), मंगेेश धनाजी चव्हाण (वय 30), भूषण भीमराव चव्हाण (वय 30), बापू उर्फ महादेव मानसिंग चव्हाण (वय 29), विजय विलास चव्हाण (वय 29), गणेश भीमराव चव्हाण (वय 32), धैर्यशील सदानंद पाटील (वय 23), अभिमन्यू सदानंद पाटील (वय 20, सर्व रा. कोपर्डे हवेली, ता. कराड) अशी  नावे आहेत. संशयितांविरुध्द गर्दी, मारामारी, दमदाटी असे गंभीर गुन्हे दाखल आहेत. या टोळीला सातारा व सांगली जिल्ह्यातून 1 वर्षाच्या कालावधीसाठी तडीपार केले आहे. दुसर्‍या टोळीमध्ये रामभाऊ ज्ञानू पवार (वय 42, रा. शेरे स्टेशन), संजय शिवाजी जाधव (वय 32, संजयनगर), विलास किसन पवार (वय 32, रा.
Tuesday, September 18, 2018 AT 11:40 PM (IST)
करुन लुटणार्‍या चौघांवर गुन्हा, दोघांना अटक संशयितांमध्ये तडीपार गुंडाचा समावेश 5सातारा, दि. 17 :  गणपती पाहण्यासाठी आलेल्या युवकाचे राधिका चौकातून अपहरण करुन त्याच्याकडील 4 हजार 200 रुपयांचा  ऐवज लुटल्याप्रकरणी शुभम कांबळे (रा. बुधवार पेठ, सातारा) या तडीपार गुंडासह चार जणांवर शाहूपुरी पोलीस ठाण्यात गुन्हा दाखल झाला आहे.  या प्रकरणी विजय उर्फ ऋत्वीक विनोद कांबळे (वय 19, रा. बुधवार पेठ, सातारा) आणि रईस रफिक आत्तार (वय 21, रा. अंजली कॉलनी, गेंडामाळ) या दोघांना अटक केली आहे. याबाबत संकेत रवींद्र लोखंडे (वय 21, रा. वनवासवाडी, खेड) याने  तक्रार दिली आहे. याबाबत पोलिसांनी दिलेली माहिती अशी, तक्रारदार युवक हा एका खासगी कंपनीत नोकरीस आहे. दि. 15 रोजी तो सातारा शहरात असणारे सार्वजनिक गणपती पाहण्यासाठी एकटाच आला होता. गणपती पाहत असतानाच त्याला करंजे येथील एक जण ओळखीचा भेटला. त्याने संकेतला दुचाकीवरुन रात्री 9 च्या सुमारास राधिका चौकात आणून सोडले.
Tuesday, September 18, 2018 AT 11:39 PM (IST)
5सातारा, दि. 14 : सातार्‍यातील गणेश विसर्जनाचा प्रश्‍न चिघळत चालला आहे. प्रशासनाने एकीकडे विसर्जन कोठे करायचे याची निश्‍चिती केली आहे. मात्र त्याला खा.उदयनराजे यांनी आव्हान दिले आहे. विसर्जन मंगळवार तळ्यातच होणार, असे जाहीर करून खा.उदयनराजे यांनी आक्रमक भूमिकाघेतली आहे. त्यामुळे राज्य राखीव पोलीस दलाची तुकडी तैनात करून मंगळवार तळ्यात विसर्जन होणार नाही याची दक्षता सातारा पोलिसांनी घेतली आहे. उच्च न्यायालयाने गणेश विसर्जनाबाबत पूर्वीचा आदेश कायम ठेवल्याने मंगळवार, मोती आणि फुटक्या तलावात गणेश विसर्जनावरील बंदी कायम राहिली आहे. त्यामुळे या तिन्ही तळ्यात विसर्जन होणार नसल्याचे स्पष्ट झाले. मोठ्या गणेश मूर्ती विसर्जनासाठी पोलीस प्रमुख पंकज देशमुख यांनी कण्हेर खाण तलाव आणि गोडोली तलाव निश्‍चित करून हा प्रश्‍न सोडवण्याचा प्रयत्न केला. सातार्‍यातील मंडळांची मात्र मंगळवार तळ्यातच विसर्जन करण्याची मागणी आहे. त्याला खा.उदयनराजे यांनीही पाठिंबा दिला आहे. काही मंडळांनी मंगळवार तळ्यात आम्ही विसर्जन करणारच, अशी भूमिका घेतली आहे. त्यामुळे शुक्रवारी दीड दिवसांच्या गणपतींना निरोप दिला जातो.
Saturday, September 15, 2018 AT 08:16 PM (IST)
आ. शिवेंद्रसिंहराजेंची मागणी 5सातारा, दि. 14 : गणेश विसर्जनाचा तिढा वाढत चालला असून जिल्हा प्रशासनापुढे मोठा पेचप्रसंग निर्माण झाला आहे. उच्च न्यायालयाचा अवमान होणार नाही आणि लोकभावनाही दुखावली जाणार नाही याची काळजी घेत प्रशासनाने गणेश विसर्जनासाठी वेगळा पर्याय काढावा. गणेश मंडळांना त्रास होणार नाही यादृष्टीने प्रशासनाने विसर्जनासाठी मध्यवर्ती ठिकाण निवडावे, अशी मागणी आ. श्रीमंत छ. शिवेंद्रसिंहराजे भोसले यांनी केली आहे. याबाबत प्रसिद्धीस दिलेल्या पत्रकात आ. शिवेंद्रसिंहराजे यांनी म्हटले आहे, की ऐन गणेशोत्सवाची धामधूम सुरू असताना अद्यापही गणेश विसर्जन कोठे करायचे हा प्रश्‍न सुटलेला नाही. उच्च न्यायालयाच्या निर्णयाचे पालन  जिल्हा प्रशासन करत असून जिल्हा प्रशासनाने विसर्जनासाठी काठी ठिकाणे सुचवली आहेत. असे असले तरी शहरातील रस्त्यांची सध्याची परिस्थिती पाहता आणि गणेश मंडळांना विसर्जनासाठी त्रास होवू नये, यासाठी विसर्जनासाठी मध्यवर्ती ठिकाण निवडणे आवश्यक आहे. गणेशोत्सव पूर्णपणे शांततेत पार पडावा, विसर्जनही विनाविघ्न पार पडावे, यासाठी जिल्हा प्रशासनाने वेगळा पर्याय शोधला पाहिजे.
Saturday, September 15, 2018 AT 08:15 PM (IST)
1 2 3 4 5 ...
 
© Copyrights 2010 Dainik Aikya.com - All rights reserved.
of
Powered By: