Dainik Aikya - Published from Satara (Maharashtra,India) Published on,
 
Search Tag:     From Date:     To Date:     Section:    
Total Results: 234
5भोपाळ, दि. 18 (वृत्तसंस्था) : मध्य प्रदेश काँग्रेस कमिटीच्या ‘चौकीदार चोर है’ या प्रचार मोहिमेवर निवडणूक आयोगाने बंदी घातली आहे. भाजपच्या तक्रारीनंतर ही कारवाई करण्यात आली आहे. काँग्रेसने ‘चौकीदार चौर है’ अशी घोषणा असलेल्या ध्वनिफित आणि चित्रफितीचा भाजपविरोधात प्रचारासाठी वापर सुरू केला होता. मात्र, या जाहिरातीला निवडणूक आयोगाच्या माध्यम प्रमाणपत्र आणि छाननी समितीने दिलेली मान्यता रद्द करण्यात आली आहे. ‘चौकीदार चोर है’ या जाहिरातीवर आक्षेप घेऊन भाजपने निवडणूक आयोगाकडे तक्रार केली होती. ही जाहिरात बदनामकारक, आक्षेपार्ह आहे. यामध्ये ‘चौकीदारा’चा संदर्भ पंतप्रधान नरेंद्र मोदींचा आहे. त्यामुळे या मोहिमेवर बंदी घालण्याची मागणी भाजपने केली होती. या तक्रारीनंतर मध्य प्रदेशचे सहाय्यक मुख्य निवडणूक अधिकारी राजेश कौल यांनी या जाहिरातीच्या प्रसारणावर बंदी घातली.  निवडणूक आयोगाने घालून दिलेल्या नियमानुसार काँग्रेसविरोधात तत्काळ कारवाई करण्याचे आदेश देण्यात आले असून या जाहिरातीवरून काँग्रेसला ही जाहिरात कोणत्याही माध्यमातून प्रसारित करण्यासही मनाई करण्यात आली आहे.
Friday, April 19, 2019 AT 08:36 PM (IST)
राज्यातील दहा मतदारसंघांत 63 टक्के मतदान िं कोणतीही लाट नसताना 2014 पेक्षा अधिक मतदान िं दिग्गजांचे भवितव्य मतदान यंत्रांमध्ये बंद 5मुंबई, दि. 18 (प्रतिनिधी) : लोकसभा निवडणुकीच्या दुसर्‍या टप्प्यात 11 राज्ये आणि एका केंद्रशासित प्रदेशात मिळून 96 मतदारसंघांमध्ये गुरुवारी सरासरी 66 टक्के मतदान झाले. पश्‍चिम बंगालमधील किरकोळ हिंसक घटना, छत्तीसगडमध्ये माओवाद्यांनी घडवलेला आयईडी स्फोट वगळता मतदान शांततेत झाले, अशी माहिती केंद्रीय वरिष्ठ निवडणूक उपायुक्त उमेश सिन्हा यांनी दिली. महाराष्ट्रातील दहा मतदारसंघांमध्येही शांततेत पण 63 टक्के इतके विक्रमी मतदान झाल्याची माहिती अतिरिक्त मुख्य निवडणूक अधिकारी दिलीप शिंदे यांनी दिली. 2014 साली या दहा मतदारसंघांत 57.22 टक्के मतदान झाले होते. माजी मुख्यमंत्री अशोक चव्हाण, सुशीलकुमार शिंदे, वंचित बहुजन आघाडीचे नेते प्रकाश आंबेडकर, माजी पंतप्रधान एच. डी. देवेगौडा आदी दिग्गजांचे भवितव्य मतदान यंत्रांमध्ये बंद झाले आहे.
Friday, April 19, 2019 AT 08:23 PM (IST)
5सोलापूर, दि. 17 (सूर्यकांत आसबे) : माझ्या कुटुंबाला शरद पवारांनी नावे ठेवू नयेत. संपूर्ण देशच माझे कुटुंब आहे, असा टोला लगावत पंतप्रधान नरेंद्र मोदी यांनी राष्ट्रवादीचा बालेकिल्ला असलेल्या माढा लोकसभा मतदारसंघातील अकलूजच्या विराट जाहीर सभेत राष्ट्रवादीचे अध्यक्ष शरद पवार यांना लक्ष्य केले. परिवार व्यवस्था ही देशाची मोठी देणगी आहे. परिवाराच्या विषयात वयाने मोठे असलेल्या पवारांना बोलण्याचा हक्क असल्याचा खोचक टोलाही मोदींनी लगावला. माढा मतदारसंघातील महायुतीचे उमेदवार रणजितसिंह नाईक-निंबाळकर यांच्या प्रचारासाठी बुधवारी सकाळी पंतप्रधानांची सभा झाली. पंतप्रधानांनी शरद पवार, विरोधक आणि वैयक्तिक आरोप करणार्‍यांचा समाचार घेतला. मोहिते-पाटलांनी मोदींचा फेटा व घोंगडी देऊन सत्कार केला. भाजपचे जिल्हाध्यक्ष शहाजी पवार यांनी आणलेले मोदी जॅकेट अंगात घालून पंतप्रधानांनी भाषण केले. व्यासपीठावर मुख्यमंत्री देवेंद्र फडणवीस, महसूल मंत्री चंद्रकांत पाटील, सहकार मंत्री सुभाष देशमुख, पालक मंत्री विजयकुमार देशमुख, केंद्रीय मंत्री रामदास आठवले, राज्यमंत्री सदाभाऊ खोत, महादेव जानकर, विजयसिंह मोहिते-पाटील, खा.
Thursday, April 18, 2019 AT 08:57 PM (IST)
राज्यातील दहा मतदारसंघ दिग्गजांची प्रतिष्ठा पणाला 5मुंबई, दि. 17 (प्रतिनिधी) : लोकसभा निवडणुकीच्या दुसर्‍या टप्प्यात उद्या, दि. 18 रोजी 13 राज्यांमधील 97 मतदारसंघांमध्ये मतदान होणार असून त्यात महाराष्ट्रातील दहा मतदारसंघांचा समावेश आहे. राज्यातील सुमारे एक कोटी 85 लाख मतदार आपला कौल देणार आहेत. उद्याच्या मतदानासाठी सर्व यंत्रणा सज्ज असून माजी मुख्यमंत्री अशोक चव्हाण, सुशीलकुमार शिंदे या दोन माजी मुख्यमंत्र्यांसह माजी केंद्रीय राज्यमंत्री आनंदराव अडसूळ, माजी खासदार अ‍ॅड. प्रकाश आंबेडकर, डॉ. प्रीतम मुंडे आदी दिग्गजांची प्रतिष्ठा पणाला लागली आहे. लोकसभा निवडणुकीच्या दुसर्‍या टप्प्यात आसाम, बिहार, छत्तीसगड, जम्मू-काश्मीर, कर्नाटक, महाराष्ट्र, मणिपूर, ओडिशा, पुडूचेरी, तामिळनाडू, त्रिपुरा, उत्तर प्रदेश आणि पश्‍चिम बंगाल या 13 राज्यांमधील 97 मतदारसंघांमध्ये गुरुवारी मतदान होत आहे. यामध्ये महाराष्ट्रातील बुलढाणा, अकोला, अमरावती, हिंगोली, नांदेड, परभणी, बीड, उस्मानाबाद, लातूर आणि सोलापूर अशा दहा मतदारसंघांचा समावेश आहे. या सर्व दहा ठिकाणी चुरशीच्या लढती असल्याने उद्याच्या मतदानाकडे सर्वांचे लक्ष लागले आहे.
Thursday, April 18, 2019 AT 08:53 PM (IST)
राज ठाकरे यांचा रोखठोक सवाल मोदी, शहांच्या विरोधात बोलणारच 5सातारा, दि. 17 : महाराष्ट्रात गेल्या 5 वर्षांत 14 हजार शेतकर्‍यांनी आत्महत्या केल्या. स्टार्टअप इंडिया, मेक इन इंडिया या जाहिरातींवर साडेचार हजार कोटी रुपये खर्च करण्यात आलेत. देशातील बलात्कार थांबले नाहीत. अनेकांचे रोजगार काढून घेतले. नवीन युवक रोजगाराच्या शोधात आहेत, देशात अशी परिस्थिती असताना निवडणुकीच्या तोंडावर जवानांच्या नावाने मते मागण्यात येत आहेत. गेल्या 5 वर्षात जी स्वप्ने दाखवली, योजना आणल्या याबाबत नरेंद्र मोदी चकार शब्द काढत नाहीत. बाबांनो बेसावध राहू नका. नरेंद्र मोदी, अमित शहा देश संपविल्याशिवाय राहणार नाहीत. ते यापुढे राजकीय पटलावर दिसता कामा नये, याची तुम्ही काळजी घ्या, असे आवाहन महाराष्ट्र नवनिर्माण सेनेचे अध्यक्ष राज ठाकरे यांनी केले. दरम्यान लोकसभा निवडणुकीसाठीच पुलवामा हल्ला घडवून आणला का असा प्रश्‍नही त्यांनी यावेळी उपस्थित केला. सातारा येथील गांधी मैदानावर बुधवारी सायंकाळी महाराष्ट्र नवनिर्माण सेनेच्यावतीने आयोजित करण्यात आलेल्या जाहीर सभेत ते बोलत होते.
Thursday, April 18, 2019 AT 08:35 PM (IST)
1 2 3 4 5 ...
 
© Copyrights 2010 Dainik Aikya.com - All rights reserved.
of
Powered By: