Dainik Aikya - Published from Satara (Maharashtra,India) Published on,
 
Search Tag:     From Date:     To Date:     Section:    
Total Results: 246
स 28 हजार 667 क्युसेक्स पाण्याची आवक स 80 टक्के धरण भरले 5पाटण, दि. 22 : कोयना धरण पाणलोट क्षेत्रात पावसाचा जोर कमी झाला असून संततधार कायम आहे. मात्र रात्रीच्यावेळेस पावसाचा जोर वाढत असल्याने जलाशयात येणार्‍या पाणीसाठ्याची आवक पाहता कोयना धरणाचे 6 वक्री दरवाजे रविवार, दि. 22 रोजी दुपारी 12 वाजण्याच्या 5 फुटांवरून 6 फुटांवर करण्यात आले. त्यामुळे नदीपात्रात पायथा वीजगृहातून 2 हजार 11 व वक्र दरवाजातून 26 हजार 220 असे एकूण 28 हजार 320 क्युसेक्स प्रतिसेकंद पाण्याचा विसर्ग सुरू आहे. धरणात सध्या 84.24 टीएमसी पाणीसाठा झाला असून 105.25 टीएमसी साठवण क्षमता असणारे धरण आजच्या घडीला 80 टक्के भरले आहे. दरम्यान, कोयना धरण व्यवस्थापनाने शिवसागर जलाशयाची पातळी  2145 फुटांपर्यंत स्थिर ठेवण्याचा निर्णय घेतला असून जलपातळी वाढली, की पुन्हा धरणाचे दरवाजे उचलून पाण्याचा विसर्ग करण्यात येईल, अशी माहिती धरण व्यवस्थापनाने दिली. गतवर्षापेक्षा यावर्षी पावसाने चांगली साथ दिल्याने जुलै महिन्यातच कोयना धरणात पुरेसा पाणीसाठा झाला. प्रतिवर्षी साधारणत: 15 ऑगस्टच्या आसपास धरणाच्या दरवाजातून पाण्याचा विसर्ग करण्यात येतो.
Monday, July 23, 2018 AT 08:52 PM (IST)
5कण्हेर, दि. 22 ः कण्हेर धरणाच्या पाणलोट क्षेत्रात गेल्या महिन्यापासून पडत असलेल्या संततधार पावसामुळे धरणात 84.30 टक्के पाणीसाठा झाल्याने रविवारी सकाळी धरणाचे चारही दरवाजे 1 मीटरने उचलून प्रतिसेकंद 3000 क्युसेक्स पाणी वेण्णा नदी पात्रात सोडण्यात आले. त्यामुळे नदीकाठच्या गावांना सावधानतेचा इशारा देण्यात आला आहे. सातारा जिल्ह्याच्या पश्‍चिम भागात पावसाचा जोर अद्यापही कायम असून कण्हेर धरणात येणार्‍या पाण्याची आवक 3361 क्युसेक्स आहे.      यामुळे धरणातून पाणी सोडले आहे. सकाळी 10 वाजता सायरन वाजवून धरणातून पाणी सोडल्याने वेण्णा नदी दुधडी भरून वाहत आहे. मेढा-महाबळेश्‍वर या भागात होणार्‍या पावसामुळे धरणात दर प्रतिसेकंद 3361 क्युसेक्स पाणी येत आहे. दर तासात धरण पात्रात येणार्‍या पाण्याचे प्रमाण व पडणार्‍या पावसाचा अंदाज घेऊन धरणातून पाण्याचा विसर्ग सुरू राहणार आहे. आवश्यकतेनुसार जादा किंवा कमी पाणी सोडण्यात येईल. पोलीस व महसूल विभागास सावधानतेबाबत पूर्वसूचना देण्यात आली आहे. यंदा जलाशय परिसरात गेल्या 1 महिन्यापासून 562 मी.मी. इतका पाऊस पडला आहे. सध्या धरणात 243.35 द.ल.घ.मी.
Monday, July 23, 2018 AT 08:38 PM (IST)
5पाटण, दि. 20 : कोयना धरण पाणलोट क्षेत्रात पावसाचा जोर कायम असून कोयना धरणाच्या पाणीपातळीत लक्षणीय वाढ झाली आहे. धरणातील पाणीपातळी नियंत्रित करण्यासाठी मंगळवारपासून धरणाचे सहा वक्र दरवाजे उचलून धरणातून सुरू केलेला विसर्ग शुक्रवारी चौथ्या दिवशीही कायम होता. मात्र कोयना धरणातील पाणीपातळी वाढल्याने शुक्रवारी धरणातून सुरू असलेला विसर्ग आणखी  1 हजार  200 क्युसेक्सने वाढला असल्याने कोयना नदीपात्रात आता प्रतिसेकंद 17 हजार 809 क्युसेक्सने विसर्ग सुरू आहे. कोयना धरण पाणलोट क्षेत्रात गेल्या काही दिवसापासून मुसळधार पर्जन्यवृष्टी होत असल्याने कोयना धरणाच्या पाणीसाठ्यात झपाट्याने वाढ होऊन मंगळवारी पाणीसाठ्याने धरणाच्या सांडव्याची पातळी गाठली. त्यामुळे धरणातील निर्धारित पाणीपातळी नियंत्रित करण्यासाठी कोयना धरणातून मंगळवारी धरणाचे सहा वक्र दरवाजे 2 फुटांनी तर बुधवारी साडेतीन फुटांनी उचलून कोयना नदीपात्रात प्रतिसेकंद 15 हजार 181 क्युसेक्स पाण्याचा विसर्ग कोयना नदीपात्रात सुरू करण्यात येत होता. दरम्यान, शुक्रवारीही पाणलोट क्षेत्रात पावसाचा जोर कायम होता.
Saturday, July 21, 2018 AT 08:48 PM (IST)
5उंडाळे, दि.20: कराड दक्षिणचे गतिमान नेतृत्व, रयत सहकारी साखर कारखान्याचे अध्यक्ष, जिल्हा परिषदेचे सदस्य  उदयसिंह विलासराव पाटील-उंडाळकर (दादा) यांचा वाढदिवस शनिवार, दि.21 रोजी साधेपणाने साजरा होत आहे. उंडाळे येथे उदयदादा युवा प्रतिष्ठानच्यावतीने रक्तदान शिबिर, आरोग्य तपासणी शिबिर व वृक्षारोपण कार्यक्रमाचे आयोजन करण्यात आले आहे. उदयसिंह पाटील वाढदिवसादिवशी बाहेरगावी असल्यामुळे ते शुभेच्छा स्वीकारण्यास उपलब्ध नसणार असल्याची माहिती संपर्क कार्यालयातून देण्यात आली.
Saturday, July 21, 2018 AT 08:34 PM (IST)
81.94 टीएमसी पाणीसाठा 5पाटण, दि. 19 : कोयना धरण पाणलोट क्षेत्रात पावसाची संततधार सुरूच असून शिवसागर जलाशयात 39 हजार 435 क्युसेक्स प्रतिसेकंद पाण्याची आवक सुरू आहे. धरणाचे सहा दरवाजे गुरुवारी साडेतीन फुटांवर स्थिर ठेवण्यात आले होते. धरणाच्या दरवाजांमधून 14 हजार 646 तर पायथा वीजगृहातून 2 हजार 100 क्युसेक्स पाण्याचा विसर्ग कोयना नदीत सुरू आहे. सद्य स्थितीत धरणात 81.94 टीएमसी पाणीसाठा झाला आहे. कोयनानगर व नवजा येथे पावसाने गुरुवारी तीन हजार मिमीचा टप्पा पार केला. गेल्या आठवडाभर मुसळधार पाऊस पडल्याने धरणाच्या पाणीपातळीत झपाट्याने वाढ झाली होती. मंगळवारी सकाळी 8 वाजता पायथा वीजगृहातून तर दुपारी 4 वाजता सहा दरवाजांच्या सांडव्यावरून पाण्याचा विसर्ग करण्यास सुरुवात केली होती. मंगळवारी रात्रीपासून पावसाचा जोर कमी झाला तरी धरणातील पाण्याची आवक कमी झाली नसल्याने बुधवारी सकाळी दोन फुटांवर उघडलेले दरवाजे दुपारी 1.2 वाजता साडेतीन फुटांवर नेले होते. सध्या कोयना पाणलोट क्षेत्रात पावसाचा जोर काहीसा ओसरला आहे. धरणात 39 हजार 435 क्युसेक्स पाण्याची आवक होत आहे. धरणात 81.
Friday, July 20, 2018 AT 08:37 PM (IST)
1 2 3 4 5 ...
 
© Copyrights 2010 Dainik Aikya.com - All rights reserved.
of
Powered By: