कराड, दि. 3 : कराडकरांसह तालुक्याचे लक्ष लागून राहिलेली युवा नेते डॉ. अतुल भोसले व ललित राजापुरे मित्रपरिवार यांच्यावतीने आयोजित 1 लाख 11 हजार 111 रुपयांची दहीहंडी रात्री उशिरा तासगावच्या शिवनेरी तरुण मंडळाने 7 थर रचत फोडली तर खास महिलांसाठी असलेली 11 हजार 111 रुपयांची दहीहंडी पार्वती महिला पथकाने फोडली.

पुणे, दि. 3 (प्रतिनिधी) : जुन्या पिढीतील लेखिका वसुंधरा कृष्णाजी पटवर्धन (वय 93) यांचे वृध्दापकाळाने शुक्रवारी पहाटे निधन झाले. त्यांच्या मागे एक मुलगा, एक मुलगी आणि नातवंडे असा परिवार आहे. पटवर्धन यांच्या पार्थिवावर वैकुंठ स्मशानभूमीत सकाळी अंत्यसंस्कार करण्यात आले. वसुंधरा पटवर्धन या पूर्वाश्रमीच्या वसुधा खानविलकर. 18 एप्रिल 1917 रोजी त्यांचा जन्म झाला.

कराड, दि. 3 : नोकरी व व्यवसायाचे आमिष दाखवून लाखो रुपयांचा गंडा घालणाऱ्या सांगलीतील लखोबा लोखंडेने हजारमाची, ता. कराड येथील आणखी दोन महिलांकडून सुमारे दीड लाखाची रक्कम घेवून फसवणूक केल्याचे शुक्रवारी उघड झाले आहे. या प्रकरणी शहर पोलीस ठाण्यात रात्री उशिरा दोन फिर्यादी दाखल झाल्या आहेत. दरम्यान त्यास कराड पोलिसांनी ताब्यात घेतले असून सध्या तो पोलीस कोठडीची हवा खात आहे.

कोरेगाव, दि. 3 ः शेती उद्योगामध्ये केळी पिकांचे महत्व अनन्यसाधारण असून त्यामध्ये उच्चतंत्रज्ञान अवलंबल्यास केळी शेती फायदेशीर होईल, असे प्रतिपादन जिल्हा अधीक्षक कृषी अधिकारी विकास पाटील यांनी एकसळ येथील केळी लागवडीप्रसंगी केले. महाराष्ट्र शासन कृषी विभागाच्यावतीने राष्ट्रीय फलोत्पादन अभियानांतर्गत केळी क्षेत्रविस्तारामध्ये एकसळ, ता. कोरेगाव येथील दीपक भोसले यांच्या 0.50 हे. क्षेत्रावर लागवड करण्यात आली.

वाई, दि. 3 : इंडियन इंटरनॅशनल ऍच्युअर्स समितीतर्फे दिला जाणारा इंडियन ऍच्युअर्स ऍवॉर्ड प्रभुणे मॅनेजमेंट कन्सल्टन्सीचे दिलीप प्रभुणे यांना लालबहादूर शास्त्री फौंडेशनचे अध्यक्ष सुनील शास्त्री यांच्या हस्ते दिल्ली येथे प्रदान करण्यात आला. यावेळी प्रमुख पाहुण्या म्हणून माजी पोलीस महासंचालक किरण बेदी व केंद्रीय गुन्हे अन्वेषण विभागाचे माजी संचालक जोगिंदर सिंग उपस्थित होते.

उंडाळे, दि. 2 : खोडशी, ता. कराड येथील कोयना सहकारी दूध संघाच्या चेअरमनपदी संपतराव इंगवले यांची सलग पाचव्यांदा तर व्हाईस चेअरमनपदी सयाजीराव यादव यांची दुसऱ्यांदा निवड झाली. निवडणूक निर्णय अधिकारी म्हणून तहसीलदार सुनील जोशी यांनी काम पाहिले. निवडीनंतर चेअरमन इंगवले म्हणाले, आ. विलासराव पाटील-उंडाळकर यांच्या नेतृत्वाखाली संघाच्या प्रगतीची घोडदौड सुरु आहे.

नीरा, दि. 2 : पुणे जिल्हा परिषदेची प्राथमिक शाळा भरत असलेली ग्राम-पंचायतीच्या मालकीची इमारत आणि शाळेच्या परिसरातील स्वच्छतागृहाच्या दुरुस्ती व डागडुजीचे लाखो रुपये खर्चाचे काम हाती घेण्यात आले आहे. मात्र सध्या नीरा ग्रामपंचायतीची तिजोरी रिकामी असल्याने लोकवर्गणीतून प्राथमिक शाळा इमारत दुरुस्तीचे काम करण्यात येणार आहे.

राजाभाऊ शेलार यांचा सवाल पाटण, दि. 2 : पाटण तालुक्यातील पवनचक्क्यांच्या 773  मालकांकडून 35 कोटी 78 लाख रुपये कराची येणे बाकी असून यापुढे दरवर्षी 6 ते 7 कोटी रुपये करापोटी रक्कम या परिसरातील 33 गावच्या ग्रामपंचायतींना मिळणार होती.

मांडवे, दि. 2 ः महावितरणच्या वडूज विभागाने 2009-2010 या आर्थिक वर्षात सर्वच क्षेत्रात उत्कृष्ट काम करुन बारामती परिमंडलात प्रथम क्रमांक पटकावला. प्रलंबित शेतीपंप, वीज कनेक्शन देणे, वीज वितरण हानी कमी करणे, वीजबील वसुली वाढवणे, प्रलंबित वीज कनेक्शनचा अनुशेष त्वरित भरून काढणे इ. निकषांवर सर्वच पातळींवर उत्कृष्ट काम करणाऱ्या विभागास पुरस्कार देण्यात आला.

कराड, दि. 2 : राष्ट्रीय एकात्मतेच्या भावनेतूनच सार्वजनिक गणशोत्सव साजरा करुन समाजामध्ये शांततेचे वातावरण निर्माण करण्याची गरज आहे.  मात्र आज गणशोत्सवादरम्यान शांततेला तडा जात असून या उत्सवाला गालबोट लागत असल्याची खंत जिल्हाधिकारी संभाजीराव कडू-पाटील यांनी व्यक्त केली. येथील स्व. वेणूताई चव्हाण स्मारक सदनात गणेशोत्सवानिमित्त आयोजित केलेल्या शांतता समितीच्या बैठकीत ते बोलत होते.