नवी दिल्ली, दि. 3 (वृत्तसंस्था) :देशातील पहिला योजनाबध्द डोंगरी नगर प्रकल्प लवासामध्ये महाराष्ट्र सरकारला काही गैरव्यवहार आढळून आले असून यासंदर्भात अहवालानंतर लगेचच कारवाई केली जाईल, असे महाराष्ट्राचे महसूलमंत्री ना. नारायण राणे यांनी आज शुक्रवारी येथे एका भरगच्च पत्रकार परिषदेत घोषित केले. ना. राणे यांच्या या पत्रकार बैठकीच्यावेळी मुख्यमंत्री ना. अशोक चव्हाण हेही उपस्थित होते. ना. राणे म्हणाले, लवासा गैरव्यवहार प्रकरणी तपास सुरू आहे.

पुणे, दि. 3 (प्रतिनिधी) : एकतर्फीप्रेमातून संगणक अभियांत्रिकीच्या दुसऱ्या वर्गात शिकणाऱ्या मामेबहिणीचा आतेभावाने चॉपर व सत्तूराने वार करुण तिचा निर्घृण खून केल्याची खळबळजनक घटना शुक्रवारी सकाळी पिंपरीतील वाल्हेकरवाडी येथे घडली. या हल्ल्यात या तरुणीची मैत्रीणही जखमी झाली आहे. या हल्ल्यानंतर या माथेफिरू तरुणाने स्वत:वर वार करून आत्महत्या करण्याचा प्रयत्न केला. ही तरुणी मूळची नाशिकची आहे. ज्योत्स्ना काभारी बागूल (वय 20, रा. वाल्हेकरवाडी, मूळची रा.

सलग चौथ्यांदा कॉंग्रेस अध्यक्षपद भूषविण्याचा विक्रम नवी दिल्ली, दि. 3 (वृत्तसंस्था) : कॉंग्रेसच्या अध्यक्षपदी आज अपेक्षेप्रमाणे सोनिया गांधी यांच्या नावाची घोषणा झाली आणि त्या चौथ्यांदा अध्यक्षपदी विराजमान झाल्या. कॉंग्रेसमध्ये सलग 12 वर्षांहून अधिक काळ अध्यक्षपदी राहण्याचा विक्रमही सोनिया गांधी यांच्या नावे जमा झाला आहे. कॉंग्रेस पक्षाच्या घटनेनुसार, अध्यक्षपदाच्या निवडणुकीसाठी विद्यमान अध्यक्षांना अर्ज भरण्याची गरज नसते.

कोल्हापूर, दि. 3 (प्रतिनिधी): जीवनभर संगीतावर निष्ठा, प्रेम ठेवून, शिष्यांच्या अनेक पिढ्या घडवणारे विनायक कृष्ण तथा नूतन गंधर्व आप्पासाहेब देशपांडे यांचे वृध्दापकाळाने वयाच्या 85 व्या वर्षी शुक्रवारी सकाळी 6.30 वाजता दु:खद निधन झाले. त्यांच्या पार्थिवावर पंचगंगा मुक्तीधाम स्मशानभूमी येथे अंत्यसंस्कार करण्यात आले. त्यांचे चाहते, शिष्य, संगीतप्रेमी यांनी  साश्रूनयनांनी त्यांना अखेरचा निरोप दिला.

लंडन, दि. 3 (वृत्तसंस्था) : स्पॉट फिक्सिंग प्रकरणी पाकच्या तीन क्रिकेटपटूंना निलंबित करण्यामागे आयसीसीचे कट कारस्थान आहे. त्यामध्ये अध्यक्ष शरद पवारांचा हात आहे, असा आरोप पाकचे लंडनमधील उच्चायुक्त वाजिद हसन यांनी केला असला तरी आयसीसीचे मुख्य कार्यकारी हरुन लॉरगॅट यांनी या आरोपाचा इन्कार केला आहे.

चेन्नई, दि. 3 (वृत्तसंस्था) : तमिळ सुपरस्टार रजनीकांतची मुलगी सौंदर्या आणि स्टेनफोर्ड विद्यापीठाचा पदवीधर अश्विन रामकुमार यांचा विवाह आज (शुक्रवार) सकाळी चेन्नईत मोठ्या थाटामाटात पार पडला. यावेळी चित्रपट क्षेत्रातील मान्यवर आणि राजकारणातील बडी नेतेमंडळी आवर्जून उपस्थित होती. चेन्नईतील पंचतारांकित राणी मय्याम्मनी सभागृहात आज (शुक्रवार) सकाळी वैदिक पध्दतीने हा सोहळा पार पडला. मान्यवरांनी सकाळी साडेसात वाजताच सभागृहात गर्दी केली होती.

सातारा, दि. 3 ः स्थानिक गुन्हे अन्वेषण विभाग, सातारच्या अधिकारी-कर्मचाऱ्यांनी ऑपरेशन ऑल आऊट दरम्यान दहिवडी येथील पेट्रोल पंप दरोड्याचा गुन्हा उघडकीस आणला. स्थानिक गुन्हे अन्वेषण विभागाच्या पोलीस अधिकारी, कर्मचाऱ्यांनी गुन्हा घडल्यापासून 7 दिवसांच्या आत गुन्हा उघडकीस आणून पाच संशयित आरोपींना मुद्देमालासह अटक केली आहे. तसेच या संशयित आरोपींकडून इतर काही महत्वाचे गुन्हे उघडकीस येण्याची शक्यता आहे.

मुंबई, दि. 3 (प्रतिनिधी) :  सहाय्यक पोलीस आयुक्त मधुसूदन कुरणे यांचा मुलगा अभिजित (वय 27) आणि सून अश्विनी (वय 21) यांनी गोळ्या झाडून आत्महत्या केल्याचा प्रकार आज (शुक्रवारी) उघडकीस आला. कुरणे यांच्या मालाड येथील एव्हरशाईन अपार्टमेंटमधील घरात हा प्रकार घडला. मिळालेल्या माहितीनुसार गुरुवारी रात्री कुरणे ड्युटीवर होते. तसेच, त्यांच्या पत्नीदेखील घरी नव्हत्या.

पारगाव, दि. 3 : खंडाळा तालुक्यातील औद्योगिक वसाहतीसाठी स्थानिक भूमि-पुत्रांच्या जमिनीच्या सात-बारावर हस्तांतरण बंदीचे शिक्के मारण्यात आल्याने भू-संपादन होणार आहे. याला विरोध म्हणून संबंधित शेतकऱ्यांनी आज खंडाळा येथील पुणे-बंगलोर महामार्गावर रास्ता रोको आंदोलन केले. या मोर्चाचे नेतृत्व शिवसेना जिल्हाप्रमुख पुरुषोत्तम जाधव यांनी केले.

अमेठी, दि. 3 (वृत्तसंस्था) : अमेठीच्या दौऱ्यावर असलेले कॉंग्रेसचे सरचिटणीस राहुल गांधी यांच्यासमोर आज (शुक्रवार) मतदारसंघातील नागरिकांनी तक्रारी मांडून सोडवण्याचा आग्रह धरला. राहुल तीन दिवसांपासून अमेठीच्या दौऱ्यावर आहेत. मतदारसंघातील पक्षकार्यकर्त्यांबरोबरच सर्वसामान्य नागरिक तसेच अमेठी शेजारच्या जिल्ह्यातील लोकांनीही आपले प्रश्न लोकांसमोर मांडले. यात मतदारसंघातील तक्रारींचे मोठे प्रमाण होते.