Dainik Aikya - Published from Satara (Maharashtra,India) Published on,
 
Search Tag:     From Date:     To Date:     Section:    
Total Results: 164
5भुईंज, दि. 18 : कारने दुचाकीला ठोकरल्याने झालेल्या अपघातानंतर जखमींना उपचारासाठी घेऊन जाणार्‍या पोलीस अधिकार्‍यांच्या मुलाला मारहाण झाल्याची घटना वेळे, ता. वाई हद्दीत गुरुवारी घडली. या प्रकरणी भुईंज पोलीस ठाण्यात सहा जणांच्या विरोधात गुन्हा दाखल करण्यात आला आहे. अपघातानंतर मारहाण होऊनही जखमींना रुग्णालयात पोहोचवणार्‍या या कुटुंबाने इतरांसमोर आदर्श ठेवला आहे. हे पाटणचे उपविभागीय पोलीस अधिकारी अंगद जाधवर यांचे हे कुटुंबीय असल्याचे स्पष्ट झाले आहे. याबाबत घटनास्थळावरून व भुईंज पोलिसांकडून मिळालेली माहिती अशी, पुणे-बंगलोर राष्ट्रीय महामार्गावरून गुरुवारी दुपारी सातार्‍याहून पुण्याकडे जाणार्‍या डस्टर कारने (क्र. एमएच-16-झेड-9518) वेळे गावानजीक महामार्गाच्या सेवा रस्त्यावरून येणार्‍या दुचाकीला ठोकरले. या दुचाकीवरून तीन जण वाहतुकीचे नियम मोडून प्रवास करत होते. अपघात होताच डस्टर कारमधील लोक खाली उतरले. त्यांनी माणुसकी जपत जखमींना कारमध्ये बसवून उपचारासाठी नेण्याचा प्रयत्न केला. त्याच वेळी सहा जण घटनास्थळी आले. ही कार कोणाची, असे विचारत त्यांनी डस्टरमधील लोकांना मारहाण केली.
Friday, April 19, 2019 AT 08:40 PM (IST)
5कराड, दि. 18 : मुंढे, ता. कराड येथे विहिरीत पोहायला गेलेल्या ओंकार रमेश चौगुले (वय 17, रा. सावर्डे, ता. हातकणंगले, जि. कोल्हापूर) याचा गुरुवारी दुपारी 12.45 च्या सुमारास बुडून मृत्यू झाला. याबाबत पोलिसांनी दिलेली माहिती अशी, ओंकार चौगुले हा सुट्टीत मुंढे येथे त्याच्या मामाकडे आला होता. तो गुरुवारी दुपारी 12.45 च्या सुमारास येथील पोहायला गेला असता विहिरीत बुडून त्याचा मृत्यू झाला. घटनेची नोंद कराड शहर पोलीस ठाण्यात झाली आहे.
Friday, April 19, 2019 AT 08:24 PM (IST)
अपघात होण्यापूर्वी शरद पवारांचा ‘यू टर्न’ सातार्‍यातील लढाई ही राजा विरुद्ध प्रजाच..! 5कोरेगाव, दि. 17 : शरद पवार यांना हवेचा रोख कळतो, असे राजकारणात सांगितले जाते, ते अगदी बरोबर आहे. त्यांना आता हवेतील बदल समजला आहे. त्यांनी माढ्यातून अपघात होण्यापूर्वीच ‘ यू टर्न’ घेतला आहे. माढ्यात आज आम्ही विशाल जनसागर पंतप्रधानांच्या सभेत पाहिला आहे. त्यामुळे आम्हाला विश्‍वास आहे, की माढा काय अन् बारामती काय, आम्ही सातारा सुद्धा जिंकणारच. सातार्‍यातील लढाई ही राजा विरुद्ध प्रजा असून सर्वसामान्य जनतेचा प्रतिनिधी नरेंद्र अण्णासाहेब पाटील हेच खासदार होणार, असा विश्‍वास मुख्यमंत्री देवेंद्र फडणवीस यांनी व्यक्त केला. येथील डी. पी. भोसले कॉलेज-समोरील मैदानावर झालेल्या जाहीर सभेत ते बोलत होते. व्यासपीठावर महायुतीचे उमेदवार नरेंद्र पाटील, पंढरपूरच्या विठ्ठल रुक्मिणी मंदिर समितीचे अध्यक्ष डॉ. अतुल भोसले, राज्य सहकार परिषदेचे अध्यक्ष ना. शेखर चरेगावकर, भाजपचे जिल्हाध्यक्ष विक्रम पावस्कर, किसनवीर कारखान्याचे अध्यक्ष मदन भोसले, जि. प.
Thursday, April 18, 2019 AT 08:38 PM (IST)
5रहिमतपूर, दि. 16 : नहरवाडी (ता.कोरेगाव) गावच्या हद्दीत दि. 16 रोजी सकाळी सहाच्या सुमारास गेट नं. 83 जवळ उमेशकुमार धुलीराम दुरिया (वय 20), रा. छटुवा, पो. छांटा, डिंडोरी मध्यप्रदेश या परप्रांतीय तरुणास रेल्वेने धडक दिल्याने त्याच्या शरीराचे तुकडे होवून त्याचा जागीच मृत्यू झाल्याची खबर सुपरवाझर साबीर साकीर मुल्ला यांनी रहिमतपूर पोलीस ठाण्यात नोंदवली आहे. याबाबत अधिक माहिती अशी, साबीर मुल्ला हे सध्या रामकृष्ण रेल्वे कॉन्ट्रॅक्टरकडे सुपरवाझर म्हणून तारगाव ते रहिमतपूर रेल्वे स्टेशन दरम्यान असलेल्या रुळाच्या देखभालीचे काम करत आहेत. त्यांच्याकडे सध्या मध्यप्रदेश या परराज्यातील एकाच गावचे 25 मजूर असून त्यांच्याकडून ते रेल्वेचे काम करुन घेत आहेत. सहाय्यक फौजदार जाधव तपास करत आहेत.
Wednesday, April 17, 2019 AT 08:55 PM (IST)
5सातारारोड, दि. 16 : अवकाळी पावसाच्या मध्यम स्वरूपाच्या सरी व वादळी वार्‍याच्या तडाख्यात विजेचा कडकडाट होऊन विजेचा लोळ गावाशेजारील गोठ्यातून वेगाने जात असताना विजेचा जोरदार धक्का बसून जळगाव, ता. कोरेगाव येथील शेतकरी श्रीरंग मुगुटराव जाधव यांचा एक शर्यतीत पळणारा बैल व जातिवंत खिलार गाय यांचा जागीच मृत्यू झाला. यामुळे शेतकरी जाधव यांचे सुमारे तीन लाखांचे नुकसान झाले आहे. याबाबत अधिक माहिती अशी, जळगाव येथे मंगळवारी दुपारी आकाश झाकोळून आल्यानंतर सव्वादोनच्या सुमारास मध्यम स्वरूपाचा पाऊस पडत असताना वादळी वार्‍यांसह विजेचा कडकडाट सुरू झाला. गावाशेजारील गोठ्यात जनावरांना वैरण टाकून श्रीरंग जाधव हे घरात शिरले असतानाच वीज कोसळल्याचा प्रचंड आवाज होऊन विजेचा लोळ त्यांच्या पत्र्याच्या शेडमधून दक्षिणेकडून उत्तरेकडे जनावरांचे मधून जाताना विजेच्या धक्क्याने त्यांचा शर्यतीत पळणारा काळ्या रंगाचा धष्टपुष्ट बैल व पांढर्‍या रंगाची खिलार गाय उन्मळून दावणीतून उलट्या दिशेने जमिनीवर कोसळली व त्यांचा जागीच मृत्यू झाला. याच गोठ्यातील एक खोंड व देशी गाय व शेजारील गोठ्यातील तीन जनावरे वाचली.
Wednesday, April 17, 2019 AT 08:54 PM (IST)
1 2 3 4 5 ...
 
© Copyrights 2010 Dainik Aikya.com - All rights reserved.
of
Powered By: