Dainik Aikya - Published from Satara (Maharashtra,India) Published on,
 
Search Tag:     From Date:     To Date:     Section:    
Total Results: 261
लक्ष्मणराव पाटील यांच्यावर हजारोंच्या उपस्थितीत अंत्यसंस्कार 5वाई/भुईंज, दि. 18 : माणूस जोडणारे आणि अखंड समाजाच्या संपर्कात राहणारे ज्येष्ठ नेते, सातारा जिल्ह्याचे माजी खासदार लक्ष्मणराव पाटील हजारोंच्या साक्षीने अनंतात विलीन झाले. बोपेगाव (ता. वाई) या त्यांच्या जन्मगावी त्यांना अखेरचा निरोप देण्यासाठी मोठा जनसागर लोटला. मंत्रोच्चारांच्या घोषात सुपुत्र मिलिंद पाटील, आ. मकरंद पाटील व नितीन पाटील यांनी त्यांच्या पार्थिवास मंत्राग्नी दिला. सुमारे महिनाभराच्या उपचारानंतर लक्ष्मणराव पाटील यांचे गुरुवारी सकाळी मुंबई येथील जसलोक हॉस्पिटलमध्ये निधन झाले. त्यांचे पार्थिव गुरुवारी सायंकाळी विकासनगर, सातारा येथील निवासस्थानी आणण्यात आले. तेथे राष्ट्रवादीचे अध्यक्ष खा. शरद पवार यांच्यासह जिल्ह्यातील नेते व असंख्य कार्यकर्त्यांनी आपल्या लाडक्या नेत्याचे अंत्यदर्शन घेतले.  रात्री 9.30 च्या सुमारास बोपेगाव येथे त्यांचे पार्थिव आणण्यात आले. ग्रामपंचायतीच्या प्रांगणात ग्रामस्थांनी आणि वाई तालुक्यातील कार्यकर्त्यांनी तात्यांचे अंत्यदर्शन घेतले. त्यानंतर बोपेगाव येथील निवासस्थानी पार्थिव ठेवण्यात आले.
Saturday, January 19, 2019 AT 08:39 PM (IST)
सर्वोच्च न्यायालयाचे तोंडी आदेश अधिकार्‍यांचा हलगर्जीपणा 5मुंबई, दि. 16 (प्रतिनिधी) शिवस्मारकाच्या बांधकामात पुन्हा एकदा विघ्न आले असून, सर्वोच्च न्यायालयाच्या तोंडी सूचने-नंतर सार्वजनिक बांधकाम विभागाने स्मारकाचे काम थांबवण्याचे आदेश दिले आहेत. सार्वजनिक बांधकाम विभागाच्या अधिकार्‍यांच्या हलगर्जीपणामुळेच स्मारकाच्या कामाला स्थगिती मिळाल्याचे सांगताना शिवस्मारक समितीचे अध्यक्ष विनायक मेटे यांनी याबाबत तीव्र नापसंती व्यक्त केली आहे. बर्‍याच अडथळ्यांनंतर अखेर शिवस्मरकाच्या कामाला प्रत्यक्ष सुरुवात झाली होती परंतु सर्वोच्च न्यायालयाने दिलेल्या तोंडी आदेशामुळे पुन्हा हे काम थांबले आहे. मुंबईच्या गिरगाव चौपाटीजवळची जागा शिवाजी महाराज यांच्या स्मारकासाठी निश्‍चित करण्यात आली आहे. 16.86 हेक्टरच्या खडकाळ परिसरात हे स्मारक उभारले जाणार आहे. मात्र, हे स्मारक उभारल्याने समुद्रातील जलचर प्राणी आणि जैवविविधतेला धोका उत्त्पन्न होईल, असा पर्यावरणवाद्यांचा आक्षेप आहे. त्यामुळे त्यांनी सर्वोच्च न्यायालयात याचिका दाखल केली आहे.
Thursday, January 17, 2019 AT 08:42 PM (IST)
सम्राट निकमवर रात्री उशिरा अंत्यसंस्कार, तिघे ताब्यात आठ जणांवर गुन्हा 5सातारा, दि. 16 : दत्तनगर येथे मंगळवारी खून झालेल्या सम्राट विजय निकम (वय 27, रा.), रा. कोडोली याच्यावर रात्री उशिरा तणावाच्या वातावरणात अंत्यसंस्कार करण्यात आले. सलग दुसर्‍या दिवशीही कोडोली परिसरात तणावाचे वातावरण दिसून येत होते. दरम्यान खून प्रकरणी सातारा शहर पोलीस ठाण्यात कोडोली येथील 8 जणांवर खुनाचा गुन्हा दाखल करण्यात आला आहे. याबाबत अधिक माहिती अशी, सम्राट निकम हा दुपारी 4 वाजण्याच्या सुमारास पेट्रोल पंपावरून कोडोलीकडे दुचाकीवरून जात असताना दत्त चौकात त्याच्यावर एका टोळक्याने हॉकी स्टिकने हल्ला चढवला. सम्राट याने हल्लेखोरांना प्रतिकार करण्याचा प्रयत्न केला. मात्र हल्लेखोर एकामागोमाग सपासप वार करत होते. सम्राट याचा मोठ्या प्रमाणात रक्तस्राव झाला व जागीच कोसळला. हल्ल्यानंतर हल्लेखोर पळून गेले. या सर्व घटनेने परिसरातील नागरिक भयभीत झाले. दरम्यान, सातारा पोलिसांना या घटनेची माहिती मिळाल्यानंतर त्यांनी घटनास्थळी धाव घेतली. सम्राट याला तत्काळ सिव्हिल हॉस्पिटलमध्ये आणल्यानंतर मृत घोषित केले.
