पणजी, दि. 5 (वृत्तसंस्था) : गोवा विधानसभेच्या निवडणुकीसाठी महाराष्ट्रवादी गोमंतक पक्ष आणि भारतीय जनता पक्षाची युती झाल्याची घोषणा भाजपचे पक्षाध्यक्ष नितीन गडकरी यांनी रविवारी पत्रकार परिषदेत केली.  राज्यातल्या 40 पैकी 31 जागांवर भाजप, 8 जागांवर मगोप आणि दोन्ही पक्ष कुंभारदुवा मतदारसंघात अपक्षाला पाठिंबा देणार असल्याचे त्यांनी सांगितले.

पाटणा, दि. 5 (वृत्तसंस्था) : ज्येष्ठ समाजसेवक अण्णा हजारे यांनी गेल्या वर्षी केलेल्या देशव्यापी भ्रष्टाचार विरोधी आंदोलनात राष्ट्रीय स्वयंसेवक संघाच्या स्वयंसेवकाचा सक्रिय सहभाग होता. तरीही त्याची कबुली अण्णा का देत नाहीत, असा जाहीर सवाल सरसंघचालक मोहन भागवत यांनी रविवारी केला. भ्रष्टाचारविरोधी जनआंदोलनात सक्रिय असलेल्या संघाच्या स्वयंसेवकांनी अण्णांच्या मागे आपले बळ उभे केले होते.

मुंबई, दि. 3 (प्रतिनिधी) : मुंबईसह राज्यातील पत्रकार, वृत्तपत्र आणि वृत्तवाहिन्यांच्या कार्यालयावर सातत्याने हल्ले वाढत असून हल्लेखोरांना राजकीय पक्षांच्या नेत्यांचे संरक्षण मिळत असल्यामुळे हल्ले रोखण्यात राज्य सरकारला अपयश आले आहे. पत्रकारांना संरक्षण देणारा कायदा करण्यास सरकार उदासिन असल्यामुळे या मागणीसाठी केंद्र सरकारकडे दाद मागावी.

नवी दिल्ली, दि. 3 (वृत्तसंस्था) : लष्करप्रमुख व्ही. के. सिंह यांची जन्मतारीख बदलण्याबाबत 30 डिसेंबर 2011 रोजी दिलेला आदेश सरकार परत घेणार आहे काय? असा रोकडा सवाल करीत शुक्रवारी सर्वोच्च न्यायालयाने या प्रकरणी 10 फेब्रुवारी रोजी सुनावणी निश्चित केली आहे. आपली जन्मतारीख 10 मे 1950 अशी चुकीची नोंदवण्यात आली आहे. ती दुरुस्त करुन 10 मे 1951 अशी करावी अशी सिंह यांनी केलेली मागणी संरक्षण मंत्री ए. के.

पवारांचा राष्ट्रवादीच्या नेत्यांना संयमाचा सल्ला मुंबई, दि. 3 (प्रतिनिधी) : स्थानिक स्वराज्य संस्थांच्या निवडणुकात स्वबळावर लढत असलो तरी नंतर दोन कॉंग्रेसला एकत्र सरकार चालवायचे आहे. त्यामुळे कॉंग्रेस पक्षावर वा कोणा नेत्यावर व्यक्तिगत टीका करू नका, असा सल्ला राष्ट्रवादी कॉंग्रेस अध्यक्ष व केंद्रीय मंत्री शरद पवार यांनी आपल्या पक्षाच्या नेत्यांना दिला. फोडाफोडीच्या राजकारणाचे मात्र पवार यांनी समर्थन केले.