Thursday, January 17, 2019 AT 08:40 PM (IST)
हायकोर्टाच्या आदेशानंतरही संघटनांचा निर्धार 5मुंबई, दि. 15 (वृत्तसंस्था) : मुंबई उच्च न्यायालयाने मंगळवारी  रात्रीपर्यंत संप मागे घेण्याचा तोंडी आदेश दिल्यानंतरही बेस्ट कामगारांनी संप मागे घेण्यास स्पष्ट शब्दांत नकार दिला आहे. वडाळा येथे झालेल्या बेस्ट कामगार संघटनांच्या मेळाव्यात मागण्या मान्य होईपर्यंत संप सुरूच ठेवण्याचा निर्धार करण्यात आला. बेस्ट प्रशासनाने फेब्रुवारी महिन्यापासून कामगारांना वेतनवाढ देण्याची हमी देताना अन्य सर्व मागण्यांबाबत वाटाघाटी करण्याची तयारी    उच्च न्यायालयात दर्शवल्यानंतर न्यायालयाने कामगारांना संप मागे घेण्याचा आदेश दिला. तुमच्या मागण्यांबाबत आम्ही बेस्टला वेळापत्रक करून देऊ. मंगळवारी रात्रीपर्यंत संप मागे घेण्याबाबत निर्णय घेऊन उद्या सकाळी आम्हाला कळवा, असा आदेश न्यायालयाने कामगार कृती समितीला दिला. फेब्रुवारीत वेतनवाढ देण्याची हमी देण्यात आली आहे. इतर मागण्यांबाबत वाटाघाटीचे मार्ग खुले असल्याचेही बेस्टने नमूद केले आहे, याकडेही न्यायालयाने कृती समितीचे लक्ष वेधले. मात्र, संपावर ठाम राहण्याचा निर्धार कामगारांनी केला.
Wednesday, January 16, 2019 AT 09:19 PM (IST)
5मुंबई, दि. 11 (प्रतिनिधी): शिवसेनेच्या पाठिंब्यामुळेच आज आम्ही सत्तेत आहोत. शिवसेनाप्रमुख असताना ज्यावेळी युतीमध्ये कटुता यायची तेव्हा बाळासाहेब, गोपीनाथ मुंडे व प्रमोद महाजन यांची एकत्र बैठक व्हायची. चर्चेतून मार्ग निघायचा. आता ही जबाबदारी आमच्यावर आहे. चिंता करू नका, आम्ही चर्चेतून लवकरच मार्ग काढू आणि आमची शिवसेनेबरोबर युती होणारच, असा विश्‍वास मुख्यमंत्री देवेंद्र फडणवीस यांनी व्यक्त केला आहे. अमित शहा व उद्धव ठाकरे यांच्या वक्तव्यांमुळे युतीतील तणाव विकोपाला गेला असताना मुख्यमंत्र्यांनी ‘ठाकरे’ चित्रपटाच्या प्रदर्शनपूर्व सोहळ्याला हजेरी लावताना युती होणार, असा ठाम विश्‍वास व्यक्त केल्याने त्याला विशेष महत्त्व आले आहे. शिवसेनाप्रमुख बाळासाहेब ठाकरे यांच्या जीवनावरील ‘ठाकरे’ हा चित्रपट 25 जानेवारी रोजी प्रदर्शित होत आहे. या निमित्ताने ‘कलर्स’ वाहिनीने मंगळवारी यशवंतराव चव्हाण प्रतिष्ठान सभागृहात विशेष सोहळा आयोजित केला होता. या सोहळ्यास मुख्यमंत्री देवेंद्र फडणवीस, शिवसेना पक्षप्रमुख उद्धव ठाकरे, राष्ट्रवादी काँग्रेसचे अध्यक्ष शरद पवार, खा.
Wednesday, January 16, 2019 AT 09:12 PM (IST)
1 2 3 4 5 ...
 
© Copyrights 2010 Dainik Aikya.com - All rights reserved.
of
Powered By: